ಮಾರುತಿ ಎಸ್ ಕ್ರಾಸ್ ಕಾರಿಗೆ 5.5 ಲಕ್ಷದ ವರೆಗೂ ಡಿಸ್ಕೌಂಟ್

ಈಗ ಬಂದಿರುವ ತಾಜಾ ವರದಿಗಳ ಪ್ರಕಾರ ಮಾರುತಿ ಎಸ್ ಕ್ರಾಸ್ ಕಾರಿಗೆ 5.5 ಲಕ್ಷ ರು.ಗಳ ವರೆಗೂ ಡಿಸ್ಕೌಂಟ್ ನೀಡಲಾಗುತ್ತದೆ. ಈ ಮುಖಾಂತರ ಹೆಚ್ಚೆಚ್ಚು ಗ್ರಾಹಕರನ್ನು ಆಕರ್ಷಿಸುವ ಇರಾದೆಯಲ್ಲಿದೆ.

ಮಾರುಕಟ್ಟೆಯಲ್ಲಿ ಮಿಂಚಿಂಗ್ ಪ್ರದರ್ಶನ ನೀಡುತ್ತಿರುವ ಹ್ಯುಂಡೈ ಕ್ರೆಟಾಗಳಂತಹ ಕಾರುಗಳೊಂದಿಗೆ ಸ್ಪರ್ಧಿಸುತ್ತಿರುವ ಎಸ್ ಕ್ರಾಸ್, ಕಳೆದ ಆಗಸ್ಟ್ ನಿಂದ ಡಿಸೆಂಬರ್ ವರೆಗೆ 16,000 ಯುನಿಟ್ ಗಳಷ್ಟು ಮಾರಾಟ ಗಿಟ್ಟಿಸಿಕೊಳ್ಳಲು ಯಶಸ್ವಿಯಾಗಿದೆ. ಇನ್ನೊಂದೆಡೆ ಕ್ರೆಟಾ 37,000 ಸಂಖ್ಯೆಯನ್ನು ದಾಟಿದೆ.

ಬಿಡುಗಡೆಯಾದ ಕೆಲವೇ ವಾರಗಳಲ್ಲಿ ಎಸ್ ಕ್ರಾಸ್ ಕಾರಿಗೆ ಒಂದು ಲಕ್ಷದ ವರೆಗೆ ಡಿಸ್ಕೌಂಟ್ ನೀಡಲಾಗಿತ್ತು. ಇದಾದ ಬಳಿಕ ಡಿಸೆಂಬರ್ ತಿಂಗಳಲ್ಲಿ ಅತಿ ವಿಶಿಷ್ಟ ಪ್ರೈಮಿಯಾ ಎಡಿಷನ್ ಬಿಡುಗಡೆಗೊಳಿಸಿತ್ತು.

ಪ್ರಸ್ತುತ ಎಸ್ ಕ್ರಾಸ್ ಡಿಡಿಐಎಸ್ 320 ಟಾಪ್ ಎಂಡ್ ಕಾರು 16.5 ಲಕ್ಷದ ವರೆಗೂ ದುಬಾರಿಯೆನಿಸಲಿದ್ದು, ಮುಂಬೈನ ಆಯ್ದ ನೆಕ್ಸಾ ಶೋ ರೂಂಗಳಲ್ಲಿ 5.5 ಲಕ್ಷ ರು.ಗಳ ವರೆಗೆ ಡಿಸ್ಕೌಂಟ್ ನೀಡಲಾಗುತ್ತಿದೆ.

ಒಟ್ಟಿನಲ್ಲಿ ಮಾರುತಿ ಎಸ್ ಕ್ರಾಸ್ ಸ್ಟೋಕ್ ಗಳನ್ನು ಮಾರಾಟಗೊಳಿಸಲು ನೆಕ್ಸಾ ಡೀಲರುಶಿಪ್ ಗಳು ಭಾರಿ ಆಫರುಗಳನ್ನು ಮುಂದಿಡಬೇಕಾದ ಪರಿಸ್ಥಿತಿ ಎದುರಾಗಿದೆ.