ಬೆಂಝ್ ಬುಲೆಟ್ ಫ್ರೂಪ್ ಗಾಡಿಯ ಮೈಕಟ್ಟು ಪ್ರದರ್ಶನ

By Nagaraja

Published: Wednesday, February 11, 2015, 12:28 [IST]

ಜರ್ಮನಿಯ ಐಷಾರಾಮಿ ಕಾರು ಸಂಸ್ಥೆಯಾಗಿರುವ ಮರ್ಸಿಡಿಸ್ ಬೆಂಝ್‌ನ ಜನಪ್ರಿಯ ಜಿ63 ಎಎಂಜಿ ಕಾರಿಗೆ ವಿನೂತನ ಸ್ಪರ್ಶ ನೀಡುವ ಪ್ರಯತ್ನವನ್ನು ಕೆನಡಾದ ವಾಹನ ಸಂಸ್ಥೆಯೊಂದು ಮಾಡಿದೆ.

ಕೆನಡಾದ ವಾಹನ ತಯಾರಿಕ ಸಂಸ್ಥೆಯಾಗಿರುವ ಇಂಕಸ್, ಅತಿ ಶಕ್ತಿಶಾಲಿ ಬೆಂಝ್ ಕಾರಿಗೆ ಆರ್ಮರ್ಡ್ ರಕ್ಷಣಾ ಕವಚವನ್ನು ಒದಗಿಸಿದೆ. ಇದು ಹೊಸ ಜಿ63 ಎಎಂಜಿ ಕಾರಿನ ಮೈಕಟ್ಟು ವೃದ್ಧಿಗೆ ಕಾರಣವಾಗಿದೆ.

ಕಾರಿನ ಒಳಗಡೆ ಪಂಚಾತಾರ ಹೋಟೆಲ್‌ಗೆ ಹೋಲಿಕೆಯಾಗುವಂತೆಹ ಸೌಲಭ್ಯಗಳನ್ನು ಹೊಂದಿರುವ ಮರ್ಸಿಡಿಸ್ ಬೆಂಝ್ ಜಿ63 ಎಎಂಜಿ, ಬುಲೆಟ್ ಹಾಗೂ ಗ್ರೇನೆಡ್ ದಾಳಿಗಳನ್ನು ತಡೆಯುವ ಶಕ್ತಿ ಹೊಂದಿದೆ. ಇದರಿಂದಲೇ ಕಾರಿನಲ್ಲಿ ಬಳಕೆ ಮಾಡುವ ತಂತ್ರಜ್ಞಾನವನ್ನು ಅಂದಾಜಿಸಬಹುದಾಗಿದೆ.

ಅಷ್ಟಕ್ಕೂ 2015ನೇ ಆವೃತ್ತಿಯ ಮರ್ಸಿಡಿಸ್ ಬೆಂಝ್ ಜಿ63 ಎಎಂಜಿ ಕಾರು ಭಾರತೀಯ ರುಪಾಯಿ ಪ್ರಕಾರ 6.21 ಕೋಟಿ ರು.ಗಳಷ್ಟು ದುಬಾರಿಯೆನಿಸುತ್ತದೆ. ಮರ್ಸಿಡಿಸ್ ಬೆಂಝ್ ಜಿ63 ಎಎಂಜಿ ಕಾರು ಲಿಮೊ ನಿಯಂತ್ರಣ ವ್ಯವಸ್ಥೆಯನ್ನು ಹೊಂದಿದೆ. ಇದರಂತೆ ಕಾರಿನಲ್ಲಿ ಸಂಚರಿಸುವ ಪ್ರಯಾಣಿಕರು ಐಪ್ಯಾಂಡ್ ಮಿನಿ ಮುಖಾಂತರ ಕ್ಯಾಮೆರಾ, ಲೈಟಿಂಗ್ ಮುಂತಾದ ಕ್ರಿಯಾತ್ಮಕತೆಗಳ ನಿಯಂತ್ರಣ ಸಾಧಿಸಬಹುದಾಗಿದೆ.