ಬರುತ್ತಿದೆ ಮಾರುತಿ ಎರ್ಟಿಗಾ ಫೇಸ್ ಲಿಫ್ಟ್ ಮಾದರಿ

ದೇಶದ ಅತಿ ದೊಡ್ಡ ಪ್ರಯಾಣಿಕ ಕಾರು ಸಂಸ್ಥೆಯಾಗಿರುವ ಮಾರುತಿ ಸುಜುಕಿ, ಅತಿ ಶೀಘ್ರದಲ್ಲೇ ಎರ್ಟಿಗಾ ಫೇಸ್ ಲಿಫ್ಟ್ ಬಹು ಬಳಕೆಯ ವಾಹನವನ್ನು ದೇಶದ ಮಾರುಕಟ್ಟೆಗೆ ಪರಿಚಯಿಸಲಿದೆ. ಇದರಂಗವಾಗಿ 2015 ಆಗಸ್ಟ್ 20ರಂದು ಈ ಬಹುನಿರೀಕ್ಷಿತ ಕಾರಿನ ಭರ್ಜರಿ ಅನಾವರಣ ನಡೆಯಲಿದೆ.

ಉಪಯುಕ್ತ ವಿಭಾಗದಲ್ಲಿ ಮಾರುತಿಯ ಜನಪ್ರಿಯ ಮಾದರಿಯಾಗಿರುವ ಎರ್ಟಿಗಾ ಅತ್ಯುತ್ತಮ ಮಾರಾಟವನ್ನು ಗಿಟ್ಟಿಸಿಕೊಂಡಿತ್ತು. ಆದರೆ ಮಾರುಕಟ್ಟೆಯಲ್ಲಿ ಪ್ರತಿಸ್ಪರ್ಧಿಗಳ ಸಂಖ್ಯೆ ಹೆಚ್ಚಳಗೊಂಡಿರುವ ಹಿನ್ನೆಲೆಯಲ್ಲಿ ತನ್ನ ಜನಪ್ರಿಯ ಮಾದರಿಗೆ ತಾಜಾತನ ನೀಡಲು ಸಂಸ್ಥೆ ಮುಂದಾಗುತ್ತಿದೆ.

ಪ್ರಮುಖವಾಗಿಯೂ
ಕಾರಿನ ಮುಂಭಾಗದ ಗ್ರಿಲ್ ಬದಲಾಗಲಿದ್ದು, ಹೆಚ್ಚಿನ ಕ್ರೋಮ್ ಸ್ಪರ್ಶತೆಯು ಕಂಡುಬರಲಿದೆ. ಅಲ್ಲದೆ ನೂತನ ಅಲಾಯ್ ವೀಲ್ ಜೊತೆಗೆ ಹೊಸ ಬಣ್ಣದ ಆಯ್ಕೆಯೂ ಇರಲಿದೆ.

ಕಾರಿನ ಒಳಮೈಯಲ್ಲೂ ಹೆಚ್ಚಿನ ಐಷಾರಾಮಿ ಸೌಲಭ್ಯಗಳನ್ನು ಒದಗಿಸುವುದು ಸಂಸ್ಥೆಯ ಇರಾದೆಯಾಗಿದೆ. ಹಾಗಿದ್ದರೂ ಪೆಟ್ರೋಲ್ ಹಾಗೂ ಡೀಸೆಲ್ ಎಂಜಿನ್ ಮಾದರಿಗಳಲ್ಲಿ ಯಾವುದೇ ಬದಲಾವಣೆ ಕಂಡುಬರುವುದಿಲ್ಲ. ಹಾಗಿದ್ದರೂ ಸೆಲೆರಿಯೊ ಹಾಗೂ ಆಲ್ಟೊ ಕೆ10ನಲ್ಲಿರುವ ಮ್ಯಾನುವಲ್ ಆಟೋಮ್ಯಾಟಡ್ ಟ್ರಾನ್ಸ್ ಮಿಷನ್ ಆಯ್ಕೆಯನ್ನು ನೀಡುವ ಸಾಧ್ಯತೆಯಿದೆ.

ಭಾರತದಲ್ಲಿ ನೂತನ ಎರ್ಟಿಗಾ 2015 ವರ್ಷಾಂತ್ಯದಲ್ಲಿ ಅಥವಾ 2016 ಆಟೋ ಎಕ್ಸ್ ಪೋದಲ್ಲಿ ಪ್ರವೇಶವಾಗುವ ಸಾಧ್ಯತೆಯಿದೆ. ಏತನ್ಮಧ್ಯೆ ಅತಿ ಶೀಘ್ರದಲ್ಲೇ ಮಾರುತಿ ಸುಜುಕಿ ಎಸ್ ಕ್ರಾಸ್ ಬಿಡುಗಡೆ ಭಾಗ್ಯ ಕಾಣಲಿದೆ.