ಮಾರುತಿ ಎಸ್ ಕ್ರಾಸ್ ಪ್ರೀಮಿಯಾ ವಿಶೇಷ ಆವೃತ್ತಿ ಬಿಡುಗಡೆ

ವರ್ಷಾಂತ್ಯದ ಈ ವೇಳೆಯಲ್ಲಿ ಕಳೆಗುಂದಿರುವ ತನ್ನ ನಿರ್ದಿಷ್ಟ ಕಾರಿನ ಮಾರಾಟಕ್ಕೆ ಉತ್ತೇಜನ ನೀಡಲು ಮುಂದಾಗಿರುವ ದೇಶದ ಜನಪ್ರಿತಯ ಮಾರುತಿ ಸುಜುಕಿ ಸಂಸ್ಥೆಯು ಅತಿ ನೂನತ ಎಸ್-ಕ್ರಾಸ್ ಪ್ರೀಮಿಯಾ ವಿಶೇಷ ಆವೃತ್ತಿಯನ್ನು ಬಿಡುಗಡೆ ಮಾಡಿದೆ.

ನಿಮಗೆಲ್ಲರಿಗೂ ತಿಳಿದಿರುವಂತೆಯೇ ಮಾರುತಿ ಹೊಸದಾಗಿ ಆರಂಭಿಸಿರುವ ಪ್ರೀಮಿಯಂ ನೆಕ್ಸಾ ಶೋ ರೂಂಗಳಲ್ಲಿ ಮಾತ್ರ ಎಸ್ ಕ್ರಾಸ್ ಮಾರಾಟಕ್ಕೆ ಲಭ್ಯವಾಗಲಿದೆ. ಪ್ರಸ್ತುತ ಪ್ರೀಮಿಯಾ ಎಸ್-ಕ್ರಾಸ್ ಬೆಂಗಳೂರು, ಹೈದರಾಬಾದ್ ಮತ್ತು ಮುಂಬೈಗಳಂತಹ ದೇಶದ ಪ್ರಥಮ ದರ್ಜೆಯ ನಗರಗಳಲ್ಲಿ ಮಾತ್ರ ಮಾರಾಟಕ್ಕೆ ಲಭ್ಯವಾಗಲಿದೆ ಎಂಬುದು ತಿಳಿದು ಬಂದಿದೆ.

ನಾಲ್ಕು ಪ್ರಮುಖ ಬದಲಾವಣೆಗಳನ್ನು ಎಸ್-ಕ್ರಾಸ್ ಪ್ರೀಮಿಯಾ ಗಿಟ್ಟಿಸಿಕೊಳ್ಳಲಿದೆ. ಅವುಗಳೆಂದರೆ, ಅಲಾಯ್ ವೀಲ್ಸ್, ಫಾಗ್ ಲ್ಯಾಂಪ್, ರಿವರ್ಸ್ ಪಾರ್ಕಿಂಗ್ ಅಸಿಸ್ಟ್ ಜೊತೆ ಕ್ಯಾಮೆರಾ ಮತ್ತು ಗಾರ್ಮಿನ್ 12.7 ಸೆಂಟಿಮೀಟರ್ (5 ಇಂಚುಗಳ) ನೇವಿಗೇಷನ್ ಸಿಸ್ಟಂ.