ಜಿಎಸ್‌ಟಿ ಪರಿಣಾಮ : ಮಾರುತಿ ಸುಜುಕಿ ಕಾರುಗಳ ಬೆಲೆಯಲ್ಲಿ ಏರಿಳಿತ

ಭಾರತದ ಅತಿದೊಡ್ಡ ಕಾರು ತಯಾರಕ ಮಾರುತಿ ಸುಜುಕಿಗೂ ಸಹ ಜಿಎಸ್‌ಟಿ ಯೋಜನೆ ಹೆಚ್ಚು ಪ್ರಭಾವ ಬೀರಲಿದ್ದು, ಸಂಸ್ಥೆಯ ಕೆಲವು ಉತ್ಪನ್ನಗಳು ಉತ್ತಮ ಮಾರಾಟ ಪಡೆದುಕೊಳ್ಳಲಿದ್ದು, ಇತರ ಕಾರುಗಳು ಮಾರಾಟದಲ್ಲಿ ಕುಸಿತ ಕಾಣಲಿವೆ.

ಜಿಎಸ್‌ಟಿ ಬಿಲ್ ಪ್ರಕಾರ, ಪ್ರಯಾಣಿಕರ ವಾಹನಗಳಲ್ಲಿ ಶೇಕಡಾ 28% ರಷ್ಟು ಗರಿಷ್ಠ ತೆರಿಗೆಯನ್ನು ಪಡೆದುಕೊಳ್ಳಲಿವೆ.

ಕಾರುಗಳ ಮೇಲೆ 28% ಜೊತೆ ಹೆಚ್ಚುವರಿಯಾಗಿ, 1,200 ಸಿಸಿಗಿಂತ ಕಡಿಮೆಯಿರುವ ಸಣ್ಣ ಪೆಟ್ರೋಲ್ ಕಾರುಗಳಲ್ಲಿ ಒಂದು ಪ್ರತಿಶತದಷ್ಟು ಸೆಸ್ಸ್ ವಿಧಿಸಲಾಗುತ್ತದೆ.

1,500 ಸಿಸಿಗಿಂತ ಕೆಡಿಮೆ ಇರುವ ಸಣ್ಣ ಡೀಸೆಲ್ ಕಾರುಗಳಲ್ಲಿ 3% ಸೆಸ್ ಮತ್ತು ದೊಡ್ಡ ಎಸ್‌ಯುವಿಗಳಲ್ಲಿ ಮತ್ತು ಐಷಾರಾಮಿ ಕಾರುಗಳಲ್ಲಿ ಶೇಕಡಾ 15% ರಷ್ಟು ಸೆಸ್ ವಿಧಿಸಲು ಸರ್ಕಾರ ನಿರ್ಧರಿಸಿದ್ದು, ಕಾರುಗಳ ಬೆಲೆಗಳಲ್ಲಿ ಏರಿಳಿತ ಕಾಣಲಿದೆ.

ಬಲ್ಲ ಮೂಲಗಳ ಪ್ರಕಾರ ಮಾರುತಿ ಸುಜುಕಿ ಎಸ್-ಕ್ರಾಸ್ ಕಾರಿನ ಬೆಲೆ ಮೇಲೆ ಹೆಚ್ಚು ಕಡಿಮೆ 70,000 ರೂ.ಗಳಷ್ಟು ರಿಯಾಯಿತಿಯನ್ನು ನೀಡಲಾಗುತ್ತಿದೆ ಎನ್ನಲಾಗಿದೆ.

ಮಾರುತಿ ಸುಜುಕಿ ಸಂಸ್ಥೆಯ ಉತ್ತಮ ಮಾರಾಟ ಕಾರುಗಳಾದ ಆಲ್ಟೊ, ವ್ಯಾಗಾನ್ಆರ್, ಸೆಲೆರಿಯೊ ಮತ್ತು ಸ್ವಿಫ್ಟ್ ಕಾರುಗಳ ಮೇಲೆ 25,000 ರಿಂದ 35,000 ರೂ ವರೆಗೆ ವಿಸ್ತರಿತ ರಿಯಾಯಿತಿ ನೀಡಲಾಗುತ್ತಿದೆ.

ಸಂಸ್ಥೆಯ ಮಾರಾಟವಾದ ಕಾರುಗಳ ಬೆಲೆ ಕಡಿತಗೊಂಡಿದ್ದರೂ ಸಹ ಜಿಎಸ್‌ಟಿ ತೆರಿಗೆ ಮಾರುತಿ ಸುಜುಕಿ ಸಂಸ್ಥೆಯ ಮೇಲೆ ಹೆಚ್ಚು ಬೀರುವುದಿಲ್ಲ, ಏಕೆಂದರೆ ಬೆಲೆ ಕಡಿಮೆ ಮಾಡುವುದರಿಂದ ಮಾರಾಟ ಸಂಖ್ಯೆ ಹೆಚ್ಚಲಿದೆ.