ಡಬ್ಲ್ಯು-ವಿ ಕಾರುಗಳನ್ನು ದಾಖಲೆಯ ಪ್ರಮಾಣದಲ್ಲಿ ಮಾರಾಟ ಮಾಡಿದ ಹೋಂಡಾ

ಹೋಂಡಾದ ಸಬ್ ಕಂಪ್ಯಾಕ್ಟ್ ಎಸ್‌ಯುವಿ ಮಾದರಿಗಳಲ್ಲಿ ಅತ್ಯಧಿಕ ಬೇಡಿಕೆ ಹೊಂದಿರುವ ಡಬ್ಲ್ಯು-ವಿ ಕಾರು ಮಾದರಿಯೂ ಹಲವು ವಿಶೇಷತೆಗಳೊಂದಿಗೆ ಅಭಿವೃದ್ಧಿ ಹೊಂದಿದ್ದು, ಈ ಮೂಲಕ ಗ್ರಾಹಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿರುವ ಡಬ್ಲ್ಯು-ವಿ ಮಾರಾಟದಲ್ಲಿ ದಾಖಲೆ ಕಂಡಿದೆ.

ಎಲೆಕ್ಟ್ರಿಕ್ ಸನ್‌ರೂಫ್, ಚಾಲಕನಿಗೆ ಸಹಾಕವಾಗುವ ಕೂಲ್ ಕಪ್ ಹೊಲ್ಡರ್, ಸ್ಮಾರ್ಟ್‌ಫೋನ್ ಹೊಲ್ಡರ್, ಆರ್ಮ್ ರೆಸ್ಟ್ ಪ್ಯಾಡ್, ಡ್ಯುಯಲ್ ಏರ್‌ಬ್ಯಾಗ್ ಮತ್ತು ಎಬಿಎಸ್ ತಂತ್ರಜ್ಞಾನ ಸೇರಿದಂತೆ ಹಲವು ಸೌಲಭ್ಯಗಳನ್ನು ಡಬ್ಲ್ಯು-ವಿ ಕಾರಿನಲ್ಲಿ ಒದಗಿಸಲಾಗಿದೆ.

ಹೀಗಾಗಿಯೇ ಗ್ರಾಹಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿರುವ ಡಬ್ಲ್ಯು-ವಿ ಕಾರುಗಳ ಖರೀದಿಗೆ ಇದುವರೆಗೆ 23 ಸಾವಿರ ಬುಕ್ಕಿಂಗ್ ಪಡೆಯಲಾಗಿದ್ದು, ಇದರಲ್ಲಿ ಕೇವಲ 16 ಸಾವಿರ ಕಾರುಗಳನ್ನು ಮಾತ್ರ ಗ್ರಾಹಕರಿಗೆ ಒದಗಿಸುಲು ಸಾಧ್ಯವಾಗಿದೆ.

ಪ್ರತಿ ತಿಂಗಳು ನಾಲ್ಕು ಸಾವಿರ ಡಬ್ಲ್ಯು-ವಿ ಕಾರುಗಳು ಮಾತ್ರ ಉತ್ಪಾದನೆಯಾಗುತ್ತಿದ್ದು, ಈ ಹಿನ್ನೆಲೆ ಗ್ರಾಹಕರ ಬೇಡಿಕೆಯನ್ನು ಪೂರೈಸುವ ನಿಟ್ಟಿನಲ್ಲಿ ಕ್ರಮಕೈಗೊಂಡಿರುವ ಹೋಂಡಾ ಸಂಸ್ಥೆಯು ಪ್ರತಿ ತಿಂಗಳು ಡಬ್ಲ್ಯು-ವಿ ಉತ್ಪಾದನೆಯನ್ನು 5 ಸಾವಿರಕ್ಕೆ ಏರಿಕೆ ಮಾಡಲು ಮುಂದಾಗಿದೆ.

ಪೆಟ್ರೋಲ್ ಮತ್ತು ಡೀಸೆಲ್ ಎರಡು ಮಾದರಿಯಲ್ಲೂ ಡಬ್ಲ್ಯು-ವಿ ಕಾರುಗಳು ಲಭ್ಯವಿದ್ದು, ಪೆಟ್ರೋಲ್ ಮಾದರಿಯೂ 1.2-ಲೀಟರ್ ಎಂಜಿನ್ ಹೊಂದಿದ್ದರೆ ಡೀಸೆಲ್ ಮಾದರಿಯೂ 1.5-ಲೀಟರ್ ಎಂಜಿನ್ ಜೊತೆ ಅಭಿವೃದ್ಧಿ ಹೊಂದಿವೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಸದ್ಯ ಸೆಡಾನ್ ಮಾದರಿಗಳಲ್ಲಿ ಹೋಂಡಾ ಉತ್ಪಾದನೆಯ ಸಿಟಿ 2017 ಮುಂಚೂಣಿಯಲ್ಲಿದ್ದು, ಅದೇ ನಿಟ್ಟಿನಲ್ಲಿ ಡಬ್ಲ್ಯು-ವಿ ಆವೃತ್ತಿ ಕೂಡಾ ಅತಿ ಹೆಚ್ಚು ಬೇಡಿಕೆ ಪಡೆಯುವ ಮೂಲಕ ಮುಂಬರುವ ದಿನಗಳಲ್ಲಿ ಸಬ್ ಕಂಪ್ಯಾಕ್ಟ್ ಎಸ್‌ಯುವಿ ವಿಭಾಗದಲ್ಲಿ ಹೊಸ ಮೈಲಿಗಲ್ಲು ಸ್ಥಾಪಿಸುವುದರಲ್ಲಿ ಯಾವುದೇ ಅನುಮಾನವಿಲ್ಲ.