ಪ್ರಸಕ್ತ ಸಾಲಿನಲ್ಲೇ ಮಾರುತಿ 'ಸೂಪರ್ ಕ್ಯಾರಿ' ಬಿಡುಗಡೆ

ಹಗುರ ವಾಣಿಜ್ಯ ವಿಭಾಗದಲ್ಲಿಯೂ ನಿಧಾನವಾಗಿ ಬಲ ವರ್ಧಿಸಿಕೊಳ್ಳುತ್ತಿರುವ ದೇಶದ ಅತಿ ದೊಡ್ಡ ವಾಹನ ತಯಾರಿಕ ಸಂಸ್ಥೆಯಾಗಿರುವ ಮಾರುತಿ ಸುಜುಕಿ, ಪ್ರಸಕ್ತ ಸಾಲಿನಲ್ಲಿ ಉಪಯುಕ್ತ ವಾಹನವೊಂದನ್ನು ಬಿಡುಗಡೆ ಮಾಡುವ ಯೋಜನೆ ಹೊಂದಿದೆ.

ವರದಿಗಳ ಪ್ರಕಾರ 'ಸೂಪರ್ ಕ್ಯಾರಿ' ಎಂಬ ಹೆಸರಿನಿಂದ ಅರಿಯಲ್ಪಡುವ ಮಾರುತಿ ಸುಜುಕಿ ಹಗುರ ವಾಣಿಜ್ಯ ವಾಹನವು 2015ನೇ ಆರ್ಥಿಕ ಸಾಲಿನ ಮೊದಲ ತ್ರೈಮಾಸಿಕ ಅವಧಿಯಲ್ಲಿ ಬಿಡುಗಡೆಯಾಗಲಿದೆ.

ಮಾರುತಿ ಸುಜುಕಿ ಮುಖ್ಯಸ್ಥರಾದ ಆರ್‌ಸಿ ಭಾರ್ಗವ ಪ್ರಕಾರ "ಇಂದೊಂದು ಸೀಮಿತ ಬಿಡುಗಡೆಯಾಗಲಿದೆ" ಎಂದಿದ್ದಾರೆ.

ಆರಂಭದಲ್ಲಿ 800 ಸಿಸಿ ಡೀಸೆಲ್ ಎಂಜಿನ್‌ನೊಂದಿಗೆ ಬಿಡುಗಡೆಯಾಗಲಿರುವ ಸೂಪರ್ ಕ್ಯಾರಿ ಎಲ್‌ಸಿವಿ ಬಳಿಕ 1.2 ಲೀಟರ್ ಸಿಎನ್‌ಜಿ ವೆರಿಯಂಟ್ ಕೂಡಾ ಪಡೆಯಲಿದೆ.

ಇವೆಲ್ಲದರೊಂದಿಗೆ ಪ್ರಾಯಾಣಿಕ ಕಾರು ವಿಭಾಗದಲ್ಲಿ ಕಳೆದ ಹಲವಾರು ವರ್ಷಗಳಿಂದ ಅಗ್ರಸ್ಥಾನ ಕಾಯ್ದುಕೊಂಡಿರುವ ಮಾರುತಿ ಈಗ ಹಗುರ ವಾಣಿಜ್ಯ ವಿಭಾಗದಲ್ಲಿ ದೇಶದ ಮುಂಚೂಣಿಯ ಸಂಸ್ಥೆಗಳಾದ ಟಾಟಾ ಮೋಟಾರ್ಸ್ ಹಾಗೂ ಮಹೀಂದ್ರ ಆಂಡ್ ಮಹೀಂದ್ರ ಸಂಸ್ಥೆಗಳಿಗೆ ಪೈಪೋಟಿ ಒಡ್ಡಲಿದೆ.