ಕುಡಿದು ವಾಹನ ಚಾಲನೆ - ಬೆಂಗಳೂರಿಗೆ ಅಗ್ರಸ್ಥಾನ

2018ರ ವರ್ಷದಲ್ಲಿ ಈ ವರೆಗು ಮಧ್ಯಸೇವಿಸಿ ವಾಹನ ಚಲಾಯಿಸುತ್ತಿರುವವರು ನಗರ ಬೀದಿಗಳಲ್ಲಿ ಗರಿಷ್ಠ ರಕ್ತವನ್ನು ಚೆಲ್ಲುತ್ತಿದ್ದಾರೆ ಎಂದು ತೋರುತ್ತದೆ. ಟ್ರಾಫಿಕ್ ಪೋಲೀಸರ ಅಂಕಿ ಅಂಶಗಳ ಪ್ರಕಾರ, 2017 ರಲ್ಲಿ 13 ಮಂದಿ ಪ್ರಾಣ ಕಳೆದುಕೊಂಡಿದ್ದರೆ ಇನ್ನು 2018ರಲ್ಲಿ ಈ ಸಂಖ್ಯೆಯು 17ಕ್ಕೆ ಏರಿದೆ.

2018ರ ಜನವರಿ ಇಂದ ಸೆಪ್ಟೆಂಬರ್ ಅವಧಿಯಲ್ಲಿ ನಗರದ ಟ್ರಾಫಿಕ್ ಪೊಲೀಸರು ಸುಮಾರು 33,234 ಮಂದಿಯನ್ನು ಡ್ರಿಂಕ್ ಆಂಡ್ ಡ್ರೈವ್ ಕೇಸ್‍ನಲ್ಲಿ ದಾಖಲು ಮಾಡಿದ್ದಾರೆ. 2017ರ ವರ್ಷದಲ್ಲಿ 73,741 ಮಂದಿಯನ್ನು ದಾಖಲು ಮಾಡಲಾಗಿದೆ. ಅಂದರೆ ಕಳೆದ ವರ್ಷಕ್ಕಿಂತಾ ಈ ವರ್ಷ ಕುಡಿದು ವಾಹನ ಚಲಾಯಿಸುವವರ ಸಂಖ್ಯೆಯು ಕೊಂಚ ಕಡಿಮೆಯಾಗಿದೆ ಎಂದು ಹೇಳಬಹುದು.

ನಗರದಲ್ಲಿ ಡ್ರಂಕ್ ಡ್ರೈವರ್‍ಗಳನ್ನು ಒಳಗೊಂಡ ಮಾರಣಾಂತಿಕ ಅಪಘಾತಗಳು ಸಂಭವಿಸಲು ಹೆಚ್ಚುತ್ತಿರುವ ನಂತರ ಆಗಸ್ಟ್ ತಿಂಗಳಿನಿಂದ ಇಂತವರನ್ನು ಹಿಡಿಯಲು ಪರಿಶೀಲನೆಯು ಪುನರಾರಂಭವಾಯಿತು. ಮುಂಬರುವ ದಿನಗಳಲ್ಲಿ ಇದನ್ನು ತೀವ್ರಗೊಳಿಸಬೇಕಾಗಿದೆ ಎಂದು ಹಿರಿಯ ಸಂಚಾರ ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.

ಅಕ್ಟೋಬರ್ ತಿಂಗಳ ಮೊದಲಿಗೆಯೆ ನಗರದಲ್ಲಿ ಎರಡು ಅಪಘಾತಗಳು ಸಂಭವಿಸಿದವು. ಅದರಲ್ಲಿ ಒಂದು 20ವರ್ಷದ ಬಾಲಕನಾದ ಶಶಾಂಕ್ ಎಂಬಾತ ಕುಡಿದ ಅಮಲಿನಲ್ಲಿ ಐದು ಮಂದಿ ಕೂತಿದ್ದ ಕಾರನ್ನು ಕೊಂಡುಹೋಗಿ ಕಾಂಪೌಂಡ್ ಗೋಡೆಗೆ ಗುದ್ದಿದ್ದಾನೆ. ಈಘಟನೆಯು ಅಕ್ಟೋಬರ್ 13ರಂದು ಸಂಭವಿಸಿದ್ದು, ಇದರಲ್ಲಿ ಒಬ್ಬ ಪ್ರಯಾಣಿಕನು ಸಾವನಪ್ಪಿದ್ದು ಇನ್ನಿತರೆ ಪ್ರಯಾಣಿಕರು ಗಾಯಗೊಂಡಿದ್ದಾರೆ.

ಮತ್ತೊಂದು ಪ್ರಕರಣವು ಆಡುಗೋಡಿ ಸ್ಥಳದಲ್ಲಿ ಸಂಭವಿಸಿದ್ದು, ವಾಹನ ಚಲಾಯಿಸುತಿದ್ದ ಭಾಸ್ಕರ್ ರಾಜ್ ಎಂಬಾತ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ಪ್ರವೀಣ್ ಕುಮಾರ್ ಎಂಬಾತನ ಮೇಲೆ ಕುಡಿದ ಮತ್ತಿನಲ್ಲಿ ಗಾಡಿಯಲ್ಲಿ ಅಪ್ಪಳಿಸಿದ್ದಾನೆ.

ನಾವು ವಾರಾಂತ್ಯದಲ್ಲಿ ಮಾತ್ರ ತಪಾಸಣೆಯನ್ನು ನಡೆಸುತ್ತಿದ್ದೆವು ಆದರೆ ಈಗ ವಾರದ ದಿನಗಳಲ್ಲಿ ಕೂಡಾ ತಪಾಸಣೆ ಮಾಡಲು ಮುಂದಾಗಿದ್ದೇವೆ. ಕುಡಿದು ವಾಹನ ಚಲಾಯಿಸುವವರ ಸಂಖೆಯನ್ನು ಕಡಿಮೆ ಮಾಡಲು ಇದು ನಿರೋಧಕವಾಗಿ ಕಾರ್ಯನಿರ್ವಹಿಸಬೇಕಾಗಿದೆ ಎಂದು ಬೆಂಗಳೂರು ಸಂಚಾರ ದಳದ ಜಿಲ್ಲಾಧಿಕಾರಿಯಾದ ವಿ.ಕೆ ಜಗದೀಶ್ ಅವರು ಹೇಳಿಕೊಂಡಿದ್ದಾರೆ.

ಎಲ್ಲಾ ಸಂಚಾರ ಪೊಲೀಸ್ ಠಾಣೆಗಳಲ್ಲಿ ರಾತ್ರಿಯ ಸುತ್ತುಗಳಲ್ಲಿ ನಿಯೋಜಿಸಲಾದ ಸಂಚಾರಿ ಉಪ-ತನಿಖಾಧಿಕಾರಿಗಳು ಕೂಡ ಕುಡಿದು ಚಾಲಕರನ್ನು ಪತ್ತೆ ಹಚ್ಚಲು ಸೂಚನೆ ನೀಡಿದ್ದಾರೆ ಮತ್ತು ವಾಹನಗಳ ವಿವರಗಳೊಂದಿಗೆ ಕಂಟ್ರೋಲ್ ರೂಂಗೆ ಕಳುಹಿಸಲಿದ್ದೇವೆ ಎಂದು ಮತ್ತೊಂದು ಹಿರಿಯ ಸಂಚಾರ ಅಧಿಕಾರಿ ಹೇಳಿದ್ದಾರೆ.

ಅಲ್ಲದೆ, ಆಲ್ಕೋಮೀಟರ್ ಓದುವಿಕೆಯನ್ನು ಈಗಿನಿಂದ ಪ್ರತಿ ಮೋಟಾರುವಾದಿಯಿಂದ ಒಮ್ಮೆ ಮಾತ್ರ ತೆಗೆದುಕೊಳ್ಳಲಾಗುತ್ತದೆ ಎಂದು ಖಚಿತಪಡಿಸಿಕೊಳ್ಳಲು ಸೂಚನೆಗಳನ್ನು ನೀಡಲಾಗಿದೆ. ಟ್ರಾಫಿಕ್ ಪೋಲೀಸರು ನಗರದ ಎಲ್ಲಾ ಪೊಲೀಸ್ ಠಾಣೆ ಮಿತಿಗಳಲ್ಲಿ ತಪಾಸಣೆ ಮಾರ್ಗಗಳನ್ನು ಬದಲಿಸುತ್ತಿದ್ದಾರೆ. ಎಂದು ಹೇಳಲಾಗಿದೆ.

ದಯವಿಟ್ಟು ಕುಡಿದು ವಾಹನ ಚಾಲನೆ ಮಾಡಬೇಡಿ

ಇಡೀ ಜಗತ್ತಿನಲ್ಲಿ ನಡೆಯುವ ಹೆಚ್ಚಿನ ವಾಹನ ಅಪಘಾತಗಳ ಹಿಂದಿರುವ ಪ್ರಮುಖ ಶಕ್ತಿ ಆಲ್ಕೋಹಾಲ್. ನಿಶೆಯಲ್ಲಿ ವಾಹನ ಚಲಾಯಿಸಿ ಸಾವಿರಾರು ಜನರು ರಸ್ತೆಯಲ್ಲಿ ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ.

ಕುಡಿದಿದ್ದರೆ ಖಂಡಿತವಾಗಿಯೂ ಸ್ಟಿಯರಿಂಗ್ ಮುಟ್ಟಬೇಡಿ. ಬಾರ್ ಅಥವಾ ಪಬ್ ಗೆ ಹೋಗಿದ್ದರೆ ಕುಡಿಯದ ವ್ಯಕ್ತಿಯೊಬ್ಬ ನಿಮ್ಮ ಜೊತೆಗಿರಲಿ. ಆತ ನಿಮ್ಮನ್ನು ಮನೆಯವರೆಗೆ ಸುರಕ್ಷಿತವಾಗಿ ತಲುಪಿಸಬಲ್ಲ. ಅದು ಸಾಧ್ಯವಾಗದಿದ್ದರೆ ಕಾರನ್ನು ಅಲ್ಲೇ ಬಿಟ್ಟು ಟ್ಯಾಕ್ಸಿ ಹತ್ತಿ.