ಹ್ಯುಂಡೈ ಕ್ರೆಟಾ ಈಗ ದೇಶದ ನಂ.1 ಎಸ್‌ಯುವಿ

By Nagaraja

Published: Tuesday, September 22, 2015, 10:43 [IST]

ಮಹೀಂದ್ರ ಬೊಲೆರೊಗಳಂತಹ ಐಕಾನಿಕ್ ಮಾದರಿಗಳನ್ನು ಹಿಂದಿಕ್ಕಿರುವ ಹ್ಯುಂಡೈ ಕ್ರೆಟಾ ಈಗ ದೇಶದ ನಂ.1 ಕ್ರೀಡಾ ಬಳಕೆಯ ವಾಹನ (ಎಸ್‌ಯುವಿ) ಎನಿಸಿಕೊಂಡಿದೆ. ಕೆಲವು ಸಮಯಗಳ ಹಿಂದೆಯಷ್ಟೇ ಬಿಡುಗಡೆಗೊಂಡಿದ್ದ ಹ್ಯುಂಡೈ ಕ್ರೆಟಾ 2015 ಆಗಸ್ಟ್ ತಿಂಗಳಲ್ಲಿ ಅತಿ ಹೆಚ್ಚು ಮಾರಾಟವನ್ನು ಪಡೆದುಕೊಂಡಿದೆ.

ಅಂಕಿಅಂಶಗಳ ಪ್ರಕಾರ ಹ್ಯುಂಡೈ ಕ್ರೆಟಾ 2015 ಆಗಸ್ಟ್ ತಿಂಗಳಲ್ಲಿ ಭರ್ಜರಿ 7,437 ಯುನಿಟ್ ಗಳ ಮಾರಾಟ ದಾಖಲಿಸಿಕೊಂಡಿದೆ. ಅಲ್ಲದೆ ಎರಡನೇ ಸ್ಥಾನದಲ್ಲಿರುವ ಬೊಲೆರೊಗಿಂತಲೂ (4,804) ಸ್ಪಷ್ಟ ಅಂತರವನ್ನು ಕಾಯ್ದುಕೊಂಡಿದೆ. ಈ ವಿಭಾಗದಲ್ಲಿ ಹೊಸತಾಗಿ ಕಾಣಿಸಿಕೊಂಡಿರುವ ಮಾರುತಿ ಎಸ್-ಕ್ರಾಸ್ (4,602) ಮೂರನೇ ಸ್ಥಾನದಲ್ಲಿದೆ.

ಜುಲೈ 21ರಂದು ಮಾರಾಟ ಪ್ರವೇಶಿಸಿರುವ ಕ್ರೆಟಾ, ಕಳೆದ ಒಂಬತ್ತು ವರ್ಷಗಳಿಂದಲೂ ಅಗ್ರಸ್ಥಾನದಲ್ಲಿರುವ ಬೊಲೆರೊವನ್ನು ಆಗಸ್ಟ್ ತಿಂಗಳ ಮಾರಾಟದಲ್ಲಿ ಹಿಂದಿಕ್ಕಿದೆ. ಅಲ್ಲದೆ ಬಿಡುಗಡೆಗೂ ಮೊದಲೇ 15,000ಗಿಂತಲೂ ಹೆಚ್ಚು ಬುಕ್ಕಿಂಗ್ ಗಿಟ್ಟಿಸಿಕೊಂಡಿರುವುದನ್ನು ನೀವಿಲ್ಲಿ ನೆನಪಿಸಿಕೊಳ್ಳಬಹುದಾಗಿದೆ.

ಕ್ರೆಟಾ ಕಾಯುವಿಕೆ ಅವಧಿ ಎಷ್ಟರ ಮಟ್ಟಿಗೆ ವೃದ್ಧಿಸಿಯೆಂದರೆ ಬುಕ್ ಮಾಡಿದ ಗ್ರಾಹಕನು ಆರು ತಿಂಗಳ ವರೆಗೆ ತಮ್ಮ ಕನಸಿನ ಕಾರಿಗಾಗಿ ಕಾಯಬೇಕಾಗಿದೆ. ಈ ನಡುವೆ ಗ್ರಾಹಕರ ಬೇಡಿಕೆಯನ್ನು ಪೂರೈಸಲು ಕ್ರೆಟಾ ನಿರ್ಮಾಣ ಸಾಮರ್ಥ್ಯವನ್ನು 5000 ಯುನಿಟ್ ಗಳಿಂದ 7000 ಯುನಿಟ್ ಗಳ ವರೆಗೆ ಹ್ಯುಂಡೈ ಏರಿಕೆಗೊಳಿಸಿತ್ತು.

ಬೆಲೆ ಮಾಹಿತಿ (ಎಕ್ಸ್ ಶೋ ರೂಂ ಬೆಂಗಳೂರು)

ಪೆಟ್ರೋಲ್ (ರು.ಗಳಲ್ಲಿ)

1.6 ಲೀಟರ್ ಡ್ಯುಯಲ್ ವಿಟಿವಿಟಿ 6 ಸ್ಪೀಡ್ ಮ್ಯಾನುವಲ್ ಬೇಸ್: 869,888
1.6 ಲೀಟರ್ ಡ್ಯುಯಲ್ ವಿಟಿವಿಟಿ 6 ಸ್ಪೀಡ್ ಮ್ಯಾನುವಲ್ ಎಸ್: 969,077
1.6 ಲೀಟರ್ ಡ್ಯುಯಲ್ ವಿಟಿವಿಟಿ 6 ಸ್ಪೀಡ್ ಮ್ಯಾನುವಲ್ ಎಸ್ಎಕ್ಸ್ ಪ್ಲಸ್: 1,134,453

ಬೆಲೆ ಮಾಹಿತಿ (ಎಕ್ಸ್ ಶೋ ರೂಂ ಬೆಂಗಳೂರು)

ಡೀಸೆಲ್ (ರು.ಗಳಲ್ಲಿ)

1.4 ಲೀಟರ್ ಸಿಆರ್‌ಡಿಐ 6 ಸ್ಪೀಡ್ ಮ್ಯಾನುವಲ್ ಬೇಸ್: 958,892
1.4 ಲೀಟರ್ ಸಿಆರ್‌ಡಿಐ 6 ಸ್ಪೀಡ್ ಮ್ಯಾನುವಲ್ ಎಸ್: 1,055,870
1.4 ಲೀಟರ್ ಸಿಆರ್‌ಡಿಐ 6 ಸ್ಪೀಡ್ ಮ್ಯಾನುವಲ್ ಎಸ್ ಪ್ಲಸ್: 1,160,504
1.6 ಲೀಟರ್ ಸಿಆರ್‌ಡಿಐ ವಿಜಿಟಿ 6 ಸ್ಪೀಡ್ ಮ್ಯಾನುವಲ್ ಎಸ್ ಎಕ್ಸ್: 1,175,594
1.6 ಲೀಟರ್ ಸಿಆರ್‌ಡಿಐ ವಿಜಿಟಿ 6 ಸ್ಪೀಡ್ ಮ್ಯಾನುವಲ್ ಎಸ್ ಎಕ್ಸ್ ಪ್ಲಸ್: 1,285,310
1.6 ಲೀಟರ್ ಸಿಆರ್‌ಡಿಐ ವಿಜಿಟಿ 6 ಸ್ಪೀಡ್ ಮ್ಯಾನುವಲ್ ಎಸ್ ಎಕ್ಸ್ (ಐಚ್ಛಿಕ): 1,379,338
1.6 ಲೀಟರ್ ಸಿಆರ್‌ಡಿಐ ವಿಜಿಟಿ 6 ಸ್ಪೀಡ್ ಆಟೋಮ್ಯಾಟಿಕ್ ಎಸ್ ಎಕ್ಸ್ ಪ್ಲಸ್: 1,376,910

ಎಂಜಿನ್ ತಾಂತ್ರಿಕತೆ

1.6 ಲೀಟರ್ ಪೆಟ್ರೋಲ್ : 123 ಅಶ್ವಶಕ್ತಿ, ಮ್ಯಾನುವಲ್
1.6 ಲೀಟರ್ ಸಿಆರ್‌ಡಿಐ ವಿಜಿಟಿ ಡೀಸೆಲ್ ಎಂಜಿನ್ : 128 ಅಶ್ವಶಕ್ತಿ, ಮ್ಯಾನುವಲ್ ಹಾಗೂ ಆಟೋಮ್ಯಾಟಿಕ್
1.4 ಲೀಟರ್ ಸಿಆರ್‌ಡಿಐ ಡೀಸೆಲ್ ಎಂಜಿನ್ : 90 ಅಶ್ವಶಕ್ತಿ, ಮ್ಯಾನುವಲ್