ಸೆಲ್ಪ್ ಡ್ರೈವಿಂಗ್ ಕಾರುಗಳ ಉತ್ಪಾದನೆಗಾಗಿ ಫೋಕ್ಸ್‌ವ್ಯಾಗನ್ ಜೊತೆ ಕೈಜೋಡಿಸಿದ ಆ್ಯಪಲ್

Written By:

ವಿಶ್ವ ಆಟೋ ಮೊಬೈಲ್ ಉದ್ಯಮದಲ್ಲಿ ಸೆಲ್ಪ್ ಡ್ರೈವಿಂಗ್ ಕಾರುಗಳ ಉತ್ಪಾದನೆ ದಿನದಿಂದ ದಿನಕ್ಕೆ ಹೊಸ ಹೊಸ ರೂಪ ಪಡೆದುಕೊಳ್ಳುತ್ತಿದ್ದು, ಈ ಹಿನ್ನೆಲೆ ಜನಪ್ರಿಯ ಸಾಫ್ಟ್‌ವೇರ್ ದಿಗ್ಗಜ ಸಂಸ್ಥೆಯಾದ ಆ್ಯಪಲ್ ಕೂಡಾ ವಿನೂತನ ರೀತಿಯ ಸೆಲ್ಪ್ ಡ್ರೈವಿಂಗ್ ಕಾರು ಉತ್ಪಾದನೆಗೆ ಮುಂದಾಗಿದೆ.

ಸೆಲ್ಪ್ ಡ್ರೈವಿಂಗ್ ಕಾರುಗಳ ಉತ್ಪಾದನೆಗಾಗಿ ಫೋಕ್ಸ್‌ವ್ಯಾಗನ್ ಜೊತೆ ಕೈಜೋಡಿಸಿದ ಆ್ಯಪಲ್

ತಂತ್ರಜ್ಞಾನ ಬೆಳವಣಿಗೆ ಹಿನ್ನೆಲೆ ಜೀವನ ವಿಧಾನಗಳು ಕೂಡಾ ಬದಲಾಗುತ್ತಿದ್ದು, ಸೆಲ್ಪ್ ಡ್ರೈವಿಂಗ್ ಕಾರುಗಳ ಬಗೆಗೆ ವಿಶ್ವಾದ್ಯಂತ ಹೊಸ ಹೊಸ ಚರ್ಚೆಗಳು ಶುರುವಾಗವೆ. ಇದೇ ಕಾರಣಕ್ಕೆ ಜನಪ್ರಿಯ ಆಟೋ ಉತ್ಪಾದನಾ ಸಂಸ್ಥೆಯಾದ ಫೋಕ್ಸ್‌ವ್ಯಾಗನ್ ಜೊತೆಗೂಡಿರುವ ಆ್ಯಪಲ್ ಸಂಸ್ಥೆಯು ಸದ್ಯದಲ್ಲೇ ಹೊಸ ಮಾದರಿಯ ಕಾರುಗಳನ್ನು ಉತ್ಪಾದನೆ ಮಾಡುವ ಸುಳಿವು ನೀಡಿದೆ.

2020ರ ವೇಳೆಗೆ ಸೆಲ್ಪ್ ಡ್ರೈವಿಂಗ್ ಕಾರುಗಳನ್ನು ರೋಡಿಗಿಳಿಸಲು ಯೋಜನೆ ರೂಪಿಸಿರುವ ಆ್ಯಪಲ್ ಸಂಸ್ಥೆಯು, ಉತ್ಪಾದನೆಗೊಳ್ಳಲಿರುವ ವಿನೂತನ ಕಾರಿನ ವೈಶಿಷ್ಟ್ಯತೆಗಳನ್ನು ಸಹ ಬಹಿರಂಗಗೊಳಿಸಿರುವುದು ಹಲವು ಕಾರಣಗಳಿಗೆ ವಿಶೇಷ ಎನ್ನಿಸಲಿದೆ.

ಸೆಲ್ಪ್ ಡ್ರೈವಿಂಗ್ ಕಾರುಗಳ ಉತ್ಪಾದನೆಗಾಗಿ ಫೋಕ್ಸ್‌ವ್ಯಾಗನ್ ಜೊತೆ ಕೈಜೋಡಿಸಿದ ಆ್ಯಪಲ್

ಗೂಗಲ್ ಸೆಲ್ಫ್ ಡ್ರೈವಿಂಗ್ ಕಾರ್ ಮಾದರಿಯಲ್ಲಿಯೇ ಆ್ಯಪಲ್ ಮತ್ತು ಫೋಕ್ಸ್‌ವ್ಯಾಗನ್ ಕಾರು ಸಹ ಕಾರ್ಯ ನಿರ್ವಹಿಸಲಿದ್ದು, ಹೆಚ್ಚುತ್ತಿರುವ ಟ್ರಾಫಿಕ್ ಸಮಸ್ಯೆಗೆ ಹೊಸ ಪರಿಹಾರ ಒದಗಿಸುವ ನಿಟ್ಟಿನಲ್ಲಿ ಯೋಜನೆ ರೂಪಿಸಿದೆ.

ಸೆಲ್ಪ್ ಡ್ರೈವಿಂಗ್ ಕಾರುಗಳ ಉತ್ಪಾದನೆಗಾಗಿ ಫೋಕ್ಸ್‌ವ್ಯಾಗನ್ ಜೊತೆ ಕೈಜೋಡಿಸಿದ ಆ್ಯಪಲ್

ಫೋರ್ಕ್ಸ್‌ವ್ಯಾಗನ್ ಸಂಸ್ಥೆಯು ನಿರ್ಮಿಸಿರುವ ಸೆಲ್ಪ್ ಡ್ರೈವಿಂಗ್ ಕಾರುಗಳಲ್ಲಿ ಆ್ಯಪಲ್ ಸಂಸ್ಥೆಯು ತನ್ನ ಸುಧಾರಿತ ಸೆಲ್ಪ್ ಡ್ರೈವ್ ತಂತ್ರಜ್ಞಾನವನ್ನು ಅಳವಡಿಕೆ ಮಾಡಲಿದ್ದು, ಇದು ಇತರೆ ಸಂಸ್ಥೆಗಳು ಅಭಿವೃದ್ದಿ ಮಾಡುತ್ತಿರುವ ಹೊಸ ನಮೂನೆಯ ಸೆಲ್ಪ್ ಡ್ರೈವ್ ಕಾರುಗಳಿಂತ ವಿಭಿನ್ನವಾಗಲಿವೆ.

ಸೆಲ್ಪ್ ಡ್ರೈವಿಂಗ್ ಕಾರುಗಳ ಉತ್ಪಾದನೆಗಾಗಿ ಫೋಕ್ಸ್‌ವ್ಯಾಗನ್ ಜೊತೆ ಕೈಜೋಡಿಸಿದ ಆ್ಯಪಲ್

ಇದಲ್ಲದೇ ಸೆಲ್ಪ್ ಡ್ರೈವ್ ತಂತ್ರಜ್ಞಾನದ ಪರೀಕ್ಷೆಗಾಗಿ 2016ರಲ್ಲಿ ಎರಡು ಲೆಕ್ಸಸ್ ಎಸ್‌ಯುವಿ ಕಾರುಗಳನ್ನು ಖರೀದಿ ಮಾಡಿದ್ದ ಆ್ಯಪಲ್ ಸಂಸ್ಥೆಯು ಹೊಸ ತಂತ್ರಜ್ಞಾನ ಬಳಕೆ ಮಾಡಿ ಯಶಸ್ವಿಯಾಗಿತ್ತು. ತದನಂತರ ಬಿಎಂಡಬ್ಲ್ಯು, ಮರ್ಸಿಡಿಸ್ ಬೆಂಝ್, ನಿಸ್ಸಾನ್ ಮತ್ತು ಮೆಕ್ಲರನ್ ಸಂಸ್ಥೆಗಳ ಜೊತೆ ಹೊಸ ಕಾರುಗಳ ಅಭಿವೃದ್ಧಿಗೆ ಮುಂದಾಗಿತ್ತು.

ಸೆಲ್ಪ್ ಡ್ರೈವಿಂಗ್ ಕಾರುಗಳ ಉತ್ಪಾದನೆಗಾಗಿ ಫೋಕ್ಸ್‌ವ್ಯಾಗನ್ ಜೊತೆ ಕೈಜೋಡಿಸಿದ ಆ್ಯಪಲ್

ಆದ್ರೆ ಕಾರಣಾಂತರಗಳಿಂದ ಹೊಸ ಯೋಜನೆ ಬಗ್ಗೆ ತಟಸ್ಥವಾಗಿದ್ದ ಆ್ಯಪಲ್ ಸಂಸ್ಥೆಯು ಇದೀಗ ಫೋಕ್ಸ್‌ವ್ಯಾಗನ್ ಸಂಸ್ಥೆಯೊಂದಿಗೆ ತನ್ನ ಕನಸನ್ನು ನನಸು ಮಾಡಲು ಮುಂದಾಗಿದ್ದು, ಯುರೋಪ್ ಮಾರುಕಟ್ಟೆಗಳಲ್ಲಿ ಜನಪ್ರಿಯವಾಗಿರುವ ಟಿ6 ವ್ಯಾನ್ ಮಾದರಿಯನ್ನೇ ಸೆಲ್ಪ್ ಡ್ರೈವ್ ಪರೀಕ್ಷೆಗಾಗಿ ಬಳಕೆ ಮಾಡಲು ಉದ್ದೇಶಿಸಲಾಗಿದೆ.

ಸೆಲ್ಪ್ ಡ್ರೈವಿಂಗ್ ಕಾರುಗಳ ಉತ್ಪಾದನೆಗಾಗಿ ಫೋಕ್ಸ್‌ವ್ಯಾಗನ್ ಜೊತೆ ಕೈಜೋಡಿಸಿದ ಆ್ಯಪಲ್

ಒಂದು ವೇಳೆ ಆ್ಯಪಲ್ ಸಂಸ್ಥೆಯು ಸಿದ್ದಗೊಳಿಸಿರುವ ಸೆಲ್ಪ್ ಡ್ರೈವ್ ತಂತ್ರಜ್ಞಾನವು ಫೋಕ್ಸ್‌ವ್ಯಾಗನ್ ಸಂಸ್ಥೆಗಳ ಕಾರುಗಳಲ್ಲಿ ಯಶಸ್ವಿಯಾಗಿದ್ದೇ ಆದಲ್ಲಿ ಮುಂದಿನ 2 ವರ್ಷಗಳ ಅವಧಿಯಲ್ಲಿ ವಿನೂತನ ಸೆಲ್ಪ್ ಡ್ರೈವ್ ಕಾರುಗಳು ಉತ್ಪಾದನೆಗೆ ಅಧಿಕೃತವಾಗಿ ಚಾಲನೆ ಸಿಗುವುದರಲ್ಲಿ ಯಾವುದೇ ಅನುಮಾನವಿಲ್ಲ.

ಸೆಲ್ಪ್ ಡ್ರೈವಿಂಗ್ ಕಾರುಗಳ ಉತ್ಪಾದನೆಗಾಗಿ ಫೋಕ್ಸ್‌ವ್ಯಾಗನ್ ಜೊತೆ ಕೈಜೋಡಿಸಿದ ಆ್ಯಪಲ್

ಒಟ್ಟಿನಲ್ಲಿ ಆ್ಯಪಲ್ ಸಂಸ್ಥೆ ಸಿದ್ದಪಡಿಸಿರುವ ಸೆಲ್ಪ್ ಡ್ರೈವ್ ತಂತ್ರಜ್ಞಾನ ಮತ್ತು ಫೋಕ್ಸ್‌ವ್ಯಾಗನ್ ನಿರ್ಮಾಣದ ಕಾರುಗಳು ಜೊತೆಯಾಗಿ ಆಟೋ ಉದ್ಯಮದಲ್ಲಿ ಹೊಸ ಸಂಚಲನ ಸೃಷ್ಠಿಸುವ ಇರಾದೆಯಲ್ಲಿದ್ದು, ಪರೀಕ್ಷಾರ್ಥ ಮಾದರಿಗಳು ಹೇಗೆ ಕಾರ್ಯನಿರ್ವಹಿಸಲಿವೆ ಎನ್ನುವುದರ ಆಧಾರದ ಮೇಲೆ ಭವಿಷ್ಯದ ಯೋಜನೆಗಳು ನಿರ್ಧಾರವಾಗಲಿವೆ ಎನ್ನಬಹುದು.

Read more on auto news volkswagen apple
English summary
Apple Signs Deal With Volkswagen To Develop Self-Driving Cars.
Story first published: Monday, June 11, 2018, 11:29 [IST]
X

ತಕ್ಷಣದ ಆಟೊ ಸುದ್ದಿಗಳನ್ನು ಡ್ರೈವ್ಸ್ಪಾರ್ಕ್ನಲ್ಲಿ ಪಡೆದುಕೊಳ್ಳಿ- Kannada DriveSpark

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more