ಅಂದ ಚಂದ ಬದಲಾಯಿಸಲಿರುವ ಎಕ್ಸ್ ಸೆಂಟ್

ನವೀಕೃತ ಹ್ಯುಂಡೈ ಎಕ್ಸ್ ಸೆಂಟ್ ಕಾಂಪಾಕ್ಟ್ ಸೆಡಾನ್ ಕಾರು 2018ನೇ ಸಾಲಿನಲ್ಲಿ ಬಿಡುಗಡೆಯಾಗಲಿದೆ.

By Nagaraja

Published: Wednesday, November 23, 2016, 14:15 [IST]

ನಿರಂತರ ಅಂತರಾಳದಲ್ಲಿ ಹೊಸ ಹಾಗೂ ಪರಿಷ್ಕೃತ ಮಾದರಿಗಳನ್ನು ದೇಶಕ್ಕೆ ಪರಿಚಯಿಸುತ್ತಲೇ ಬಂದಿರುವ ದಕ್ಷಿಣ ಕೊರಿಯಾ ಮೂಲದ ಹ್ಯುಂಡೈ ಸಂಸ್ಥೆಯು, ಭವಿಷ್ಯದತ್ತವೂ ದಿಟ್ಟ ಹೆಜ್ಜೆಯನ್ನಿಟ್ಟಿದೆ. ಬಲ್ಲ ಮೂಲಗಳ ಪ್ರಕಾರ ನವೀಕೃತ ಹ್ಯುಂಡೈ ಎಕ್ಸ್ ಸೆಂಟ್ ಕಾಂಪಾಕ್ಟ್ ಸೆಡಾನ್ ಕಾರು 2018ನೇ ಸಾಲಿನಲ್ಲಿ ಬಿಡುಗಡೆಯಾಗಲಿದೆ.

2014ರಲ್ಲಿ ಮೊದಲ ಬಾರಿಗೆ ಬಿಡುಗಡೆಯಾಗಿರುವ ಹ್ಯುಂಡೈ ಎಕ್ಸ್ ಸೆಂಟ್ ಪ್ರಯಾಣಿಕ ವಿಭಾಗಗಿಂತಲೂ ವಿಭಿನ್ನವಾಗಿ ಟ್ಯಾಕ್ಸಿ ಮಾರುಕಟ್ಟೆಯಲ್ಲಿ ಹೆಚ್ಚಿನ ಮಾರಾಟವನ್ನು ಗಿಟ್ಟಿಸಿಕೊಳ್ಳುತ್ತಿದೆ.

ಪ್ರತಿ ತಿಂಗಳಲ್ಲಿ ಸರಾಸರಿ 2942 ಯುನಿಟ್ ಗಳ ಮಾರಾಟವನ್ನು ಕಾಪಾಡಿಕೊಂಡಿರುವ ಹ್ಯುಂಡೈ ಎಕ್ಸ್ ಸೆಂಟ್ ಶೇಕಡಾ 30ರಷ್ಟು ಮಾರಾಟವು ಟ್ಯಾಕ್ಸಿ ವಿಭಾಗವನ್ನು ಆಕ್ರಮಿಸಿಕೊಂಡಿದೆ.

ಇದರೊಂದಿಗೆ ಕಾಲ ಕಾಲಕ್ಕೆ ಹೊಸ ವಿನ್ಯಾಸವನ್ನು ಕಲ್ಪಿಸಿಕೊಡುವ ಇರಾದೆಯಲ್ಲಿರುವ ಹ್ಯುಂಡೈ, ನೂತನ ಎಕ್ಸ್ ಸೆಂಟ್ ಮುಖಾಂತರ ಖಾಸಗಿ ಖರೀದಿಗಾರರನ್ನು ಆಕರ್ಷಿಸುವ ಇರಾದೆಯಲ್ಲಿದೆ.

ಇತ್ತೀಚೆಗಷ್ಟೇ ಪ್ಯಾರಿಸ್ ಮೋಟಾರು ಶೋದಲ್ಲಿ ಪ್ರದರ್ಶನ ಕಂಡಿರುವ ಗ್ರಾಂಡ್ ಐ10 ಮಾದರಿಗೆ ಸಮಾನವಾದ ವಿನ್ಯಾಸವನ್ನು ಹೊಸ ಎಕ್ಸ್ ಸೆಂಟ್ ನಲ್ಲಿ ಅನುಸರಿಸುವ ಸಾಧ್ಯತೆಗಳಿವೆ.

ಮುಂಭಾಗದಲ್ಲಿ ಹೆಕ್ಸಾಗನಲ್ ಗ್ರಿಲ್, ನವೀಕೃತ ಬಂಪರ್, ಹೆಡ್ ಲ್ಯಾಂಪ್ ಹಾಗೂ ಫಾಗ್ ಲ್ಯಾಂಪ್ ಸೇವೆಯಿರಲಿದೆ.

ಮುಂದಿನ ವರ್ಷ ಹ್ಯುಂಡೈ ಗ್ರಾಂಡ್ ಐ10 ನವೀಕೃತ ಮಾದರಿಯನ್ನು ದೇಶದ ಎರಡನೇ ಅತಿ ದೊಡ್ಡ ಪ್ರಯಾಣಿಕ ಕಾರು ಸಂಸ್ಥೆಯಾಗಿರುವ ಹ್ಯುಂಡೈ ಬಿಡುಗಡೆ ಮಾಡಲಿದೆ. ತದಾ ಬಳಿಕವಷ್ಟೇ ಎಕ್ಸ್ ಸೆಂಟ್ ಪ್ರವೇಶವಾಗಲಿದೆ.