ಆಡಿ ಕಾರುಗಳ ಮೇಲೆ ಭಾರಿ ಡಿಸ್ಕೌಂಟ್..!!

ಆಡಿ ಸಂಸ್ಥೆಯ ಸೆಡಾನ್ ಕಾರುಗಳ ಸರಣಿಯಲ್ಲಿರುವ ಏ3, ಏ4, ಏ6 ಮತ್ತು ಕ್ಯೂ ಸಿರೀಸ್ ಎಸ್‍‍ಯುವಿ ಕಾರಗುಗಳ ಸರಣಿಯಲ್ಲಿರು ಎಂಟ್ರಿ ಲೆವೆಲ್ ಕಾರುಗಳ ಮೇಲೆ ಈ ಆಫರ್ ಸಿಗಲಿದೆ. ಆಡಿ ಏ3 ಕಾರು ಪ್ರಸ್ಥುತ ಮಾರುಕಟ್ಟೆಯಲ್ಲಿ ರೂ 33.1 ಲಕ್ಷಕ್ಕೆ ಮಾರಾಟವಾಗುತ್ತಿದ್ದರೆ ಈ ಆಫರ್‍‍ನಲ್ಲಿ ರೂ 27.99 ಲಕ್ಷಕ್ಕೆ ದೊರೆಯುತ್ತದೆ.

ಇದೇ ಮಾದರಿಯಲ್ಲಿ ಆಡಿ ಎ4 ಕೂಡ ಮಾರುಕಟ್ಟೆಯಲ್ಲಿ ರೂ 41.47 ಲಕ್ಷಕ್ಕೆ ಮಾರಾಟವಾಗುತ್ತಿದ್ದರೆ, ಈ ಡಿಸ್ಕೌಂಟ್ ಆಫರ್‍‍ನಲ್ಲಿ ರೂ 35.99 ಲಕ್ಷಕ್ಕೆ ಗ್ರಾಹಕರೂ ಖರೀದಿಸಬಹುದಾಗಿದೆ. ಅಂದರೆ ಸುಮಾರು ರೂ 5.5 ಲಕ್ಷದ ವರೆಗು ಕಡಿತ.

ಆಡಿ ಏ ಸಿರೀಸ್ ಕಾರುಗಳ ಸರಣಿಯಲ್ಲಿನ ಹೈ ಎಂಡ್ ಸೆಡಾನ್ ಎ6 ಕಾರಿನ ಮೇಲೆ ಭಾರಿ ಡಿಸ್ಕೌಂಟ್ ದೊರೆಯುತ್ತಿದೆ. ಈ ಕಾರು ಮಾರುಕಟ್ಟೆಯಲ್ಲಿ ರೂ 56.99 ಲಕ್ಷಕ್ಕೆ ಮಾರಾಟಗೊಳ್ಳುತ್ತಿದ್ದರೆ, ಇನ್ನು ಈ ಆಫರ್‍‍ನಲ್ಲಿ ರೂ 46.99 ಲಕ್ಷಕ್ಕೆ ಅಂದರೆ ಸುಮಾರು 9.7 ಲಕ್ಷದ ಬೆಲೆ ಕಡಿತವನ್ನು ಪಡೆಯಬಹುದಾಗಿದೆ.

ಎಂಟನೆಯ ತಲೆಮಾರಿನ ಆಡಿ ಏ6 ಕಾರುಗಳು 2019ರಲ್ಲಿ ಬಿಡುಗಡೆಗೊಳ್ಳಲಿದೆ ಎನ್ನಲಾಗಿದೆ. ಇದೇ ಮೇ-ಜೂನ್ 2018 ಆಫರ್‍‍ಗಳ ಕಾಲದಲ್ಲಿ ಆಡಿ ಕ್ಯೂ 3 ಕಾರುಗಳ ಮೇಲೆ ಕೂಡ ಡಿಸ್ಕೌಂಟ್ ಲಭ್ಯವಿದೆ.

ಆಡಿ ಕ್ಯೂ3 ಈಗ ಮಾರುಕಟ್ಟೆಯಲ್ಲಿ ರೂ 34.73 ಲಕ್ಷಕ್ಕೆ ಮಾರಾಟಗೊಳ್ಳುತ್ತಿದ್ದರೆ, ಈ ಆಫರ್‍‍ನಲ್ಲಿ ರೂ 2.74 ಲಕ್ಷ ಬೆಲೆ ಕಡಿತದಲ್ಲಿ ಅಂದರೆ ರೂ 31.99 ಲಕ್ಷಕ್ಕೆ ಗ್ರಾಹಕರು ಖರೀದಿಸಬಹುದಾಗಿದೆ.