ಬರಲಿರುವ ಹ್ಯುಂಡೈ ಸ್ಯಾಂಟ್ರೊ ವಿನೂತನ ಕಾರಿನ ವಿಶೇಷತೆ ಏನು?

ಮಾರುತಿ ಸುಜುಕಿ ನಂತರ ಕಾರು ಉತ್ಪಾದನೆ ಮತ್ತು ಮಾರಾಟದಲ್ಲಿ ಯಶಸ್ಸು ಸಾಧಿಸಿರುವ ಹ್ಯುಂಡೈ ಮುಂಬರುವ ದಿನಗಳಲ್ಲಿ ಹೊಸ ನಮೂನೆಯ ಕಾರು ಮಾದರಿಗಳನ್ನು ಪರಿಚಯಿಸುವ ಇರಾದೆಯಲ್ಲಿದ್ದು, ಇದೇ ತಿಂಗಳು 7ರಿಂದ ನಡೆಯಲಿರುವ 2018ರ ಆಟೋ ಎಕ್ಸ್ ಪೋದಲ್ಲಿ ತನ್ನ ಭವಿಷ್ಯ ವಾಹನಗಳ ಮಹತ್ವದ ಮಾಹಿತಿಯನ್ನು ಹಂಚಿಕೊಳ್ಳಲಿದೆ.

ಹೀಗಾಗಿ ಹ್ಯುಂಡೈ ಬಿಡುಗಡೆ ಮಾಡಲಿರುವ ಐ20 ಫೇಸ್‌ಲಿಫ್ಟ್, ಕ್ರೇಟಾ ಫೇಸ್‌ಲಿಫ್ಟ್ ಹಾಗೂ ನ್ಯೂ ಜನರೇಷನ್ ವೈಶಿಷ್ಟ್ಯತೆಗಳನ್ನು ಹೊತ್ತು ಬರಲಿರುವ ಸ್ಯಾಂಟ್ರೊ ಫೇಸ್‌ಲಿಫ್ಟ್ ಕಾರುಗಳು ಚರ್ಚೆಗೆ ಕಾರಣವಾಗಿದ್ದು, ಸಣ್ಣ ಕಾರು ಮಾದರಿಗಳಲ್ಲಿ ಸ್ಯಾಂಟ್ರೊ ಫೇಸ್‌ಲಿಫ್ಟ್ ಗಮನಸೆಳೆಯಲಿದೆ.

ಎಂಜಿನ್ ಸಾಮರ್ಥ್ಯ

ಸಿಎನ್‌ಜಿ ಎಂಜಿನ್ ಆಯ್ಕೆಯೊಂದಿಗೆ ಮಾರುಕಟ್ಟೆಗೆ ಲಗ್ಗೆಯಿಡಲಿರುವ ಸ್ಯಾಂಟ್ರೊ ಫೇಸ್‌ಲಿಫ್ಟ್ ಕಾರುಗಳು ಮ್ಯಾನುವಲ್ ಇಲ್ಲವೇ ಆಟೋ ಮ್ಯಾಟಿಕ್ ಗೇರ್ ಬಾಕ್ಸ್ ವ್ಯವಸ್ಥೆಯನ್ನು ಹೊಂದಿರಲಿವೆ.

ಕಾರಿನ ವಿನ್ಯಾಸದಲ್ಲಿ ಐ10 ಮಾದರಿಯನ್ನೇ ಹೊಲಲಿರುವ ಸ್ಯಾಂಟ್ರೊ ಫೇಸ್‌ಲಿಫ್ಟ್ ಕಾರುಗಳು ಭಾರತೀಯ ಗ್ರಾಹಕರ ಆದ್ಯತೆಗಳಿಗೆ ತಕ್ಕಂತೆ ಒಳವಿನ್ಯಾಸಗಳು ಮತ್ತು ಸೌಲಭ್ಯಗಳನ್ನು ಹೊಂದಲಿದ್ದು, ಟಾಟಾ ನ್ಯಾನೋ ಗಿಂತಲೂ ಉತ್ತಮ ಎಂಜಿನ್ ಕಾರ್ಯಕ್ಷಮತೆ ಹೊಂದಲಿವೆ.

ಬೆಲೆ ಮತ್ತು ಬಿಡುಗಡೆ

ಇದೇ ವರ್ಷ ದೀಪಾವಳಿ ಮುಂಚಿತ ಭಾರತದಲ್ಲಿ ಬಿಡುಗಡೆಯಾಗಲಿರುವ ಸ್ಯಾಂಟ್ರೊ ಫೇಸ್‌ಲಿಫ್ಟ್ ಕಾರುಗಳು 4 ಲಕ್ಷದಿಂದ 5 ಲಕ್ಷ ಬೆಲೆ ಹೊಂದಿರಬಹುದೆಂದು ಅಂದಾಜಿಸಲಾಗಿದೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಭಾರತದಲ್ಲಿ ಸ್ಯಾಂಟ್ರೊ ಫೇಸ್‌ಲಿಫ್ಟ್ ಜನಪ್ರಿಯಗೊಳಿಸಲು ಉದ್ದೇಶದಿಂದ ಹೊಸ ಕಾರುಗಳ ಉತ್ಪಾದನೆಗಾಗಿ ಬರೋಬ್ಬರಿ 6,500 ಕೋಟಿ ಬಂಡವಾಳ ಹೂಡಿಕೆ ಮಾಡುತ್ತಿರುವ ಹ್ಯುಂಡೈ ಸಂಸ್ಥೆಯು ಮುಂಬರುವ ದಿನಗಳಲ್ಲಿ ಹೊಸ ಹೊಸ ಕಾರುಗಳನ್ನು ಪರಿಚಯಿಸುತ್ತಿದ್ದು, ಫೆ.7ರಿಂದ ನಡೆಯಲಿರುವ ಆಟೋ ಎಕ್ಸ್ ಪೋ ಹೊಸ ಕಾರುಗಳ ಬಗೆಗೆ ಮತ್ತಷ್ಟು ಮಾಹಿತಿ ದೊರೆಯಲಿದೆ.

Trending DriveSpark YouTube Videos

Subscribe To DriveSpark Kannada YouTube Channel - Click Here