2017ರ ಮಾರುತಿ ಸುಜುಕಿ ದಕ್ಷಿಣ ಡೇರ್ 3 ದಿನ : ಮುನ್ನಡೆ ಸಾಧಿಸಿದ ಸುರೇಶ್ ರಾಣಾ ಮತ್ತು ಅಶ್ವಿನ್ ನಾಯಕ್

ಮಾರುತಿ ಸುಜುಕಿ ತಂಡದ ಸುರೇಶ್ ರಾಣಾ ಮತ್ತು ಅಶ್ವಿನ್ ನಾಯಕ್ ಅವರು ಚಾಲನೆ ಮಾಡಿದ ಮಾರುತಿ ಸುಜುಕಿ ಗ್ರಾಂಡ್ ವಿಟಾರಾ ಕಾರಿನಲ್ಲಿ 106 ಕಿ.ಮೀ ಸಿಂಗಲ್ ಲ್ಯಾಪ್ ಇರುವಂತಹ ಒಟ್ಟು 495 ಕಿ.ಮೀ ಚಾಲನೆಯನ್ನು 6:59:02 ಸಮಯದಲ್ಲಿ ಪೂರ್ತಿಗೊಳಿಸಿದರು.

ರ‍್ಯಾಲಿಯ ವಾಹನ ಚಾಲಕರು ಮಳೆಯ ನಡುವೆಯೂ ಕಲ್ಲಿನ ಭೂಪ್ರದೇಶದ ಮೂಲಕ ಬೆಳಗಾವಿ ನಗರ ಹಾದುಹೋಗುವ ದುಸ್ಸಾಹಸಕ್ಕೆ ಕೈಹಾಕಿ ಯಾವುದೇ ರೀತಿಯ ತೊಂದರೆಗೀಡಾಗದೆ ಯಶಸ್ವಿಯಾಗಿ ಪೂರ್ಣಗೊಳಿಸಿದರು.

ಮೊದಲನೇ ದಿನ ಮತ್ತು ಎರಡನೇ ದಿನದ ವಿಜಯಶಾಲಿಗಳಾದ ಸಾಮ್ರಾಟ್ ಯಾದವ್ ಮತ್ತು ಎಸ್ಎನ್ ನಿಜಾಮ್ ಅವರು ಚಾಲನೆ ಮಾಡುತ್ತಿದ್ದ ಮಾರುತಿ ಜಿಪ್ಸಿ ಕಾರು ಎರಡನೇ ಸ್ಥಾನಕ್ಕೆ ಕುಸಿತ ಕಂಡಿತು.

ಸಂದೀಪ್ ಶರ್ಮಾ ಮತ್ತು ಸಹ ಚಾಲಕ ಕರಣ್ ಆರ್ಯ ಕೂಡ ಮಾರುತಿ ಜಿಪ್ಸಿ ಚಾಲನೆ ಮಾಡುತ್ತಿದ್ದು, ಅಲ್ಟಿಮೇಟ್ ಕಾರುಗಳು ವಿಭಾಗದಲ್ಲಿ ಮೂರನೇ ಸ್ಥಾನ ಪಡೆದುಕೊಂಡ 7:05:46 ಸಮಯದಲ್ಲಿ ರ‍್ಯಾಲಿ ಪೂರ್ಣಗೊಳಿಸಿದರು.