ಟೊಯೊಟಾ ಇನೋವಾ ಕಾರಿಗೆ ಟಕ್ಕರ್ ಕೊಡಲು ಬರ್ತಿದೆ ಹೊಸ ಮಹೀಂದ್ರಾ ಕಾರು

ಭಾರತದಲ್ಲಿ ಕೆಲವು ದಿನಗಳಿಂದ ಮಹೀಂದ್ರಾ ಕಂಪನಿಯು ಯು321 ಎಂಪಿವಿ ವಾಹನವನ್ನು ಪರೀಕ್ಷಿಸುತ್ತಿದೆ. ಈಗ, ಚೆನ್ನೈನ ಗುಂಡಾಯ್‌ನಲ್ಲಿ ಮತ್ತೊಮ್ಮೆ ಪರೀಕ್ಷೆ ನೆಡೆಸಿದ್ದು, ಈ ವಿಶಿಷ್ಟ ರೀತಿಯ ವಾಹನದ ರಹಸ್ಯ ಚಿತ್ರಗಳು ಸದ್ಯ ಸೋರಿಕೆಯಾಗಿದ್ದು, ಕಾರಿನ ಸಾಕಷ್ಟು ವಿಚಾರಗಳನ್ನು ಬಹಿರಂಗಪಡಿಸಿವೆ.

ವಾಹನದ ಮುಂಭಾಗದ ತಂತುಕೋಶವು ವಿಶಿಷ್ಟ ಎಂಪಿವಿ ಕಾರುಗಳ ಸಿಲ್ಯುಯೆಟ್ ಹೊಲಲಿದೆ. ಈ ಕಾರು ಎಕ್ಸ್‌ಯುವಿ ಮಾದರಿಯಂತೆ ಎಂಟು ಸ್ಲಾಟ್ ಗ್ರಿಲ್ ಹೊಂದಿದೆ. ಈ ಎಂಪಿವಿ ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್‌ನ ಕೆಳಭಾಗದಲ್ಲಿ ಸ್ವಲ್ಪ ಕಿಂಕ್ ಮಾಡಿರುವ ತಿರುವು ಸೂಚಕಗಳನ್ನು ಕಾಣಬಹುದು.

ಯು321 ಎಂಪಿವಿ ಕಾರಿನ ಸೈಡ್ ಪ್ರೊಫೈಲ್ ಟೊಯೊಟಾ ಇನ್ನೊವಾ ಕ್ರಿಸ್ಟಾ ಕಾರಿಗೆ ಹೋಲುತ್ತದೆ ಹಾಗು ಪರೀಕ್ಷಾ ವಾಹನದಲ್ಲಿ 5-ಸ್ಪೋಕ್ ಮಿಶ್ರಲೋಹದ ಚಕ್ರಗಳು ಅಳವಡಿಸಲಾಗಿದೆ.

ಭಾರತದಲ್ಲಿ ಜೈಲೊ ವಾಹನದ ಬದಲಿಗೆ ನೂತನ ವಾಹನವನ್ನು ಪರಿಚಯಿಸಲು ಮಹೀಂದ್ರಾ ಯೋಜಿಸಿರುವುದು ನಮಗೆಲ್ಲರಿಗೂ ತಿಳಿದಿರುವ ವಿಚಾರ. ಆದರೆ ಈ ವಾಹನದ ಪರ್ಯಾಯವಾಗಿ ಈ ಹೊಸ ಎಂಪಿವಿ ಪ್ರೀಮಿಯಂ ವಾಹನವನ್ನು ಪರಿಚಯಿಸಲಿದೆ ಎಂಬ ಮಾತುಗಳು ಕೇಳಿಬರುತ್ತಿವೆ.

ಯು321 ಎಂಪಿವಿ ವಾಹನವನ್ನು ನಾರ್ತ್ ಅಮೆರಿಕನ್ ತಂಡವೊಂದು ವಿನ್ಯಾಸಗೊಳಿಸಿದೆ. ಮಹೀಂದ್ರಾ ಯು321 ವಾಹನವು ಹೊಸ ವೇದಿಕೆಯನ್ನು ಆಧಾರಿಸಿದೆ ಮತ್ತು ಮೊನೊಕಾಕ್ಯು ಚಾರ್ಸಿ ಬಳಸುತ್ತಿದೆ.

ಈ ಎಂಪಿವಿ ವಾಹನವು ಮಧ್ಯಭಾಗದಲ್ಲಿ ಮೂರು ಆಸನಗಳನ್ನು ಹೊಂದಿದೆ. ಮಹೀಂದ್ರಾ ಎಂಪಿವಿ ವಾಹನವು 2 ಲೀಟರ್ ಎಮ್ಹಾಕ್ ಡೀಸೆಲ್ ಎಂಜಿನ್ ಅಥವಾ ಹೊಸ 1.6 ಲೀಟರ್ ಪೆಟ್ರೋಲ್ ಎಂಜಿನ್ ಆಯ್ಕೆಯನ್ನು ಪಡೆಯುವ ಸಾಧ್ಯತೆ ಇದೆ.

ಎರಡೂ ಎಂಜಿನ್ ಆಯ್ಕೆಯ ಆವೃತಿಗಳನ್ನು ಜಂಟಿಯಾಗಿ ಅಭಿವೃದ್ಧಿಪಡಿಸಲು ನಿರ್ಧರಿಸಲಾಗಿದೆ ಮತ್ತು ಕೊರಿಯಾದ ಅಂಗಸಂಸ್ಥೆಯಾದ Ssangyong ಈ ವಾಹನದ ಎಲೆಕ್ಟ್ರಿಕ್ ಆವೃತಿಯನ್ನು ಅಭಿವೃದ್ಧಿಪಡಿಸುವ ನಿರೀಕ್ಷೆ ಇದೆ.

ಟೊಯೊಟಾ ಕಂಪನಿಯು ದೀರ್ಘಕಾಲದಿಂದ ಭಾರತದಲ್ಲಿ ಎಂಯುವಿ / ಎಂಪಿವಿ ವಿಭಾಗವನ್ನು ಆಳುತ್ತಿದೆ. ಇದೀಗ, ಎಂಪಿವಿ ವಿಭಾಗದಲ್ಲಿ ಹೊಸ ವಾಹನವನ್ನು ಪರಿಚಯಿಸುವ ಮೂಲಕ ಮಹೀಂದ್ರಾ ಕಂಪನಿಯು ಜಪಾನ್ ಕಂಪನಿಗೆ ಟಕ್ಕರ್ ಕೊಡಲು ಯೋಜನೆ ರೂಪಿಸಿದೆ.