ಡೀಸೆಲ್ ಎಂಜಿನ್ ಹೊಂದಿರುವ ಹೋಂಡಾ ಸಿಆರ್-ವಿ ಕಾರು ಸದ್ಯದಲ್ಲೇ ಬರಲಿದೆ

ಬಲ್ಲ ಮೂಲಗಳ ಪ್ರಕಾರ ಹೋಂಡಾ ಸಿಆರ್-ವಿ ಕಾರು ಮುಂದಿನ ವರ್ಷದ ಮೊದಲಿಗೆ ಭಾರತೀಯ ರಸ್ತೆಗೆ ಇಳಿಯಲಿದೆ ಎನ್ನಲಾಗಿದ್ದು, ಈ ಹೊಸ ಎಸ್‌ಯುವಿ ಪ್ರಸ್ತುತ 2.4-ಲೀಟರ್ ಪೆಟ್ರೋಲ್ ಇಂಜಿನ್ ಪಡೆಯುವ ಸಾಧ್ಯತೆ ಇದೆ.

ಈಗಾಗಲೇ ಹೆಚ್ಚು ಫ್ಯಾನ್ಸ್ ಗಳಿಸಿಕೊಂಡಿರುವ ಸಿಆರ್-ವಿ ಕಾರು, 2.4-ಲೀಟರ್ ಪೆಟ್ರೋಲ್ ಎಂಜಿನ್ 190 ಬಿಎಚ್‌ಪಿ ಎಂಜಿನ್ ಮತ್ತು ಸ್ವಯಂಚಾಲಿತ ಗೇರ್ ಬಾಕ್ಸ್ ಪಡೆದುಕೊಂಡಿದೆ.

ಆದರೆ ಒಳ್ಳೆಯ ಸುದ್ದಿ ಏನೆಂದರೆ ಭಾರತ ಮಾದರಿಯ ಸಿಆರ್-ವಿ ಕಾರು ಡೀಸೆಲ್ ರೂಪಾಂತರದಲ್ಲಿಯೂ ಬಿಡುಗಡೆಗೊಳ್ಳುತ್ತಿದ್ದು, ಡೀಸೆಲ್ ಕಾರು ಪ್ರಿಯರಿಗೆ ಸಂತೋಷಕರ ವಿಚಾರ ಎನ್ನಬಹುದು.

ಈ ಡೀಸೆಲ್ ಟ್ರಿಮ್ ಕಾರು 1.6-ಲೀಟರ್ ಐ-ಡಿಟಿಇಸಿ ಮೋಟಾರ್ ಪಡೆದುಕೊಂಡಿದ್ದು, 350 ಎನ್ಎಂ ತಿರುಗುಬಲದಲ್ಲಿ 158 ಅಶ್ವಶಕ್ತಿ ಉತ್ಪಾದಿಸುತ್ತದೆ ಮತ್ತು ಈ ಎಂಜಿನ್ ಝಡ್ಎಫ್ 9 ಸ್ಪೀಡ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಪಡೆದುಕೊಂಡಿದೆ.

ಈ ಕಾರಿನ ಡೀಸೆಲ್ ಎಂಜಿನ್ ಭಾರತದಲ್ಲಿ ಜೋಡಿಣೆ ಮಾಡಲು ಹೋಂಡಾ ಸಂಸ್ಥೆ ನಿರ್ಧರಿಸಿದ್ದು, ಇದರಿಂದಾಗಿ ಕಾರಿನ ಬೆಲೆ ಕಡಿತಗೊಳ್ಳಲಿದೆ ಎನ್ನಲಾಗಿದೆ.

ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಎರಡೂ ಸಹ ಮುಂಭಾಗ ಚಕ್ರದ ಡ್ರೈವ್ ಮತ್ತು ಆಯ್ಕೆ ಇರುವಂತಹ ಆಲ್-ವೀಲ್-ಡ್ರೈವ್ ವ್ಯವಸ್ಥೆಯೊಂದಿಗೆ ಹೊರ ಬರಲಿವೆ.