2030 ಒಳಗಾಗಿ ಎಲೆಕ್ಟ್ರಿಕ್ ವಾಹನಗಳ ನಿರ್ಮಾಣಕ್ಕೆ ದಿಟ್ಟ ಹೆಜ್ಜೆ ಇಟ್ಟ ಪುಣೆ ಸರ್ಕಾರ

ಹೌದು, ಈ ಬಗ್ಗೆ ತನ್ನ ನಿರ್ಧಾರವನ್ನು ಈಗಾಗಲೇ ಸ್ಪಷ್ಟಪಡಿಸಿರುವ ಸರ್ಕಾರ, ರಾಜ್ಯದಲ್ಲಿ ಹೊಸ ಎಲೆಕ್ಟ್ರಿಕ್ ವಾಹನಗಳನ್ನು ಉತ್ಪಾದಿಸುವಂತೆ ಭಾರತದ ವಾಹನ ತಯಾರಕ ಸಂಸ್ಥೆಗಳನ್ನು ಕೇಳಿಕೊಂಡಿದೆ. ಆದರೆ, ಈ ವಿಚಾರವಾಗಿ ಸರ್ಕಾರದಿಂದ ಲಿಖಿತ ಬದ್ಧತೆ ಪಡೆದ ನಂತರವೇ ನಾವು ನಮ್ಮ ಕೆಲಸವನ್ನು ಮುಂದುವರೆಸುವುದಾಗಿ ಕಂಪನಿಗಳು ತಿಳಿಸಿವೆ.

ನಾವು ಉತ್ಪಾದನೆಯನ್ನು ಪ್ರಾರಂಭಿಸಿದ ನಂತರ ಉತ್ಪಾದನೆಯ ಮೇಲೆ ಪರಿಣಾಮ ಬೀರುವಂತಹ ಹಠಾತ್ ಬದಲಾವಣೆಗಳನ್ನು ಸರ್ಕಾರ ಮಾಡಬಹುದು ಎಂಬ ಸಂಶಯವನ್ನು ಕಂಪನಿಗಳು ಹೊಂದಿವೆ.

ಬಸ್ಸುಗಳು, ಟ್ರಕ್‌ಗಳು ಮತ್ತು ರಿಕ್ಷಾಗಳನ್ನು ಮಾತ್ರ ಎಲೆಕ್ಟ್ರಿಕ್ ವಾಹನಗಳನ್ನಾಗಿ ಮಾರ್ಪಾಡು ಮಾಡುವ ಉದ್ದೇಶವನ್ನು ಸರ್ಕಾರ ಹೊಂದಿದ್ದು, ಖಾಸಗಿ ಕಾರುಗಳು ಮತ್ತು ದ್ವಿಚಕ್ರ ವಾಹನಗಳಲ್ಲಿ ಯಾವುದೇ ರೀತಿಯ ಬದಲಾವಣೆಯನ್ನು ತರದೇ ತರಲು ನಿರ್ಧರಿಸಿದೆ.

ಪುಣೆಯಲ್ಲಿನ ಓಇಎಂ(ಮೂಲ ಸಲಕರಣೆ ತಯಾರಕ)ಕಂಪನಿಯೊಂದು ಈಗಾಗಲೇ ಕಟ್ರಾಜ್ ಮೃಗಾಲಯದಲ್ಲಿ ಎಲೆಕ್ಟ್ರಿಕ್ ವಾಹನಗಳನ್ನು ಪರಿಚಯಿಸಿದ್ದು, ಇದನ್ನು ವಿಸ್ತರಿಸುವ ಬಗ್ಗೆ ಮಾತುಕತೆ ನೆಡೆಸಲಾಗಿದೆ.

ಪುಣೆ ಮೂಲದ ಓಇಎಂ ಸಂಸ್ಥೆಗಳು ದ್ವಿಚಕ್ರ ವಾಹನಗಳನ್ನು ಮತ್ತು ವಿದ್ಯುತ್ ಬಲದ ಮೇಲೆ ಚಲಿಸುವ ಬಸ್ಸುಗಳನ್ನು ಅಭಿವೃದ್ಧಿಪಡಿಸುತ್ತಿದ್ದು, ಇತರ ತಯಾರಕರಿಗೆ(ಪುಣೆ ಹೊರಗೆ, ಆದರೆ ಭಾರತೀಯ ಕಂಪನಿ) ನೀಡುವಂತೆ ಸರ್ಕಾರ ಓಇಎಂ ಸಂಸ್ಥೆಗಳಿಗೂ ಸಹ ಆರ್ & ಡಿ ಸೌಕರ್ಯವನ್ನು ಪೂರೈಸುತ್ತಿದೆ.

ಎಆರ್‌ಎಐ(ಆಟೊಮೋಟಿವ್ ರಿಸರ್ಚ್ ಅಸೋಸಿಯೇಷನ್ ಆಫ್ ಇಂಡಿಯಾ)ಸಹ ಸರ್ಕಾರದ ಈ ಕ್ರಮವನ್ನು ಬೆಂಬಲಿಸಿದೆ ಮತ್ತು ಅವರು ಈ ವಲಯವನ್ನು ಉನ್ನತೀಕರಿಸುವ ಉದ್ಯಮಗಳಿಗೆ 'ಇ-ಮೊಬಿಲಿಟಿ ಸೆಂಟರ್' ಸೌಲಭ್ಯವನ್ನು ಕೊಡುಗೆ ನೀಡಲು ನಿರ್ಧರಿಸಿದೆ.

ತ್ವರಿತವಾಗಿ ವಿದ್ಯುತ್ ವಾಹನಗಳ ಅಭಿವೃದ್ಧಿಯನ್ನು ಬೆಂಬಲಿಸಲು ಸರಿಯಾದ ಮೂಲಸೌಕರ್ಯದ ಅಗತ್ಯವಿದೆ. ಹಾಗಾಗಿ, ಚಾರ್ಜಿಂಗ್ ಪಾಯಿಂಟ್‌ಗಳನ್ನು ಸ್ಥಾಪಿಸಲು ಖಾಸಗಿ ಸಂಸ್ಥೆಗಳಿಗೆ ಪ್ರೋತ್ಸಾಹ ನೀಡುವ ಮೂಲಕ ಪುಣೆ ಸರ್ಕಾರವು ವ್ಯಾಪಾರ ಅವಕಾಶಗಳನ್ನು ಒದಗಿಸಲು ಪ್ರಯತ್ನಿಸುತ್ತಿದೆ.