ಗ್ರಾಹಕರ ಸೇವೆಗಾಗಿ ಹೊಸ ಜಾಲತಾಣ ಆರಂಭಿಸಿದ ಹೋಂಡಾ ಕಾರ್ಸ್ ಇಂಡಿಯಾ

ಹೋಂಡಾ ಕಾರ್ಸ್ ಇಂಡಿಯಾಸಂಸ್ಥೆಯು www.hondacarindia.com ಎಂಬ ಹೊಸ ಜಾಲತಾಣವನ್ನು ಆರಂಭಗೊಳಿಸಿದ್ದು, ವಾಹನಗಳ ಸೇವಾ ಸಂಬಂಧಿತ ಮಾಹಿತಿಯನ್ನು ವಿನಿಮಯ ಮಾಡಿಕೊಳ್ಳುವ ಉದ್ದೇಶಕ್ಕಾಗಿ ಹೊಸ ವೆಬ್‌ಸೈಟ್ ಅನ್ನು ಅಭಿವೃದ್ಧಿಪಡಿಸಿದೆ.

ಈ ಮೂಲಕ ಹೊಸ ಕಾರುಗಳ ಕುರಿತಾದ ಮಾಹಿತಿ ಪಡೆಯಲು, ಬುಕ್ಕಿಂಗ್ ಕೈಗೊಳ್ಳಲು, ಅಂದಾಜು ವೆಚ್ಚದ ಲೆಕ್ಕಾಚಾರ ಕೈಗೊಳ್ಳಲು, ತ್ವರಿತ ಸೇವೆಗಳಿಗಾಗಿ, ರಸ್ತೆ ಬದಿಯ ನೆರವು ಪಡೆಯಲು, ನಿರ್ವಹಣೆಯ ಪ್ಯಾಕೇಜ್ ಮತ್ತು ನಿಯತಕಾಲಿಕ ನಿರ್ವಹಣೆಯ ಪ್ರಾಮುಖ್ಯತೆಯನ್ನು ಹೊಸ ಜಾಲತಾಣದಲ್ಲಿ ಪಡೆಯಬಹುದಾಗಿದೆ.

Recommended Video

2017 Mercedes New GLA India Launch Kannada - DriveSpark ಕನ್ನಡ

ಇದಲ್ಲದೇ ಹೋಂಡಾ ಉತ್ಪನ್ನಗಳಿಗೆ ಸಂಬಂಧಿತ ಯಾವುದೇ ಮಾಹಿತಿಯನ್ನಾದರೂ ಇಲ್ಲಿ ಪಡೆಯಬಹುದಾಗಿದ್ದು, ಕಾರುಗಳ ಸುಲಭ ನಿರ್ವಹಣೆಗಾಗಿ ತಂತ್ರಜ್ಞರು ಉತ್ತರಿಸುತ್ತಾರೆ.

ಈ ಬಗ್ಗೆ ಮಾತನಾಡಿರುವ ಹೊಂಡಾ ಕಾರ್ಸ್ ಇಂಡಿಯಾ ಹಿರಿಯ ಉಪಾಧ್ಯಕ್ಷ ಜ್ಞಾನೇಶ್ವರ್ ಸೇನ್ 'ಹೋಂಡಾ ಗ್ರಾಹಕರಿಗೆ ನಿಗದಿತ ಅವಧಿಯಲ್ಲಿ ಸೇವೆಗಳನ್ನು ಉದ್ದೇಶದಿಂದ ಹೊಸ ಜಾಲತಾಣವನ್ನು ಆರಂಭಗೊಳಿಸಿದ್ದು, ಇದರಿಂದ ತ್ವರಿತ ಪರಿಹಾರ ಕಂಡುಕೊಳ್ಳುವ ಭರವಸೆ ಇದೆ' ಎಂದಿದ್ದಾರೆ.

ಇದರೊಂದಿಗೆ ಬ್ರ್ಯಾಂಡ್ ಮೌಲ್ಯವನ್ನು ಕಾಪಾಡಿಕೊಳ್ಳಲು ಅನುಕೂಲಕರವಾಗಲಿದ್ದು, ಗ್ರಾಹಕರೊಂದಿಗೆ ನೇರ ಸಂಪರ್ಕ ಸಾಧಿಸಲು ಹೊಸ ಜಾಲತಾಣ ಸಹಾಯವಾಗುವುದಲ್ಲಿ ಯಾವುದೇ ಅನುಮಾನವಿಲ್ಲ. ಜೊತೆಗೆ ಗ್ರಾಹಕರಿಗೆ ನಿಗದಿತ ಸಮಯದಲ್ಲಿ ಸೇವೆಗಳು ಲಭ್ಯವಾಗಲಿವೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಇತ್ತೀಚೆಗೆ ಕಾರು ಮಾರಾಟ ಮತ್ತು ಉತ್ಪಾದನೆಯಲ್ಲಿ ಪೈಪೋಟಿ ಹೆಚ್ಚುತ್ತಿದ್ದು, ಗ್ರಾಹಕರನ್ನು ಸೆಳೆಯುವ ಉದ್ದೇಶದೊಂದಿಗೆ ಮೌಲ್ಯಯುತ ಸೇವೆಗಳನ್ನು ನೀಡಲು ಹೋಂಡಾ ಸಂಸ್ಥೆಯು ಹೊಸ ಜಾಲತಾಣ ಆರಂಭಿಸಿರುವುದು ಗಮನಾರ್ಹ.