ಅತಿ ಶೀಘ್ರದಲ್ಲೇ ಹ್ಯುಂಡೈ ಐ20 ಆಟೋಮ್ಯಾಟಿಕ್ ಕಾರು ಬಿಡುಗಡೆ

ಹ್ಯುಂಡೈ ಐ20 ಆಟೋಮ್ಯಾಟಿಕ್ ಆವೃತ್ತಿಯು ಹೋಂಡಾ ಜಾಝ್, ಮಾರುತಿ ಬಲೆನೊ ಮುಂತಾದ ಮಾದರಿಗಳಿಗೆ ಪೈಪೋಟಿಯನ್ನು ಒಡ್ಡಲಿದೆ.

ಅತ್ತ ಇಂಡೋನೇಷ್ಯಾ ಅಂತರಾಷ್ಟ್ರೀಯ ಆಟೋ ಶೋದಲ್ಲಿ ಹ್ಯುಂಡೈ ಐ20 ಪಾದಾರ್ಪಣೆ ಮಾಡಿದೆ. ಇದಾದ ಬೆನ್ನಲ್ಲೇ ಅತಿ ಶೀಘ್ರದಲ್ಲೇ ಭಾರತಕ್ಕೂ ಕಾಲಿಡುವ ಸಾಧ್ಯತೆಯಿದೆ.

ಹ್ಯುಂಡೈ ಎಲೈಟ್ ಐ20 ಎರಡು ವೆರಿಯಂಟ್ ಗಳಲ್ಲಿ ಮಾತ್ರ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಲಭ್ಯವಾಗುವ ಸಾಧ್ಯತೆಯಿದೆ. ಇದು ಮ್ಯಾಗ್ನಾ, ಸ್ಪೋರ್ಟ್ಸ್ ಅಥವಾ ಆಸ್ಟಾ ವೆರಿಯಂಟ್ ಗಳಲ್ಲಿ ಜೋಡಣೆಯಾಗಲಿದೆ.

ಮ್ಯಾನುವಲ್ ಆವೃತ್ತಿಗೆ ಹೋಲಿಸಿದಾ ಆಟೋಮ್ಯಾಟಿಕ್ ಐ20 ಸ್ವಲ್ಪ ದುಬಾರಿಯೆನಿಸಲಿದ್ದು, 6.5 ಲಕ್ಷ ರು.ಗಳಿಂದ ಪ್ರಾರಂಭವಾಗಲಿದೆ.

ತನ್ನೆಲ್ಲ ಜನಪ್ರಿಯ ಮಾದರಿಗಳ ಆಟೋಮ್ಯಾಟಿಕ್ ಆವೃತ್ತಿಯನ್ನು ಬಿಡುಗಡೆ ಮಾಡುವುದರಲ್ಲಿ ಕಾರ್ಯ ಮಗ್ನವಾಗಿರುವ ಹ್ಯುಂಡೈ, ತನ್ಮೂಲಕ ಗರಿಷ್ಠ ಮಾರಾಟವನ್ನು ಕಾಪಾಡಿಕೊಳ್ಳಲಿದೆ.