ನ್ಯಾನೋ ಎಎಂಟಿ ಕಾರನ್ನು ನಿಮ್ಮದಾಗಿಸುವುದು ಹೇಗೆ?

ದೇಶದ ಅತಿ ದೊಡ್ಡ ವಾಹನ ತಯಾರಿಕ ಸಂಸ್ಥೆಯಾಗಿರು ಟಾಟಾ ಮೋಟಾರ್ಸ್ ಆಟೋಮ್ಯಾಟಡ್ ಮ್ಯಾನುವಲ್ ಟ್ರಾನ್ಸ್ ಮಿಷನ್ (ಎಎಂಟಿ) ನ್ಯಾನೋ ಕಾರಿನ ಬಿಡುಗಡೆಗೂ ಮುಂಚಿತವಾಗಿ ವಿಶೇಷ ಅಭಿಯಾನವೊಂದನ್ನು ಆರಂಭಿಸಿದೆ. ಇದರಂತೆ ಈಗಿರುವ ನ್ಯಾನೋ ಗ್ರಾಹಕರು ನೆಕ್ಸ್ಟ್ ಜನರೇಷನ್ ಕಾರಿಗೆ ಅಪ್ ಗ್ರೇಡ್ ಮಾಡಿಕೊಳ್ಳಬಹುದಾಗಿದೆ.

ನ್ಯಾನೋ ಆರಂಭಿಸಿರುವ ನೂತನ ಪವರ್ ಆಫ್ 1+1 ಕಾರ್ಯಕ್ರಮದಂತೆ (Power of 1+1 programme) ಈಗಿರುವ ಗ್ರಾಹಕರು ಹೊಸತಾದ ನ್ಯಾನೋ (new GenX Nano)ಕಾರನ್ನು ತಮ್ಮದಾಗಿಸಿಕೊಳ್ಳಬಹುದಾಗಿದೆ. ಇದರಂತೆ ಹಳೆಯ ನ್ಯಾನೋ ಗ್ರಾಹಕರಿಗೆ ಅತ್ಯುತ್ತಮ ಮಾರುಕಟ್ಟೆ ಬೆಲೆ ಸಿಗುವುದಲ್ಲದೆ ಹೆಚ್ಚುವರಿ 20,000 ರು.ಗಳ ವಿಶೇಷ ಬೋನಸ್ ಪಡೆಯುವ ಅವಕಾಶವಿರುತ್ತದೆ.

ಇವೆಲ್ಲವೂ ಟಾಟಾನ ನೂತನ ಹೊರಿಝೋನೆಕ್ಸ್ಟ್ ತಂತ್ರಜ್ಞಾನದ ಪಯಣದ ಭಾಗವಾಗಿರಲಿದೆ ಎಂದು ಸಂಸ್ಥೆಯ ಅಧ್ಯಕ್ಷ ಮಾಯಾಂಕ್ ಪರೀಕ್ ತಿಳಿಸಿದ್ದಾರೆ. ಈಗ ಬರುವ ನೆಕ್ಸ್ಟ್ ಜನರೇಷನ್ ನ್ಯಾನೋದಲ್ಲಿ ಗರಿಷ್ಠ ತಂತ್ರಗಾರಿಕೆ ಹಾಗೂ ವಿನ್ಯಾಸ ನೀತಿಯನ್ನು ಅನುಸರಿಸಲಾಗಿದೆ.

ಇವೆಲ್ಲದಕ್ಕೂ ಮಿಗಿಲಾಗಿ ಬಡ ಹೆಣ್ಮಕ್ಕಳ ಒಂದು ವರ್ಷದ ವಿದ್ಯಾಭ್ಯಾಸಕ್ಕಾಗಿ ನೆರವು ಅವಕಾಶ ದೊರಕಲಾಗಿದೆ. ಇಲ್ಲಿ ನ್ಯಾನೋ ‘awesomeness'ವಿಭಿನ್ನತೆಗೆ ಕಾರಣವಾಗಲಿದೆ. ಇದಕ್ಕಾಗಿ ಸಂಸ್ಥೆಯು ಚೈಲ್ಡ್ ರೈಟ್ಸ್ ಆ್ಯಂಡ್ ಯೂ (ಸಿಆರ್ ವೈ) ಯೋಜನೆ ಆರಂಭಿಸಿದ್ದು, ಗ್ರಾಹಕರ ಪರವಾಗಿ ಹೆಣ್ಮಕ್ಕಳಿಗೆ ನೆರವು ಮಾಡಲಿದೆ. ಅಲ್ಲದೆ ಗ್ರಾಹಕರಿಗೆ ಸರ್ಟಿಫಿಕೇಟ್ ಸಹ ವಿತರಿಸಲಿದೆ.