ಮಾರುತಿ ಸುಜುಕಿ ಎಸ್-ಕ್ರಾಸ್ ಫೇಸ್‌ಲಿಫ್ಟ್ ಕಾರಿನ ತಾಂತ್ರಿಕ ವಿವರ ಬಿಡುಗಡೆ

ನವೀಕರಿಸಲಾಗಿರುವ ಈ ಕ್ರಾಸ್ಒವರ್ ಕಾರು, ಡೀಸೆಲ್ ಎಂಜಿನ್‌ನೊಂದಿಗೆ SHVS(ಸುಜುಕಿ ಕಂಪನಿಯ ಸ್ಮಾರ್ಟ್ ಹೈಬ್ರಿಡ್ ವಾಹನ) ತಂತ್ರಜ್ಞಾನ ಪಡೆದುಕೊಳ್ಳಲಿದೆ. ಈ ಹಿಂದೆ, ಎಸ್-ಕ್ರೋಸ್ ಫೇಸ್‌ಲಿಫ್ಟ್ ಕಾರಿನ ಪೆಟ್ರೋಲ್ ಎಂಜಿನ್ ಪರಿಚಯಿಸಲು ಮಾರುತಿ ಸುಜುಕಿ ಯೋಜಿಸುತ್ತಿದೆ ಎಂದು ಹಿಂದೆ ವರದಿಯಾಗಿತ್ತು.

ಆದರೆ, ಆದರೆ ಇತ್ತೀಚಿನ ವರದಿಯ ಪ್ರಕಾರ ಸದ್ಯದ ಪರಿಸ್ಥಿತಿಯಲ್ಲಿ ಎಸ್-ಕ್ರೋಸ್ ಫೇಸ್‌ಲಿಫ್ಟ್ ಕಾರಿನ ಪೆಟ್ರೋಲ್ ಎಂಜಿನ್ ಬಿಡುಗಡೆಗೊಳಿಸುವ ಯಾವುದೇ ಯೋಜನೆ ಸಂಸ್ಥೆಯ ಮುಂದೆ ಇಲ್ಲ ಎನ್ನಲಾಗಿದೆ.

ಎಸ್-ಕ್ರಾಸ್ ಕಾರಿನ ಮುಂಭಾಗದ ವಿನ್ಯಾಸವು ಹೆಚ್ಚು ಫೇಸ್‌ಲಿಫ್ಟ್ ಆಯ್ಕೆಗಳನ್ನು ಪಡೆದುಕೊಂಡಿದ್ದು, ತಂತುಕೋಶಗಳ ವಿಚಾರದಲ್ಲಿ ಸಾಕಷ್ಟು ಕಾಸ್ಮೆಟಿಕ್ ಬದಲಾವಣೆಗಳನ್ನು ಹೊಂದಿದ್ದು, ಸ್ಟೈಲಿಸ್ಟ್ ರೂಪ ಪಡೆದುಕೊಂಡಿದೆ.

ಲಂಬವಾದ ಸ್ಲಾಟ್ ವಿನ್ಯಾಸ ಪಡೆದ ಗ್ರಿಲ್ ಈ ಕಾರಿನಲ್ಲಿ ನೋಡಬಹುದಾಗಿದ್ದು, ಮುಂಭಾಗದ ಬಂಪರ್ ಹೆಚ್ಚು ಆಕ್ರಮಣಕಾರಿ ನೋಟವನ್ನು ಪಡೆದು ಯುವ ಸಮ್ಮೂಹವನ್ನು ತನ್ನತ್ತ ಸೆಳೆಯಲಿರುವುದಂತೂ ಖಂಡಿತ.

ಮಾರುತಿ ಸುಜುಕಿ ಕಂಪನಿಯ ಈ ಎಸ್-ಕ್ರಾಸ್ ಫೇಸ್‌ಲಿಫ್ಟ್ ಕಾರು, ನಾಲ್ಕು ಸಿಲಿಂಡರ್ 1.3 ಲೀಟರ್ ಡೀಸೆಲ್ ಎಂಜಿನ್ ಹೊಂದಿದ್ದು, 200 ಎನ್‌ಎಂ ತಿರುಗುಬಲದಲ್ಲಿ 89ರಷ್ಟು ಅಶ್ವಶಕ್ತಿ ಉತ್ಪಾದನೆ ಮಾಡಲಿದೆ. 1.3-ಲೀಟರ್ ಎಂಜಿನ್ ಕಾರು 5-ಸ್ಪೀಡ್ ಮ್ಯಾನ್ಯುವಲ್ ಗೇರ್ ಬಾಕ್ಸ್ ಸಂಯೋಜಿಸಲ್ಪಡುತ್ತದೆ.

ಎಸ್-ಕ್ರಾಸ್ ಕಾರಿನ ಒಳಭಾಗವು, ಹೊಸ ಟ್ರಿಮ್ಸ್ ಮತ್ತು ನವೀಕರಿಸಿದ ಡ್ಯಾಶ್‌ಬೋರ್ಡ್ ಲೇಔಟ್ ಪಡೆದುಕೊಂಡಿದ್ದು, ಆಪಲ್ ಕಾರ್‌ಪ್ಲೇ ಮತ್ತು ಆಂಡ್ರಾಯ್ಡ್ ಆಟೋನಂತಹ ಸಂಪರ್ಕ ವೈಶಿಷ್ಟ್ಯಗಳೊಂದಿಗೆ ಇನ್ಫೋಟೈನ್ಮೆಂಟ್ ಸಿಸ್ಟಮ್ ನೋಡಬಹುದಾಗಿದೆ.