ಹೊಸ ನೋಟ ತಾಜಾತನದೊಂದಿಗೆ ಬರುತ್ತಿದೆ ನೂತನ ಮಾರುತಿ ಆಲ್ಟೊ 800

ಸದ್ಯಕ್ಕೆ ಆಲ್ಟೊ ಪೆಟ್ರೋಲ್ ಮತ್ತು ಸಿಎನ್ ಜಿ ಆಯ್ಕೆಗಳಲ್ಲಿ ಲಭ್ಯವಿರುತ್ತದೆ. ಅಂದರೆ ಹೊಸ ಆಲ್ಟೊ ಡೀಸೆಲ್ ಎಂಜಿನ್ ಗಿಟ್ಟಿಸಿಕೊಳ್ಳಲಿದೆಯೇ ಎಂಬುದು ಬಹಳ ಕುತೂಹಲವೆನಿಸಿದೆ.

ಬೆಲೆ ಮಾಹಿತಿ

ಈಗ ಮಾರುಕಟ್ಟೆಯಲ್ಲಿರುವ ಆಲ್ಟೊ 800 2.57 ಲಕ್ಷ ರು.ಗಳಿಂದ 3.78 ಲಕ್ಷ ರು.ಗಳಷ್ಟು ದುಬಾರಿಯೆನಿಸುತ್ತದೆ. ಅಲ್ಲದೆ ಮುಂಬರುವ ಫೇಸ್ ಲಿಫ್ಟ್ ಮಾದರಿಯೂ ಇದೇ ಬೆಲೆ ಪರಿಧಿಯನ್ನು ಕಾಪಾಡಿಕೊಳ್ಳುವ ನಿರೀಕ್ಷೆಯಿದೆ.

ಎಂಜಿನ್

ಈಗ ಮಾರುಕಟ್ಟೆಯಲ್ಲಿರುವ ಆಲ್ಟೊ 800 ಕಾರಿನಲ್ಲಿರುವ 796 ಸಿಸಿ ಎಫ್8ಡಿ ಎಂಜಿನ್ 69 ಎನ್ ಎಂ ತಿರುಗುಬಲದಲ್ಲಿ 47.65 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ. ಇದು 5 ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಸಹ ಪಡೆಯಲಿದೆ.

ಈಗ ಮಾರುಕಟ್ಟೆಯಲ್ಲಿರುವ ಆಲ್ಟೊ ಕೆ10 ಮಾದರಿಯಲ್ಲಿ ಎಎಂಟಿ ಗೇರ್ ಬಾಕ್ಸ್ ನೀಡಲಾಗಿದೆ. ಈಗ ಆಲ್ಟೊ 800 ಮಾದರಿಯಲ್ಲೂ ಎಎಂಟಿ ಗೇರ್ ಬಾಕ್ಸ್ ಲಭ್ಯವಾದ್ದಲ್ಲಿ ಅಚ್ಚರಿಪಡಬೇಕಾಗಿಲ್ಲ.

ನೂತನ ಆಲ್ಟೊ 800 ಮುಂಭಾಗದಲ್ಲಿ ಗಮನಾರ್ಹ ಬದಲಾವಣೆ ಕಂಡುಬರಲಿದೆ. ಪರಿಷ್ಕೃತ ಹೆಡ್ ಲ್ಯಾಂಪ್, ಫ್ರಂಟ್ ಗ್ರಿಲ್ ನೀವು ಕಾಣಬಹುದಾಗಿದೆ. ಆದರೆ ಬದಿ ಮತ್ತು ಹಿಂಭಾಗದಲ್ಲಿ ಹೆಚ್ಚಿನ ಬದಲಾವಣೆಗಳು ಕಂಡುಬಂದಿಲ್ಲ.

ಚಕ್ರಗಳು ಹೊಸ ವಿನ್ಯಾಸವನ್ನು ಪಡೆದಿದ್ದು, ಟಾಪ್ ಎಂಡ್ ಆವೃತ್ತಿಯಲ್ಲಿ ಫಾಗ್ ಲ್ಯಾಂಪ್ ಸೌಲಭ್ಯ ಸಹ ಲಭ್ಯವಾಗಲಿದೆ. ಅಂತೆಯೇ ಆಯಾಮ, ಭಾರ ಮತ್ತು ಚಕ್ರಾಂತರದಲ್ಲಿ ಯಾವುದೇ ಬದಲಾವಣೆಗಳು ಕಂಡುಬರುವುದಿಲ್ಲ.

ಕಾರಿನ ಒಳಭಾಗದಲ್ಲಿ ಪ್ರಭಾವತ್ಮಾಕ ಬದಲಾವಣೆಗಳನ್ನು ತರಲಾಗಿದೆ. ಇದರ ಡ್ಯಾಶ್ ಬೋರ್ಡ್ ಕೆ10 ಮಾದರಿಗೆ ಸಮಾನವಾಗಿರಲಿದೆ.

ಇನ್ನು ಸುರಕ್ಷತೆಗೂ ಹೆಚ್ಚಿನ ಆದ್ಯತೆ ಕೊಡಲಾಗಿದ್ದು, ಫ್ರಂಟ್ ಮತ್ತು ಚಾಲಕ ಬದಿಯ ಏರ್ ಬ್ಯಾಗ್ ಮತ್ತು ಐಚ್ಛಿಕ ಆ್ಯಂಟಿ ಲಾಕ್ ಬ್ರೇಕಿಂಗ್ ವ್ಯವಸ್ಥೆಯು ಲಭ್ಯವಾಗಲಿದೆ.