2017ರಲ್ಲಿ ವಿಟಾರಾ ಬ್ರಿಝಾ ಪೆಟ್ರೋಲ್ ಕಾರು ಬಿಡುಗಡೆ

By Nagaraja

Updated: Monday, October 17, 2016, 17:32 [IST]

ಬಿಡುಗಡೆಯಾದ ಏಳು ತಿಂಗಳುಗಳ ಅವಧಿಯಲ್ಲೇ 50,000 ಸಂಖ್ಯೆಗಳ ಮಾರಾಟವನ್ನು ದಾಟಿರುವ ವಿಟಾರಾ ಬ್ರಿಝಾ ಪೆಟ್ರೋಲ್ ಆವೃತ್ತಿಯನ್ನು ಬಿಡುಗಡೆ ಮಾಡಲು ದೇಶದ ನಂ.1 ಪ್ರಯಾಣಿಕ ಕಾರು ಸಂಸ್ಥೆಯಾಗಿರುವ ಮಾರುತಿ ಸುಜುಕಿ ಸಿದ್ಧತೆ ನಡೆಸುತ್ತಿದೆ. ಬಲ್ಲ ಮೂಲಗಳ ಪ್ರಕಾರ, ಮಾರುತಿ ಸುಜುಕಿ ವಿಟಾರಾ ಬ್ರಿಝಾ ಪೆಟ್ರೋಲ್ ಕ್ರೀಡಾ ಬಳಕೆಯ ವಾಹನವು 2017 ಮೇ ತಿಂಗಳಲ್ಲಿ ಬಿಡುಗಡೆ ಮಾಡಲಿದೆ.

2017ರಲ್ಲಿ ವಿಟಾರಾ ಬ್ರಿಝಾ ಪೆಟ್ರೋಲ್ ಕಾರು ಬಿಡುಗಡೆ

ಡೀಸೆಲ್ ಆವೃತ್ತಿ ಬಿಡುಗಡೆಯಾದ ಒಂದು ವರ್ಷದ ಬಳಿಕವಷ್ಟೇ ಪೆಟ್ರೋಲ್ ಆವೃತ್ತಿಯು ಬಿಡುಗಡೆಯಾಗಲಿದೆ. ಅಲ್ಲದೆ ಈಗ ಡೀಸೆಲ್ ಕಾರುಗಳಿಗೆ ಬಂದಿರುವ ಬೇಡಿಕೆಯನ್ನು ಈಡೇರಿಸಲು ಸಹಕಾರಿಯಾಗಲಿದೆ.

ಬಲ್ಲ ಮೂಲಗಳ ಪ್ರಕಾರ ಮಾರುತಿ ವಿಟಾರಾ ಬ್ರಿಝಾ ಪೆಟ್ರೋಲ್ ಆವೃತ್ತಿಯು 1.5 ಲೀಟರ್ ಫೋರ್ ಸಿಲಿಂಡರ್ ಎಂಜಿನ್ ಪಡೆಯಲಿದೆ. ಇದು ಮುಂದಿನ ವರ್ಷದಲ್ಲಿ ಎಸ್-ಕ್ರಾಸ್ ಹಾಗೂ ಸಿಯಾಝ್ ಕಾರಿನಲ್ಲೂ ಜೋಡಣೆಯಾಗುವ ಸಾಧ್ಯತೆಯಿದೆ.

ಆದರೆ 1.5 ಲೀಟರ್ ಎಂಜಿನ್ ಲಗತ್ತಿಸಿದ್ದಲ್ಲಿ 1.2 ಲೀಟರ್ ಗಿಂತಲೂ ಸಣ್ಣ ಕಾಂಪಾಕ್ಟ್ ಎಸ್ ಯುವಿ ಗಳಿಗೆ ಲಭ್ಯವಾಗಲಿರುವ ತೆರಿಗೆ ವಿನಾಯಿತಿ ಗಿಟ್ಟಿಸಿಕೊಳ್ಳುವಲ್ಲಿ ಮಾರುತಿ ವಿಟಾರಾ ಬ್ರಿಝಾ ವಿಫಲವಾಗಲಿದೆ. ಪರಿಣಾಮ ಪೆಟ್ರೋಲ್ ಆವೃತ್ತಿಯು ದುಬಾರಿಯೆನಿಸಲಿದೆ.

ಮತ್ತೊಂದು ಕಡೆ ಸ್ಥಳೀಯವಾಗಿ ನಿರ್ಮಿಸಲಿರುವ ಹೊಸತಾದ 1.0 ಲೀಟರ್ ಬೂಸ್ಟರ್ ಜೆಟ್ ತ್ರಿ ಸಿಲಿಂಡರ್ ಎಂಜಿನ್ ಜೋಡಣೆ ಮಾಡುವ ಬಗ್ಗೆ ಸಂಸ್ಥೆಯ ಇರಾದೆಯಲ್ಲಿದೆ.

ಪ್ರಸ್ತುತ ಎಂಜಿನ್ ಮಾರುತಿಯ ಶಕ್ತಿಶಾಲಿ ಹ್ಯಾಚ್ ಬ್ಯಾಕ್ ಕಾರು ಬಲೆನೊ ಆರ್ ಎಸ್ ಮಾದರಿಯಲ್ಲೂ ಬಳಕೆಯಾಗಲಿದೆ. ಇದು ಫೋರ್ಡ್ ಇಕೊಸ್ಪೋರ್ಟ್ ನ 1.0 ಇಕೊಬೂಸ್ಟ್ ಆವೃತ್ತಿಗೆ ಪ್ರತಿಸ್ಪರ್ಧೆಯಾಗಲಿದೆ.

ನಿಕಟವರ್ತಿಗಳ ಪ್ರಕಾರ ಕಾಂಪಾಕ್ಟ್ ಕ್ರೀಡಾ ಬಳಕೆಯ ವಾಹನಗಳಲ್ಲಿ 1.2 ಲೀಟರ್ ಕೆ ಸಿರೀಸ್ ಪೆಟ್ರೋಲ್ ಎಂಜಿನ್ ಬಳಕೆ ಮಾಡುವುದನ್ನು ಮಾರುತಿ ನಿರಾಕರಿಸಿದೆ.

ಏತನ್ಮಧ್ಯೆ ಯಾವುದೇ ಎಂಜಿನ್ ಬಳಕೆಯಾದರೂ ಫೈವ್ ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಇದರಲ್ಲಿರಲಿದೆ. ಇನ್ನೊಂದೆಡೆ ಬ್ರಿಝಾ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಇಂಡೋನೇಷ್ಯಾ ಆಟೋ ಶೋವನ್ನು ತಲುಪಲಿದೆ.

ಪೆಟ್ರೋಲ್ ಹಾಗೂ ಡೀಸೆಲ್ ಇಂಧನಗಳ ನಡುವಣ ಅಂತರವು ಕಡಿಮೆಯಾಗುತ್ತಿರುವುದರಿಂದ ಪೆಟ್ರೋಲ್ ಎಂಜಿನ್ ಯೋಜನೆಯು ಮಾರುತಿಗೆ ಉತ್ತಮ ಮಾರಾಟವನ್ನು ನೀಡಲಿದೆ. ಇದು ವಿದೇಶ ಮಾರುಕಟ್ಟೆಯನ್ನು ಗುರಿ ಮಾಡಲು ಸಹ ಮಾರುತಿಗೆ ನೆರವಾಗಲಿದೆ.

ಸದ್ಯ ಮಾರಾಟದಲ್ಲಿರುವ 1.3 ಲೀಟರ್ ಡಿಡಿಐಎಸ್ ಎಂಜಿನ್, 200 ಎನ್ ಎಂ ತಿರುಗುಬಲದಲ್ಲಿ 89 ಅಶ್ವಶಕ್ತಿಯನ್ನು ಉತ್ಪಾದಿಸುತ್ತದೆ. ಇದು ಐದು ಸ್ಪೀಡ್ ಗೇರ್ ಬಾಕ್ಸ್ ಪಡೆದಿದೆ. ಇನ್ನು ನಿಕಟ ಭವಿಷ್ಯದಲ್ಲೇ ಎಎಂಟಿ ಆವೃತ್ತಿಯನ್ನು ಬಿಡುಗಡೆ ಮಾಡಲಿದೆ.