ರಿಕ್ಷಾ ಏರಿದ ಪ್ರಧಾನಿ; ಓಲಾ ಇ-ರಿಕ್ಷಾಗಳಿಗೆ ಚಾಲನೆ

ಇದೇ ಸಂದರ್ಭದಲ್ಲಿ ಮೊದಲ ಓಲಾ ಇ-ರಿಕ್ಷಾವನ್ನು ಪ್ರಧಾನ ಮಂತ್ರಿ ಮೊಬೈಲ್ ನಲ್ಲಿ ಬುಕ್ ಮಾಡುವ ಮೂಲಕ ಗಮನ ಸೆಳೆದರು.

ಮುಂಬರುವ ದಿನಗಳಲ್ಲಿ ಇ-ರಿಕ್ಷಾ ಸೇವೆಯು ಸಣ್ಣ ಸಣ್ಣ ನಗರಗಳಲ್ಲಿ ಪರ್ಯಾಯ ಸಂಚಾರ ವ್ಯವಸ್ಥೆಯಾಗಲಿದೆ. ಈಗ ಪ್ರಯಾಣಿಕರು ಓಲಾ ಮೊಬೈಲ್ ಆಪ್ ಮುಖಾಂತರ ಇ-ರಿಕ್ಷಾವನ್ನು ಆರ್ಡರ್ ಮಾಡಬಹುದಾಗಿದೆ.

ಭಾರತೀಯ ಮೈಕ್ರೊ ಕ್ರೆಡಿಟ್ ಜೊತೆಗಾರಿಕೆಯಲ್ಲಿ 5,100ರಷ್ಟು ಇ-ರಿಕ್ಷಾಗಳನ್ನು ಬಿಡುಗಡೆಗೊಳಿಸಲಾಗಿದ್ದು, ರಾಷ್ಟ್ರ ರಾಜಧಾನಿ ನವದೆಹಲಿ ಸೇರಿದಂತೆ ಉಪನಗರಗಳಾದ ಗುರ್ಗಾಂವ್, ನೋಯ್ಡಾ, ಫರಿದಾಬಾದ್ ಮತ್ತು ಗಾಝಿಯಾಬಾದ್ ನಲ್ಲಿ ಸೇವೆ ಆರಂಭಿಸಲಾಗಿದೆ.

ಈ ವೇಳೆಯಲ್ಲಿ ತಮ್ಮ ಹೊಟ್ಟೆಪಾಡಿಗಾಗಿ ದೈನಂದಿನ ಬದುಕಿನಲ್ಲಿ ಕಷ್ಟಪಡುತ್ತಿರುವ 5,100 ಬಡ ಕುಟುಂಬದವರಿಗೆ ಇ-ರಿಕ್ಷಾಗಳ ಕೀಲಿಯನ್ನು ಹಸ್ತಾಂತರಿಸಲಾಯಿತು.

ಇ-ರಿಕ್ಷಾಗಳಲ್ಲಿ ಆಳವಡಿಸಲಾಗಿರುವ ಬ್ಯಾಟರಿಗಳನ್ನು ಸೌರ ಶಕ್ತಿ ಬಳಕೆ ಮಾಡುವ ಮೂಖಾಂತರವೂ ಚಾರ್ಜ್ ಮಾಡಿಸಬಹುದಾಗಿದೆ.

ಪ್ರಸ್ತುತ ಇ-ರಿಕ್ಷಾ ಸೇವೆಯು ಮುಂದಿನ ದಿನಗಳಲ್ಲಿ ಬೆಂಗಳೂರು ಸೇರಿದಂತೆ ದೇಶದ ಇತರ ನಗರಗಳಿಗೂ ವ್ಯಾಪಿಸಲಿದೆ.

ಪ್ರಸ್ತುತ ಪ್ರತಿ ಎರಡು ಕೀ.ಮೀ.ಗಳ ಸಂಚಾರಕ್ಕೆ 25 ರು. ಶುಲ್ಕವನ್ನು ನಿಗಪಡಿಸಲಾಗಿದ್ದು, ನಂತರದ ಪ್ರತಿ ಕೀ.ಮೀ.ಗೆ 8 ರು. ದರ ವಿಧಿಸಲಾಗುತ್ತದೆ. ನಿಮ್ಮ ಮಾಹಿತಿಗಾಗಿ, ಓಲಾ ಸಂಸ್ಥೆಯು ದೇಶದಲ್ಲಿ 80,000ದಷ್ಟು ರಿಕ್ಷಾಗಳೊಂದಿಗೆ ತನ್ನ ಜಾಲವನ್ನು ವಿಸ್ತರಿಸಿದೆ.