ಭಾರತದಲ್ಲಿ ಅತಿ ಹೆಚ್ಚು ಮಾರಾಟವಾಗುವ ಕಾರು ಯಾವುದು ಗೊತ್ತೆ ?

ಡಿಜೈರ್ ಕಾರಿನ ಬೇಡಿಕೆಯು ತುಂಬಾ ಹೆಚ್ಚಾಗಿದ್ದು, ಈ ಕಾರು ಕೊಳ್ಳಲು ಈಗಾಗಲೇ 40,000 ಜನರು ಬುಕ್ ಮಾಡಿದ್ದಾರೆ ಎಂದರೆ ಈ ಕಾರಿನ ಬೇಡಿಕೆ ಎಷ್ಟಿದೆ ಎಂಬುದನ್ನು ನೀವು ಊಹಿಸಿಕೊಳ್ಳಬಹುದು. ಅತ್ಯಂತ ಜನಪ್ರಿಯ ಕಾಂಪ್ಯಾಕ್ಟ್ ಸೆಡಾನ್ ಕಾರಾಗಿ ಹೊರಹೊಮ್ಮಿರುವ ಈ ಡಿಜೈರ್ ಉತ್ಪಾದನೆಯ ಸಂಖ್ಯೆಯನ್ನು ಗುಜರಾತ್ ಕಾರ್ಖಾನೆಯಲ್ಲಿ ಹೆಚ್ಚಿಸಿದೆ.

ಹೊಸ ಡಿಜೈರ್ ಕಾರಿನ ಮಾರಾಟವು ಭಾರತದಲ್ಲಿ ದಿನೇ ದಿನೇ ಹೆಚ್ಚುತ್ತಿದ್ದು, ಕಳೆದ ತಿಂಗಳು ಕೂಡ ಈ ಡಿಜೈರ್ ಕಾರುಗಳ ಮಾರಾಟ ಸಂಖ್ಯೆಯು 31,000ಕ್ಕೂ ಹೆಚ್ಚು ಇರುವುದನ್ನು ನೀವು ಗಮನಿಸಬಹುದಾಗಿದೆ.

ಈ ಕಾಂಪ್ಯಾಕ್ಟ್ ಸೆಡಾನ್ ಕಾರಿನ ಹೊಸ ಆವೃತ್ತಿಯು ಬಹಳಷ್ಟು ಬದಲಾವಣೆಗಳೊಂದಿಗೆ ಬಿಡುಗಡೆಗೊಂಡಿದೆ. ಸ್ಟೈಲಿಂಗ್ ಸಂಪೂರ್ಣವಾಗಿ ವಿಭಿನ್ನವಾಗಿದೆ ಮತ್ತು ಹಿಂದಿನ ಆವೃತಿಗಳಿಗೆ ಹೋಲಿಕೆ ಮಾಡಿದರೆ ಹೊಸ ಡಿಜೈರ್ ವಿಶಿಷ್ಟ ವಿನ್ಯಾಸ ಹೊಂದಿದೆ.

Recommended Video

Tata Tiago XTA AMT Launched In India | In Kannada - DriveSpark ಕನ್ನಡ

ಡಿಜೈರ್ ಕಾರನ್ನು ಕುಟುಂಬ ವರ್ಗದ ಜೊತೆ ಕ್ಯಾಬ್ ಚಾಲಕರೂ ಸಹ ಖರೀದಿಸುತ್ತಿದ್ದಾರೆ. ಭಾರತದ ಅನೇಕ ಭಾಗಗಳಲ್ಲಿ ಓಲಾ ಮತ್ತು ಉಬರ್ ಶೀಘ್ರವಾಗಿ ವಿಸ್ತರಿಸುತ್ತಿರುವುದರಿಂದ, ಹೆಚ್ಚು ಹೆಚ್ಚು ಡಿಜೈರ್ ಸೆಡಾನ್‌ಗಳನ್ನು ಕ್ಯಾಬ್‌ಗಳಾಗಿ ಉಪಯೋಗಿಸುವ ನಿರ್ಧಾರವನ್ನು ಸಂಸ್ಥೆಗಳು ಕೈಗೊಂಡಿವೆ ಎನ್ನಲಾಗಿದೆ.

ಈ ಕಾರಿನ ಒಳಾಂಗಣವು ಹೆಚ್ಚು ಸುಧಾರಣೆಯಾಗಿದೆ ಮತ್ತು ಡಿಜೈರ್ ಅಗ್ಗದ ಕಾರುಗಳಂತೆ ಭಾಸವಾಗುವುದಿಲ್ಲ. ಮಾರುತಿ ಸಂಸ್ಥೆಯು ಈ ಕಾರುಗಾಗಿ ಹೊಸ ಪ್ಲಾಟ್‌ಫಾರಂ ಬಳಸಿದೆ. ಈ ಪ್ಲಾಟ್‌ಫಾರಂ ಕಾರಿನ ತೂಕವನ್ನು ಕಡಿಮೆ ಮಾಡಿದೆ ಮತ್ತು ಕಾರಿನ ಇಂಧನ ಆರ್ಥಿಕತೆಯನ್ನು ಹೆಚ್ಚಿಸಿದೆ.

ಡಿಜೈರ್ ಕಾರಿನ ಇನ್ನೊಂದು ಪ್ರಮುಖ ಬದಲಾವಣೆ ಎಂದರೆ, ಈ ಕಾರು ಈಗ ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಯ ಜೊತೆ ಎಎಂಟಿ ಆಯ್ಕೆಗಳೊಂದಿಗೆ ಲಭ್ಯವಿದೆ. ಇಂಧನ ದಕ್ಷತೆಯೊಂದಿಗೆ ಬಿಡುಗಡೆಯಾಗಿರುವ ಎಎಂಟಿ ಮಾದರಿಯನ್ನು ಹೆಚ್ಚು ಖರೀದಿದಾರರು ಆರಿಸಿಕೊಳ್ಳುತ್ತಿರುವುದು ಕಂಪನಿಗೆ ಹೆಚ್ಚಿನ ಬಲ ತುಂಬಿದೆ.