ಎಸ್‌-ಕ್ರಾಸ್ ವೈಫಲ್ಯವನ್ನು ಬಲೆನೊ ಮೂಲಕ ಸರಿದೂಗಿಸಿದ ಮಾರುತಿ

2015 ಅಕ್ಟೋಬರ್ 26ರಂದು ಮಾರುಕಟ್ಟೆ ಪ್ರವೇಶಿಸಿರುವ ಮಾರುತಿ ಬಲೆನೊ ಪ್ರೀಮಿಯಂ ಹ್ಯಾಚ್ ಬ್ಯಾಕ್ ಬಿಡುಗಡೆಯಾಗಿರುವ 16 ದಿನಗಳ ಅವಧಿಯಲ್ಲೇ 21,000 ಯುನಿಟ್ ಗಳ ಮುಂಗಡ ಬುಕ್ಕಿಂಗ್ಸ್ ದಾಖಲಿಸಿದೆ.

ಇದು ನೆಕ್ಸಾ ಶೋ ರೂಂ ಮುಖಾಂತರ ಮಾರಾಟವಾಗುತ್ತಿರುವ ಮಾರುತಿಯ ಎರಡನೇ ಮಾದರಿಯಾಗಿದೆ. ಇದರೊಂದಿಗೆ ನೆಕ್ಸಾ ಶೋ ರೂಂ ಮಾರುತಿಯ ಪಾಲಿಗೆ ವರದಾನವಾಗುತ್ತಿದೆ.

ದೀಪಾವಳಿ ಹಬ್ಬದ ಸಂಭ್ರಮದಲ್ಲಿ ಗ್ರಾಹಕರು ಹೊಚ್ಚ ಹೊಸ ಕಾರನ್ನು ಖರೀದಿಸಲು ಬಯಸುತ್ತಾರೆ. ಇದೇ ಸುಸಂದರ್ಭದಲ್ಲಿ ಬಲೆನೊ ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿದೆ.

ಇವೆಲ್ಲವೂ ಮಾರಾಟದ ಅಂಕಿಅಂಶದಲ್ಲಿ ಧನಾತ್ಮಕ ಪರಿಣಾಮ ಬೀರಲು ಕಾರಣವಾಗಿದೆ. ಬಲ್ಲ ಮೂಲಗಳ ಪ್ರಕಾರ ಮಾರುತಿ ಬಲೆನೊ ಕಾಯುವಿಕೆ ಅವಧಿ ಈಗಾಗಲೇ ಆರು ತಿಂಗಳಷ್ಟು ಕಾಲ ವಿಸ್ತರಣೆಯಾಗಿದೆ.

ಪೆಟ್ರೋಲ್ ಹಾಗೂ ಡೀಸೆಲ್ ಬೇಸ್ ವೆರಿಯಂಟ್ ಗಳು ಅನುಕ್ರಮವಾಗಿ 4.99 ಹಾಗೂ 6.16 ಲಕ್ಷ ರು.ಗಳಲ್ಲಿ ಮಾರುಕಟ್ಟೆ ತಲುಪಿರುವ ಬಲೆನೊದ ಇವೆರಡು ಟಾಪ್ ಎಂಡ್ ವೆರಿಯಂಟ್ ಗಳು ಅನುಕ್ರಮವಾಗಿ 7.01 ಹಾಗೂ 8.11 ಲಕ್ಷ ರು.ಗಳಷ್ಟು (ಎಲ್ಲ ಬೆಲೆಗಳು ದೆಹಲಿ ಎಕ್ಸ್ ಶೋ ರೂಂ) ದುಬಾರಿಯೆನಿಸುತ್ತದೆ.

ಮಾರುತಿ ಬಲೆನೊ ಪ್ರೀಮಿಯಂ ಹ್ಯಾಚ್‌ಬ್ಯಾಕ್ ಕಾರು ಭರ್ಜರಿ ಬಿಡುಗಡೆ