7 ಸೀಟರ್‌ ಸೌಲಭ್ಯದೊಂದಿಗೆ ಬರಲಿದೆಯೆಂತೆ ಹ್ಯುಂಡೈ ಕ್ರೇಟಾ ಎಸ್‌ಯುವಿ..!

ಹ್ಯುಂಡೈ ಹೊಸ ಎಸ್‌ಯುವಿ ಕಾರುಗಳ ಬಿಡುಗಡೆ ಕುರಿತಂತೆ ಎಕಾನಮಿಕ್ ಟೈಮ್ಸ್ ಆಟೋ ಸುದ್ದಿಸಂಸ್ಥೆಯು ವರದಿ ಮಾಡಿದ್ದು, 2019ರ ಮೇ ಅವಧಿಯಲ್ಲಿ ವೆನ್ಯೂ ಮತ್ತು ಅಗಸ್ಟ್ ಹೊತ್ತಿಗೆ ಕೊನಾ ಬಿಡುಗಡೆಯಾಗಲಿವೆಯೆಂತೆ. ಹಾಗೆಯೇ 2020ರ ಅವಧಿಯಲ್ಲಿ ನೆಕ್ಸ್ ಜನರೇಷನ್ ಕ್ರೆಟಾ, ಐ20 ಕ್ರಾಸ್ ಹ್ಯಾಚ್‌ಬ್ಯಾಕ್ ಬಿಡುಗಡೆಯಾಗಿದ್ದಲ್ಲಿ 2021ರ ಆರಂಭದಲ್ಲಿ ನೆಕ್ಸ್ ಜನರೇಷನ್ ಸಾಂತಾ ಫೆ, 7 ಸೀಟರ್ ಕ್ರೆಟಾ ಎಸ್‌ಯುವಿ ಕಾರುಗಳ ಸಹ ಭಾರತದಲ್ಲಿ ಹೊಸ ಸಂಚಲನಕ್ಕೆ ಕಾರಣವಾಗಿವೆ ಎಂದಿದೆ.

ಹ್ಯುಂಡೈ ಹೊಸ ಎಸ್‌ಯುವಿ ಕಾರುಗಳ ಬಿಡುಗಡೆ ಕುರಿತಂತೆ ಎಕಾನಮಿಕ್ ಟೈಮ್ಸ್ ಆಟೋ ಸುದ್ದಿಸಂಸ್ಥೆಯು ವರದಿ ಮಾಡಿದ್ದು, 2019ರ ಮೇ ಅವಧಿಯಲ್ಲಿ ವೆನ್ಯೂ ಮತ್ತು ಅಗಸ್ಟ್ ಹೊತ್ತಿಗೆ ಕೊನಾ ಬಿಡುಗಡೆಯಾಗಲಿವೆಯೆಂತೆ.

ಹಾಗೆಯೇ 2020ರ ಅವಧಿಯಲ್ಲಿ ನೆಕ್ಸ್ ಜನರೇಷನ್ ಕ್ರೆಟಾ, ಐ20 ಕ್ರಾಸ್ ಹ್ಯಾಚ್‌ಬ್ಯಾಕ್ ಬಿಡುಗಡೆಯಾಗಿದ್ದಲ್ಲಿ 2021ರ ಆರಂಭದಲ್ಲಿ ನೆಕ್ಸ್ ಜನರೇಷನ್ ಸಾಂತಾ ಫೆ, 7 ಸೀಟರ್ ಕ್ರೆಟಾ ಎಸ್‌ಯುವಿ ಕಾರುಗಳ ಸಹ ಭಾರತದಲ್ಲಿ ಹೊಸ ಸಂಚಲನಕ್ಕೆ ಕಾರಣವಾಗಿವೆ ಎಂದಿದೆ.

ಇದರಲ್ಲಿ ಸದ್ಯ ಬಿಡುಗಡೆಯಾಗಲಿರುವ ವೆನ್ಯೂ ಕಾರು ಸಾಕಷ್ಟು ಕುತೂಹಲ ಹುಟ್ಟುಹಾಕಿದ್ದು, ಹಲವು ವಿಶೇಷತೆಗಳಿಗಳಿಗೆ ಕಾರಣವಾಗಿರುವ ಹೊಸ ಕಾರು ಮಾರುಕಟ್ಟೆಗೆ ಲಗ್ಗೆಯಿಡುತ್ತಿರುವುದು ಮಧ್ಯಮ ವರ್ಗದ ಕಾರು ಪ್ರಿಯರ ಆಕರ್ಷಣೆಗೆ ಕಾರಣವಾಗಿದೆ. ವೆನ್ಯೂ ಕಾರು ಡ್ಯುಯಲ್ ಟೋನ್ ಬಣ್ಣ ಮತ್ತು ಸನ್‍ರೂಫ್ ಪಡೆದುಕೊಳ್ಳುವ ಮೂಲಕ ಗ್ರಾಹಕರಲ್ಲಿ ಮತ್ತಷ್ಟು ಕುತೂಹಲ ಹುಟ್ಟುಹಾಕಿದ್ದು, ಮಹೀಂದ್ರಾ ಎಕ್ಸ್‌ಯುವಿ300 ಮತ್ತು ಮಾರುತಿ ಸುಜುಕಿ ಬ್ರೆಝಾ ಕಾರುಗಳಿಗೆ ಪ್ರಬಲ ಪೈಪೋಟಿ ನೀಡುವ ನಿರೀಕ್ಷೆಯಲ್ಲಿದೆ.

ಹಾಗೆಯೇ ಕ್ರೆಟಾ 7 ಸೀಟರ್ ಕೂಡಾ ಭಾರತೀಯ ಗ್ರಾಹಕರ ಬೇಡಿಕೆಯೆಂತೆ ಹಲವು ಹೊಸ ವೈಶಿಷ್ಟ್ಯತೆಗಳನ್ನು ಹೊತ್ತು ಬರಲಿದ್ದು, ಸದ್ಯ ಮಾರುಕಟ್ಟೆಯಲ್ಲಿರುವ 5-ಸೀಟರ್ ಕ್ರೆಟಾ ಮಾದರಿಗಿಂತಲೂ ದೊಡ್ಡದಾಗಿರುವುದಲ್ಲದೇ ಎಂಜಿನ್ ಸಾಮರ್ಥ್ಯದಲ್ಲೂ ಭಾರೀ ಬದಲಾವಣೆ ಪಡೆದುಕೊಳ್ಳಲಿದೆ.

ಕ್ರೆಟಾ 7 ಸೀಟರ್ ನಿರ್ಮಾಣ ಕುರಿತಂತೆ ಸದ್ಯ ಮಾರುಕಟ್ಟೆ ಅಧ್ಯಯನ ನಡೆಸಿರುವ ಹ್ಯುಂಡೈ ಸಂಸ್ಥೆಯು ಸಾಂತಾ ಫೆ ಕಾರಿನಿಂದ ಕೆಲವು ವಿನ್ಯಾಸಗಳನ್ನು ಹೊಸ ಕಾರು ನಿರ್ಮಾಣಕ್ಕಾಗಿ ಎರವಲು ಪಡೆದುಕೊಳ್ಳಲಿದ್ದು, 2020ರ ಹೊತ್ತಿಗೆ ಹೊಸ ಕಾರು ಬಿಡುಗಡೆಯಾಗುವ ಸಾಧ್ಯತೆಗಳಿವೆ ಎನ್ನಲಾಗಿದೆ.

ಸದ್ಯ ಮಾರುಕಟ್ಟೆಯಲ್ಲಿರುವ ಕ್ರೆಟಾ ಕಾರುಗಳು 1.6-ಲೀಟರ್ ಪೆಟ್ರೋಲ್ ಎಂಜಿನ್ ಮತ್ತು ಡೀಸೆಲ್ ಮಾದರಿಯಲ್ಲಿ 1.4-ಲೀಟರ್, 1.6-ಲೀಟರ್ ಎಂಜಿನ್ ಆಯ್ಕೆಗಳನ್ನು ಹೊಂದಿದ್ದು, ಆರಂಭಿಕವಾಗಿ ಎಕ್ಸ್‌ಶೋರೂಂ ಪ್ರಕಾರ ರೂ. 9.60 ಲಕ್ಷದಿಂದ ರೂ.15.64 ಲಕ್ಷ ಬೆಲೆ ಪಡೆದುಕೊಂಡಿದೆ.

MOST READ: 6 ಕೋಟಿ ರೂಪಾಯಿ ಕಾರನ್ನು ಮಾಡಿಫೈ ಮಾಡಲು 10 ಕೋಟಿ ಖರ್ಚು

ಹೀಗಾಗಿ ಮುಂಬರುವ ದಿನಗಳಲ್ಲಿ ಬಿಡುಗಡೆಯಾಗಲಿರುವ 7 ಸೀಟರ್ ಮಾದರಿಯು ಎಕ್ಸ್‌ಶೋರೂಂ ಪ್ರಕಾರ ಆರಂಭಿಕವಾಗಿ ರೂ. 18 ಲಕ್ಷದಿಂದ ರೂ.22 ಲಕ್ಷ ಇರಬಹುದೆಂದು ಅಂದಾಜಿಸಲಾಗಿದ್ದು, ಮುಂದಿನ ಕೆಲವೇ ದಿನಗಳಲ್ಲಿ ಹೊಸ ಕಾರಿನ ತಾಂತ್ರಿಕ ಅಂಶಗಳ ಕುರಿತಂತೆ ಮತ್ತಷ್ಟು ಮಾಹಿತಿ ಲಭ್ಯವಾಗಲಿದೆ.