ಒಂದೇ ಕಾರಲ್ಲಿ 41,999 ಎಲ್‌ಇಡಿ ಲೈಟ್ಸ್; ನಂಬಲು ಸಾಧ್ಯವೇ ?

ಲೆಕ್ಸಸ್ ಬಿಡುಗಡೆ ಮಾಡಿರುವ ವಿಶೇಷವಾಗಿ ಮಾರ್ಪಾಡುಗೊಳಿಸಿರುವ ಎಸ್ ಐ ಸೆಡಾನ್ ಕಾರು ಕಾರ್ಯ ನಿರ್ವಹಿಸುವ 41,999 ಎಲ್ ಇಡಿ ಲೈಟ್ಸ್ ಗಳನ್ನು ಹೊಂದಿರಲಿದೆ.

ಲೆಕ್ಸಸ್ ಇದನ್ನು ಎಲ್ ಐಟಿ ಎಂದು ವಿಶ್ಲೇಷಿಸಿದ್ದು, ಮೂರು ವಿಭಿನ್ನ ಮೋಡ್ ಗಳಲ್ಲಾಗಿ ಪ್ರಸಾರ ಗ್ರಾಫಿಕ್ಸ್ ಮತ್ತು ಬಹು ಬಣ್ಣದ ಎನಿಮೇಷನ್ ನೀಡಲಿದೆ.

ಚಾಲಕರು ತಮ್ಮ ಚಾಲಕ ಸೀಟಿನಲ್ಲಿದ್ದುಕೊಂಡೇ ತಮ್ಮ ಕೈಯಿಂದಲೇ ಸನ್ನೆ ಮಾಡಿ ಈ ಕಲರ್ ಫುಲ್ ಗ್ರಾಫಿಕ್ಸ್ ಗಳನ್ನು ಆನಂದಿಸಬಹುದಾಗಿದೆ.

ಕಾರು ಸ್ಟೀರಿಯೋದಿಂದ ಪ್ಲೇ ಮಾಡುವ ಯಾವುದೇ ಹಾಡಿಗೂ ಇದು ವಿಶೇಷ ಬೆಳಕಿನ ನೃತ್ಯವನ್ನು ಮಾಡಲಿದೆ.

ಕಾರಿನ ದೇಹ ಸಂರಚನೆಯನ್ನು ಸಂಪೂರ್ಣವಾಗಿ ಎಲ್ ಇಡಿ ಲೈಟ್ಸ್ ಗಳಿಂದ ಬದಲಾಯಿಸಲಾಗಿದೆ. ಇದು ಜಗತ್ತಿನ ವಾಹನೋದ್ಯಮಕ್ಕೆ ಜಪಾನ್ ಮೂಲದ ಲೆಕ್ಸಸ್ ನೀಡುತ್ತಿರುವ ನೂತನ ಕೊಡುಗೆಯಾಗಿದೆ.

ಈ ಸಂಬಂಧ ಬ್ರಿಟನ್ ಗಾಯಕ ಡ್ಯುಯಾ ಲಿಪಾ ನೇತೃತ್ವದಲ್ಲಿ 'ಬಿ ದಿ ಒನ್' ಎಂಬ ವಿಶೇಷ ಹಾಡನ್ನು ರಚಿಸಲಾಗಿದೆ. ಇದರಲ್ಲಿ ಲೆಕ್ಸಸ್ ಎಲ್ ಇಟಿ ಎಸ್ ಐ ಎಲ್ ಇಡಿ ಕಾರಿನ ದೃಶ್ಯ ವಿಸ್ಮಯದ ನೈಜ ದರ್ಶನವಾಗಿದೆ. ಇದರಲ್ಲಿ ನಟ ಆನ್ಸೆಲ್ ಎಲ್ಗಾರ್ಟ್ ಸಹ ಭಾಗಿಯಾಗಿದ್ದಾರೆ.

ಸಂಗೀತ ವಿಡಿಯೋ ಜೊತೆಗೆ ಡ್ಯುಯಾ ಲಿಪಾ ಲೆಕ್ಸಸ್ ಎಲ್ ಇಡಿ ಕಾರನ್ನು ಜಗತ್ತಿಗೆ ವಿನೂತನ ರೀತಿಯಲ್ಲಿ ಪರಿಚಯಿಸಲು ಯಶಸ್ವಿಯಾಗಿದ್ದಾರೆ.

ಮೂರು ವಿಧಗಳು

ಆಟ್ರಾಕ್ಟ್ ಮೋಡ್, ಮ್ಯೂಸಿಕ್ ವಿಝ್ ಮತ್ತು ಹ್ಯಾಂಡ್ ಗೆಸ್ಟರ್ ಗಳಂತಹ ಮೂರು ಎಲ್ ಇಡಿ ವಿಧಗಳಿರಲಿದೆ. ಈ ಪೈಕಿ ಆಟ್ರಾಕ್ಟ್ ಮೋಡ್, ಕಾರಿನ ಕಲರ್ ಫುಲ್ ಗ್ರಾಫಿಕ್ಸನ್ನು ತೋರ್ಪಡಿಸಲಿದೆ.

ಹಾಗೆಯೇ ಮ್ಯೂಸಿಕ್ ವಿಝ್ ಕಾರಿನ ಸ್ಟೀರಿಯೋದಲ್ಲಿ ಪ್ಲೇ ಆಗುವ ಹಾಡಿಗೆ ಅನುಸಾರವಾಗಿ ಎಲ್ ಇಡಿ ಬೆಳಕನ್ನು ಹೊರ ಚೆಲ್ಲಲಿದೆ.

ಅಂತೆಯೇ ಕೊನೆಯದಾದ ಗೆಸ್ಟರ್ ಮೋಡ್ ಗಳು ಚಾಲಕರು ಕೈ ಸನ್ನೆಯಿಂದಲೇ ಎಲ್ ಇಡಿ ಎನಿಮೇಷನ್ ನಿಯಂತ್ರಿಸಲು ಸಾಧ್ಯವಾಗುತ್ತದೆ.

ಲೆಕ್ಸಸ್ ಎಲ್ ಇಟಿ ಎಸ್ ಐ ಕಾರು 175000 ಲ್ಯೂಮೆನ್ಸ್ ಗಳನ್ನು ಉತ್ಪಾದಿಸುತ್ತದೆ. ಒಟ್ಟಿನಲ್ಲಿ ಲೆಕ್ಸಸ್ ಪಾಲಿಗೆ ಸ್ಮರಣೀಯ ಕಾರೆನಿಸಿಕೊಂಡಿದೆ.