ಹ್ಯುಂಡೈ 20ರ ಸಂಭ್ರಮ; ಎಕ್ಸ್ ಸೆಂಟ್, ಗ್ರಾಂಡ್ ಐ10 ವಿಶೇಷ ಆವೃತ್ತಿಗಳು ಮಾರುಕಟ್ಟೆಗೆ

ಭಾರತೀಯ ಪ್ರಯಾಣಿಕ ಮಾರುಕಟ್ಟೆಯಲ್ಲಿ ಜನಪ್ರಿಯ ಮಾರುತಿ ಸುಜುಕಿ ಕಾರುಗಳನ್ನು ಹೊರತುಪಡಿಸಿದರೆ ಹ್ಯುಂಡೈ ಗರಿಷ್ಠ ಮಾರಾಟವನ್ನು ಕಾಯ್ದುಕೊಂಡಿದೆ. ಕಳೆದ ಮೂರು ಸಾಲಿನಲ್ಲಿ ಹ್ಯುಂಡೈ ಕಾರುಗಳೇ ವರ್ಷದ ಕಾರು ಪ್ರಶಸ್ತಿಗೆ ಅರ್ಹವಾಗಿರುವುದು ಇದಕ್ಕೆ ಸಾಕ್ಷಿಯಾಗಿದೆ.

ಹ್ಯುಂಡೈ ಗ್ರಾಂಡ್ ಐ10, ಎಲೈಟ್ ಐ20 ಮತ್ತು ಕ್ರೆಟಾ ಕಾರುಗಳು ಕಳೆದ ಮೂರು ವರ್ಷಗಳಲ್ಲಿ ಭಾರತದ ವರ್ಷದ ಕಾರು ಪ್ರಶಸ್ತಿಗೆ ಭಾಜನವಾಗುವ ಮೂಲಕ ಹ್ಯಾಟ್ರಿಕ್ ಸಾಧನೆಗೆ ಅರ್ಹವಾಗಿತ್ತು.

ಈ ಪೈಕಿ ಹ್ಯುಂಡೈ ಎಕ್ಸ್ ಸೆಂಟ್ ವಿಶೇಷ ಆವೃತ್ತಿಯು ಪ್ರಸಕ್ತ ತಿಂಗಳಿನಲ್ಲಿ ಮತ್ತು ಗ್ರಾಂಡ್ ಐ10 ಮುಂಬರುವ ಮೇ ತಿಂಗಳಲ್ಲಿ ಮಾರುಕಟ್ಟೆಗೆ ಅಪ್ಪಳಿಸಲಿದೆ. ಇದಲ್ಲದೆ ಪ್ರಸಕ್ತ ಸಾಲಿನಲ್ಲೇ 2016 ಎಲಂಟ್ರಾ ಬಿಡುಗಡೆ ಮಾಡುವ ಇರಾದೆಯನ್ನು ಸಂಸ್ಥೆ ಹೊಂದಿದೆ.

ಪ್ರಮುಖವಾಗಿಯೂ ಕಾರಿನ ಒಟ್ಟಾರೆ ನೋಟದಲ್ಲಿ ಬದಲಾವಣೆಗಳು ಕಂಡುಬರಲಿದೆ. ಇದರು ನೂತನ ಸ್ಪೋರ್ಟ್ ಪೆಡಲ್, ವಿಶೇಷ ಫ್ಲೋರ್ ಮ್ಯಾಟ್, ಸ್ಟೀರಿಂಗ್ ಮೌಂಟೆಡ್ ಬಟನ್, ರಿವರ್ಸ್ ಸೆನ್ಸಾರ್ ಮತ್ತು ರಿಯರ್ ಸ್ಪಾಯ್ಲರ್ ಗಳಂತಹ ವೈಶಿಷ್ಟ್ಯಗಳು ಲಭ್ಯವಾಗಲಿದೆ.

ಹಾಗಿದ್ದರೂ ಎಂಜಿನ್ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆಗಳು ಕಂಡುಬರವುದಿಲ್ಲ. ಇವೆರಡು 1.2 ಲೀಟರ್ ಪೆಟ್ರೋಲ್ ಮತ್ತು 1.1 ಲೀಟರ್ ಡೀಸೆಲ್ ಎಂಜಿನ್ ನಿಂದ ನಿಯಂತ್ರಿಸ್ಪಡಲಿದೆ.

ಪೆಟ್ರೋಲ್ ಆವೃತ್ತಿಯೂ 112 ಎನ್ಎಂ ತಿರುಗುಬಲದಲ್ಲಿ 82 ಅಶ್ವಶಕ್ತಿಯನ್ನು ಉತ್ಪಾದಿಸುವುದಾದ್ದಲ್ಲಿ, ಎಕ್ಸ್ ಸೆಂಟ್ ಮತ್ತು ಗ್ರಾಂಡ್ ಐ10 ಡೀಸೆಲ್ ಆವೃತ್ತಿಗಳು ಅನುಕ್ರಮವಾಗಿ 71 (180 ಎನ್ ಎಂ ತಿರುಗುಬಲ) ಮತ್ತು 70 ಅಶ್ವಶಕ್ತಿಯನ್ನು (160 ಎನ್ ಎಂ ತಿರುಗುಬಲ) ಉತ್ಪಾದಿಸಲಿದೆ. ಅಂತೆಯೇ 5 ಸ್ಪೀಡ್ ಮತ್ತು 4 ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಇರಲಿದೆ.