ನನಸಾಗಲಿದೆ ಶೆಲ್ ಮೈಲೇಜ್ ಕಾರು

By Nagaraja

Published: Monday, May 2, 2016, 18:00 [IST]

ವಾಹನಗಳ ಘರ್ಷಣೆ ತಗ್ಗಿಸುವ ಕೀಲಣ್ಣೆಗಳ ತಯಾರಿಕಾ ಸಂಸ್ಥೆಯಾಗಿರುವ ಶೆಲ್, ಗರಿಷ್ಠ ಇಂಧನ ಕ್ಷಮತೆಯ ಕಾರೊಂದನ್ನು ನಿರ್ಮಿಸುವ ತವಕದಲ್ಲಿದೆ. ಶೆಲ್ ನೂತನ ಮೈಲೇಜ್ ಕಾರಾಗಿರುವ ಅಲ್ಟ್ರಾ ಎನರ್ಜಿ ಎಫಿಸಿಯನ್ಸಿ ಕಾರನ್ನು ತಯಾರಿಸುತ್ತಿದೆ.

ಶೆಲ್ ಹೇಳುವ ಪ್ರಕಾರ ಸಾಮಾನ್ಯ ಸಿಟಿ ಕಾರಿಗಿಂತಲೂ ಮಿಗಿಲಾಗಿ ನೂತನ ಕಾನ್ಸೆಪ್ಟ್ ಕಾರುಗಳು ಶೇಕಡಾ 34ರಷ್ಟು ಕಡಿಮೆ ಚೈತನ್ಯವನ್ನು ಬಳಕೆ ಮಾಡಲಾಗಿದೆ. ಇದರ ಪ್ರಮಾಣ ಎಸ್ ಯುವಿ ಜೊತೆ ಹೋಲಿಕೆ ಮಾಡಿದಾಗ ಶೇಕಡಾ 69ರಷ್ಟು ಕಡಿಮೆಯಾಗಿರಲಿದೆ.

ಫಾರ್ಮುಲಾ ಒನ್ ರೇಸ್ ಕಾರುಗಳ ಹೆಸರಾಂತ ವಿನ್ಯಾಸಗಾರ ಗೋರ್ಡನ್ ಮುರ್ರೆ ಜೊತೆ ಸೇರಿಕೊಂಡು ಶೆಲ್ ಇಂಧನ ಕ್ಷಮತೆಯ ಕಾರುಗಳನ್ನು ಅಭಿವೃದ್ದಿಪಡಿಸಲಿದೆ.

2010ರಲ್ಲಿ ಗೋರ್ಡಲ್ ಮುರ್ರೆ ಅವರು ಟಿ.25 ಎಂಬ ಸಿಟಿ ಕಾರು ರಚಿಸಿದ್ದರು. ನೂತನ ಶೆಲ್ ಕಾರು ಇದರ ಮುಂದುವರಿದ ಆವೃತ್ತಿಯಾಗಿರಲಿದೆ.

ಶೆಲ್ ತಯಾರಿಸಿರುವ ಕಾನ್ಸೆಪ್ಟ್ ಮಾದರಿಯು ಯಾವಾಗ ನನಸಾಗಲಿದೆ ಎಂಬುದು ತಿಳಿದು ಬಂದಿಲ್ಲ. ಆದರೆ ಹಗುರ ಭಾರದ ತಂತ್ರಗಾರಿಕೆ, ತ್ರಿಡಿ ಪ್ರಿಂಟ್, ಕಾರ್ಬನ್ ಫೈಬರ್ ಮುಂತಾದ ತಂತ್ರಜ್ಞಾನಗಳನ್ನು ಬಳಕೆ ಮಾಡಲಾಗಿದೆ.