2047ರ ಹೊತ್ತಿಗೆ ಮಾರಾಟವಾಗಲಿರುವ ಎಲ್ಲಾ ಕಾರುಗಳೂ ಎಲೆಕ್ಟ್ರಿಕ್ ಮೋಟಾರ್ ಹೊಂದಲಿವೆ; ಎಸ್ಐಎಎಂ

ಭಾರತದಲ್ಲಿರುವ ನಗರದ ಎಲ್ಲಾ ಸಾರ್ವಜನಿಕ ಸಾರಿಗೆಯೂ ಸಹ ಮುಂಬರುವ 2030ರ ಹೊತ್ತಿಗೆ ಎಲೆಕ್ಟ್ರಿಕ್ ಆವೃತಿಯಾಗಿ ಬಿಡುಗಡೆಗೊಳ್ಳಲಿದೆ ಎಂಬ ಮಾಹಿತಿಯನ್ನು ಆಟೊಮೊಬೈಲ್ ಉತ್ಪಾದಕ ಸೊಸೈಟಿಯು ತಿಳಿಸಿದೆ. ಸರ್ಕಾರಕ್ಕೆ ಸಲ್ಲಿಸಿರುವ ಬಿಳಿಯ ಕಾಗದದ ಮೂಲಕ ಈ ಮಾಹಿತಿ ಬಹಿರಂಗಪಡಿಸಲಾಗಿದೆ.

2030ರ ಹೊತ್ತಿಗೆ ಭಾರತದಲ್ಲಿ ಮಾರಾಟವಾಗುವ ಹೊಸ ವಾಹನಗಳಲ್ಲಿ ಶೇಕಡಾ 40%ರಷ್ಟು ವಾಹನಗಳು ಎಲೆಕ್ಟ್ರಿಕ್ ಮೋಟಾರ್ ಪಡೆದುಕೊಳ್ಳಲಿವೆ ಎಂಬ ಮಾಹಿತಿ ವೈಟ್ ಪೇಪರ್‌ನಿಂದ ತಿಳಿದು ಬಂದಿದೆ.

ಸದ್ಯ ಇರುವಂತಹ ಶೇಕಡಾ 40%ರಷ್ಟು ಸಾಧ್ಯತೆಗಳ ಬದಲಾಗಿ ಶೇಕಡಾ 100 ಪ್ರತಿಶತದಷ್ಟು ಎಲೆಕ್ಟ್ರಿಕ್ ವಾಹನಗಳನ್ನು ರಸ್ತೆಗಿಳಿಸುವ ದೂರದೃಷ್ಟಿಗೆ ಅನುಗುಣವಾಗಿ ಬಿಳಿ ಕಾಗದವನ್ನು ಸಲ್ಲಿಸಲಾಗಿದೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.

ಭಾರತದ ಸ್ವಾತಂತ್ರ್ಯದ ನೂರನೆಯ ವರ್ಷದ ವಾರ್ಷಿಕೋತ್ಸವವಾದ 2047ರ ಹೊತ್ತಿಗೆ ಶೇಕಡಾ 100%ರಷ್ಟು ವಿದ್ಯುತ್ ವಾಹನದ(ಬ್ಯಾಟರಿ ಎಲೆಕ್ಟ್ರಿಕ್ ಅಥವಾ ಇಂಧನ ಕೋಶ) ಮಾರಾಟವನ್ನು ಸಾಧಿಸುವ ಯೋಜನೆ ಹೊಂದಿದ್ದೇವೆ ಎಂದು ಆಟೊಮೊಬೈಲ್ ಉತ್ಪಾದಕ ಸೊಸೈಟಿಯು ತಿಳಿಸಿದೆ.

ಎಸ್ಐಎಎಂ ಮಾರ್ಗಸೂಚಿಯ ಪ್ರಕಾರ, ದೇಶದಲ್ಲಿ ಮಾರಾಟವಾಗುವ ಶೇಕಡಾ 60%ರಷ್ಟು ಹೊಸ ವಾಹನಗಳು ಹೈಬ್ರಿಡ್ ಪವರ್‌ಟ್ರೈನ್ ಅಥವಾ ಪರ್ಯಾಯ ಇಂಧನಗಳನ್ನು ಹಸಿರು ತಂತ್ರಜ್ಞಾನಗಳನ್ನು ಹೊಂದಿರಬೇಕು ಎಂದು ಹೇಳಿದೆ.

ಆಟೋಮೊಬೈಲ್ ಉದ್ಯಮ, ಸರ್ಕಾರ ಮತ್ತು ಪಾಲುದಾರರು ಎಲ್ಲರೂ ಒಟ್ಟಾಗಿ ಕೆಲಸ ಮಾಡಿದರೆ ಮಾತ್ರ ಈ ಗುರಿ ಮುಟ್ಟಲು ಸದ್ಯ ಎನ್ನಬಹುದು. ಪರ್ಯಾಯ ಇಂಧನ ವಾಹನಗಳು ಈಗಾಗಲೇ ಶೇಕಡಾ 100% ರಷ್ಟು ವಿದ್ಯುತ್ ಚಲನಶೀಲತೆಯನ್ನು ಸಾಧಿಸುವ ಕಡೆಗೆ ಹೆಜ್ಜೆ ಹಾಕುತ್ತಿವೆ ಎಂದು ವರದಿ ಹೇಳಿದೆ.