ಹ್ಯುಂಡೈ ವೆರ್ನಾ ಕಾರು ಭಾರತದಲ್ಲಿ ಬಿಡುಗಡೆ: ಬೆಲೆ ರೂ.7.99 ಲಕ್ಷ

ಮೂರನೆಯ ತಲೆಮಾರಿನ ನೂತನ ಹ್ಯುಂಡೈ ಎಕ್ಸಿಕ್ಯೂಟಿವ್ ಸೆಡಾನ್ ವೆರ್ನಾ ಕಾರನ್ನು ಭಾರತದಲ್ಲಿ ಅನಾವರಣಗೊಳಿಸಿದ್ದು, ಈ ಕಾರು ಹೋಂಡಾ ಕಂಪನಿಯ ಸಿಟಿ, ಮಾರುತಿ ಸುಜುಕಿ ಸಿಯಾಜ್ ಎಸ್ ಕಾರುಗಳೊಂದಿಗೆ ಭಾರತೀಯ ಮಾರುಕಟ್ಟೆಯಲ್ಲಿ ಸ್ಪರ್ಧೆ ನೆಡೆಸಲಿದೆ.

ಸಾಕಷ್ಟು ತಂತ್ರಜ್ಞಾನವನ್ನು ಪಡೆದುಕೊಂಡು ಬಿಡುಗಡೆಗೊಂಡಿರುವ ಈ ಹ್ಯುಂಡೈ ವೆರ್ನಾ ಕಾರು ಇಎಕ್ಸ್, ಎಸ್ಎಕ್ಸ್ ಮತ್ತು ಎಸ್ಎಕ್ಸ್(ಒ) ಎಂಬ ಆರು ವಿವಿಧ ಆವೃತಿಗಳಲ್ಲಿ ಈ ಹೊಸ ಜನರೇಶನ್ ಕಾರು ಬಿಡುಗಡೆಗೊಳ್ಳಲಿದೆ.

ಹೊಸ ವೆರ್ನಾ ಪೆಟ್ರೋಲ್ ರೂಪಾಂತರವು ಇಎಕ್ಸ್ ಮತ್ತು ಎಸ್ಎಕ್ಸ್(ಓ) ಸ್ವಯಂಚಾಲಿತ ಗೇರ್‌ಬಾಕ್ಸ್ ಆಯ್ಕೆ ಪಡೆದುಕೊಂಡಿದೆ ಹಾಗು ಡೀಸೆಲ್ ರೂಪಾಂತರಗಳಲ್ಲಿ, ಇಎಕ್ಸ್ ಮತ್ತು ಎಸ್ಎಕ್ಸ್+ ಮಾದರಿಗಳಲ್ಲಿ ಸ್ವಯಂಚಾಲಿತ ಗೇರ್‌ಬಾಕ್ಸ್ ಆಯ್ಕೆ ನೀಡಲಾಗಿದೆ.

ಹ್ಯುಂಡೈ ವೆರ್ನಾ ಕಾರು 3 ವರ್ಷ ಅಥವಾ ಅನಿಯಮಿತ ಕಿಲೋಮೀಟರ್ ಖಾತರಿಯನ್ನು ಪಡೆದುಕೊಂಡಿದೆ ಮತ್ತು ರಸ್ತೆ ಬದಿಯ ನೆರವು ಒದಗಿಸಲು ಕಂಪನಿ ತೀರ್ಮಾನಿಸಿದೆ ಹಾಗು ಮೂರು ಬಾರಿ ಮ್ಯಾಪ್ಕೇರ್ ಸ್ಯಾಟ್‌ಲೈಟ್ ನೇವಿಗೇಶನ್ ಸಿಸ್ಟಮ್ ನವೀಕರಣಗಳನ್ನು ಪಡೆದುಕೊಳ್ಳಬಹುದಾಗಿದೆ.

ಮೂರನೆಯ ತಲೆಮಾರಿನ ನೂತನ ಹ್ಯುಂಡೈ ಎಕ್ಸಿಕ್ಯೂಟಿವ್ ಸೆಡಾನ್ ವೆರ್ನಾ ಕಾರು, 1.6-ಲೀಟರ್ ಪೆಟ್ರೋಲ್ ಮತ್ತು 1.6-ಲೀಟರ್ ಡೀಸೆಲ್ ಎಂಬ ಎರಡು ಎಂಜಿನ್ ಆಯ್ಕೆಯನ್ನು ಹೊಂದಿದೆ. ಪೆಟ್ರೋಲ್ ಎಂಜಿನ್ 151 ಏನ್‌ಎಂ ತಿರುಗುಬಲದಲ್ಲಿ 121ರಷ್ಟು ಟಾರ್ಕ್ ಉತ್ಪಾದಿಸುತ್ತದೆ ಮತ್ತು ಡೀಸೆಲ್ ಎಂಜಿನ್ 260 ಏನ್‌ಎಂ ತಿರುಗುಬಲದಲ್ಲಿ 126ರಷ್ಟು ಟಾರ್ಕ್ ಉತ್ಪಾದಿಸುತ್ತದೆ.

ಎರಡೂ ಮಾದರಿಯೂ ಸಹ 6-ಸ್ಪೀಡ್ ಮಾನ್ಯುಯಲ್ ಅಥವಾ 6 ಸ್ಪೀಡ್ ಆಟೊಮ್ಯಾಟಿಕ್ ಗೇರ್‌ಬಾಕ್ಸ್ ಅಳವಡಿಸಲಾಗಿದೆ. ಪೆಟ್ರೋಲ್ ಆವೃತಿಯ ಕಾರು ಲೀಟರಿಗೆ 17.7 ಕಿಲೋಮೀಟರ್‌ ಮೈಲೇಜ್ ನೀಡಲಿದೆ ಹಾಗು ಡೀಸೆಲ್ ಕಾರು 24.76 ಕಿಲೋಮೀಟರ್‌ ಮೈಲೇಜ್ ನೀಡಲಿದೆ.

ಕೆ 2 ಫ್ಲ್ಯಾಟ್ ಫಾರ್ಮ್ ಆಧಾರ ಮೇಲೆ ಅಭಿವೃದ್ದಿಗೊಂಡಿರುವ 3ನೇ ಜನರೇಷನ್ ಹ್ಯುಂಡೈ ವೆರ್ನಾ ಕಾರು ಹೆಚ್ಚಿನ ಶಕ್ತಿಯ ಉಕ್ಕಿನ್ನು ಪಡೆದುಕೊಂಡಿದ್ದು, ಬಿಗಿತವನ್ನು ಹೆಚ್ಚಿಗೆ ಮಾಡಲಿದೆ ಮತ್ತು ಕಾರಿನ ಕ್ರ್ಯಾಶ್‌ವರ್ತಿನೆಸ್ ಹೆಚ್ಚಿಗೆಗೊಳಿಸಲಿದೆ.

ಎಸ್ಎಕ್ಸ್(ಒ) ಮತ್ತು ಎಸ್ಎಕ್ಸ್ ಆವೃತಿಗಳ ಒಳಭಾಗದಲ್ಲಿ, 7 ಇಂಚಿನ ಟಚ್ ಸ್ಕ್ರೀನ್ ಟಿವಿ ವ್ಯವಸ್ಥೆ ಹೊಂದಿರುತ್ತದೆ. ಈ 7 ಇಂಚಿನ ಟಚ್ ಸ್ಕ್ರೀನ್ ಪರದೆಯು ಆಂಡ್ರಾಯ್ಡ್ ಆಟೊ, ಆಪಲ್ ಕಾರ್‌ಪ್ಲೇ ಮತ್ತು ಮಿರರ್ ಲಿಂಕ್ ಕನೆಕ್ಟಿವಿಟಿ ವ್ಯವಸ್ಥೆ ಹೊಂದಿದೆ.

ಹೊಸ ಸೆಡಾನ್ ಕಾರಿನ ಆಯಾಮಗಳ ವಿಚಾರ ಸಹ ಸೋರಿಕೆಯಾಗಿದೆ.ಹಳೆಯ ಆವೃತಿಗೆ ಹೋಲಿಸಿದರೆ ಹೊಸ ಕಾರು ಮುಂಭಾಗದಲ್ಲಿ 30 ಮಿ.ಮೀ ಉದ್ದ, 29 ಮಿ.ಮೀ ಅಗಲ, 6 ಮಿಮೀ ಎತ್ತರವಾಗಲಿದೆ.

ಹೊಸ ಹ್ಯುಂಡೈ ವೆರ್ನಾ ಕಾರು ಮೊದಲಿಗಿಂತಲೂ ಹೆಚ್ಚು ತೀಕ್ಷ್ಣವಾಗಿ ಕಾಣುತ್ತದೆ ಮತ್ತು ಈ ಕಾರಿನ ಎಂಜಿನ್ ಹೆಚ್ಚು ಶಕ್ತಿಯುತವಾಗಿ ಮತ್ತು ಉತ್ತಮ ಮೈಲೇಜ್ ನೀಡಲಿದೆ.

ಹ್ಯುಂಡೈ ವೆರ್ನಾ ಪೆಟ್ರೋಲ್ ಆವೃತ್ತಿಗಳ ಬೆಲೆಗಳು

ಹ್ಯುಂಡೈ ವೆರ್ನಾ ಇ- ರೂ.7,99,900

ಹ್ಯುಂಡೈ ವೆರ್ನಾ ಇಎಕ್ಸ್- ರೂ.9,06,900

ಹ್ಯುಂಡೈ ವೆರ್ನಾ ಇಎಕ್ಸ್ ಎಟಿ- ರೂ.10,22,900

ಹ್ಯುಂಡೈ ವೆರ್ನಾ ಎಸ್ಎಕ್ಸ್- ರೂ.9,49,900

ಹ್ಯುಂಡೈ ವೆರ್ನಾ ಎಸ್ಎಕ್ಸ್ (ಒ)- ರೂ.11,08,900

ಹ್ಯುಂಡೈ ವೆರ್ನಾ ಎಸ್ಎಕ್ಸ್ (ಒ) ಎಟಿ- ರೂ.12,23,900

ಹ್ಯುಂಡೈ ವೆರ್ನಾ ಡೀಸೆಲ್ ಆವೃತ್ತಿಗಳ ಬೆಲೆಗಳು

ಹ್ಯುಂಡೈ ವೆರ್ನಾ ಇ- ರೂ. 9,19,900

ಹ್ಯುಂಡೈ ವೆರ್ನಾ ಇಎಕ್ಸ್- ರೂ. 9,99,900

ಹ್ಯುಂಡೈ ವೆರ್ನಾ ಇಎಕ್ಸ್ ಎಟಿ- ರೂ. 11,39,900

ಹ್ಯುಂಡೈ ವೆರ್ನಾ ಎಸ್ಎಕ್ಸ್- ರೂ. 11,11,900

ಹ್ಯುಂಡೈ ವೆರ್ನಾ ಎಸ್ಎಕ್ಸ್ ಪ್ಲಸ್ ಎಟಿ- ರೂ. 12,61,900

ಹ್ಯುಂಡೈ ವೆರ್ನಾ ಎಸ್ಎಕ್ಸ್ (ಒ)- ರೂ. 12,39,900