ಹೋಂಡಾ ಜಾಝ್ ಪ್ರಿವಿಲೇಜ್ ಎಡಿಷನ್ ಭಾರತದಲ್ಲಿ ಬಿಡುಗಡೆ; ಬೆಲೆ ರೂ.7.36 ಲಕ್ಷ

ಹೋಂಡಾ ಕಂಪನಿಯ ಬಹು ಉದ್ದೇಶಿತ 'ವಿ' ರೂಪಾಂತರದ ಮೇಲೆ ಆಧಾರಿತವಾಗಿರುವ ಈ ಹೊಂಡಾ ಜಾಝ್ ಪ್ರಿವಿಲೇಜ್ ಆವೃತಿಯು ಸಾಮಾನ್ಯ ಜಾಝ್ ಮಾದರಿಗಿಂತ ಹೆಚ್ಚು ಭಿನ್ನವಾಗಿದ್ದು, ಸಾಕಷ್ಟು ಸುರಕ್ಷತಾ ಅಂಶಗಳನ್ನು ಒಳಗೊಂಡಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಪ್ರಿವಿಲೇಜ್ ಆವೃತಿಯ ಈ ಜಾಝ್ ಕಾರು, ಹೆಚ್ಚು ವೈಶಿಷ್ಟ್ಯತೆಗಳನ್ನು ಹೊಂದಿದ್ದು, ಹೊಸ ಇನ್ಫೋಟೈನ್ಮೆಂಟ್ ಸಿಸ್ಟಮ್, ಹೆಚ್ಚು ಭದ್ರತೆ ಹಾಗು ಹೆಚ್ಚು ಕಂಫರ್ಟ್ ಈ ಕಾರು ಒಳಗೊಂಡಿರಲಿದೆ.

'ಪ್ರಿವಿಲೇಜ್ ಎಡಿಷನ್' ಬ್ಯಾಡ್ಜ್ ಪಡೆದುಕೊಂಡಿರುವ ಈ ಹೋಂಡಾ ಜಾಝ್ ಕಾರು ಪ್ರಿವಿಲೇಜ್ ಆಯ್ಕೆಗಳಿಗೆ ಹೆಚ್ಚು ಆದ್ಯತೆ ನೀಡಿದೆ ಎನ್ನಬಹುದು.ಹೊಸ ಕಾರಿನ ಹೊರಭಾಗದಲ್ಲಿ ಹೆಚ್ಚು ಕ್ರೀಡಾ ಅಂಶಗಳನ್ನು ಪಡೆದುಕೊಂಡಿದೆ.

ಈ ಕಾರು ಎಬಿಎಸ್, ಸ್ವಯಂಚಾಲಿತ ಹವಾಮಾನ ನಿಯಂತ್ರಣ, ಹಿಮ್ಮುಖ ಕ್ಯಾಮೆರಾ, ಮಿಶ್ರಲೋಹದ ಚಕ್ರಗಳು, ಪವರ್ ನಿಯಂತ್ರಿತ ಓವಿಆರ್‌ಎಂ ಮತ್ತು ಟರ್ನ್ ಇಂಡಿಕೇಟರ್‌ಗಳನ್ನು ಪಡೆದುಕೊಂಡಿದೆ.

ಹೊಸ ತಂತ್ರಜ್ಞಾನದ ಹಿಂಭಾಗದ ಪಾರ್ಕಿಂಗ್ ಸಂವೇದಕಗಳೊಂದಿಗೆ ಬಿಡುಗಡೆಗೊಂಡಿರುವ ಕಾರು, ಸ್ಯಾಟಲೈಟ್ ನ್ಯಾವಿಗೇಷನ್ ಹೊಂದಿರುವ 7 ಇಂಚಿನ ಟಚ್‌ಸ್ಕ್ರೀನ್ ಪರದೆ, 1.5 ಜಿಬಿ ಆಂತರಿಕ ಶೇಖರಣಾ, ಮಿರರ್ ಲಿಂಕ್ ಮತ್ತು ಬ್ಲೂಟೂತ್ ಜೊತೆಗೆ ಧ್ವನಿ ಆದೇಶಗಳು, ಯುಎಸ್‌ಬಿ ಸ್ಲಾಟ್, ಮ್ಯಾಪ್‌ಗಳು ಮತ್ತು ಮೈಕ್ರೊ ಎಸ್‌ಡಿ ಕಾರ್ಡ್ ಸ್ಲಾಟ್‌ಗಳು ಮತ್ತು HDMI-IN ಪೋರ್ಟ್ ಸೇರಿದಂತೆ ಸೌಕರ್ಯ ನೀಡಲಾಗಿದೆ.

ಹೋಂಡಾ ಜಾಝ್ ಪ್ರಿವಿಲೇಜ್ ಆವೃತಿಯು, ಪೆಟ್ರೋಲ್ ಮತ್ತು ಡೀಸೆಲ್ ಇಂಜಿನ್ ಆಯ್ಕೆಗಳಲ್ಲಿ ಲಭ್ಯವಿದೆ. 1.2-ಲೀಟರ್ ಪೆಟ್ರೋಲ್ ಇಂಜಿನ್ 110 ಎನ್ಎಂ ತಿರುಗುಬಲದಲ್ಲಿ 89 ಬಿಎಚ್‌ಪಿ ಶಕ್ತಿ ಉತ್ಪಾದನೆ ಮಾಡಲಿದೆ.

1.2-ಲೀಟರ್ ಡೀಸೆಲ್ ಇಂಜಿನ್ 200 ಎನ್ಎಂ ತಿರುಗುಬಲದಲ್ಲಿ 98 ಬಿಎಚ್‌ಪಿ ಶಕ್ತಿ ಉತ್ಪಾದನೆ ಮಾಡಲಿದೆ ಹಾಗು ಎರಡೂ ಕಾರುಗಳು ಸಹ ಮಾನ್ಯುಯಲ್ ಅಥವಾ ಸಿವಿಟಿ ಗೇರ್ ಬಾಕ್ಸ್ ಆಯ್ಕೆ ಪಡೆದುಕೊಳ್ಳಲಿವೆ.