Just In
- 32 min ago ಫೋಕ್ಸ್ವ್ಯಾಗನ್ ವರ್ಟಸ್ ಕಾರಿಗೆ ಮನಸೋತ ಗ್ರಾಹಕರು: ಭಾರೀ ಬೇಡಿಕೆ
- 1 hr ago ಸಾಮಾನ್ಯರಂತೆ ಹಳ್ಳಿಯಲ್ಲಿರುವ ದೇಶದ 55ನೇ ಶ್ರೀಮಂತ ಶ್ರೀಧರ್ ವೆಂಬು: ಕಚೇರಿಗೆ ಹೋಗಲು ಎಲೆಕ್ಟ್ರಿಕ್ ಆಟೋ ಖರೀದಿ!
- 4 hrs ago ಹ್ಯುಂಡೈ ವೆರ್ನಾ ಕಾರಿಗೆ ಭಾರೀ ಡಿಸ್ಕೌಂಟ್: ರಾಶಿ ಫೀಚರ್ನ ಕಾರಿಗೆ ಇಷ್ಟು ಆಫರ್ ಯಾಕೆಂದ ನೆಟ್ಟಿಗರು!
- 17 hrs ago ಮಾರುಕಟ್ಟೆಯಲ್ಲಿ ಸುನಾಮಿ ಎಬ್ಬಿಸಲು ಹೊಸ ಟೊಯೊಟಾ ಫಾರ್ಚುನರ್ ಲೀಡರ್ ಎಡಿಷನ್ ಅನಾವರಣ
Don't Miss!
- Lifestyle ಪ್ರತಿ ಲೀ ಕತ್ತೆ ಹಾಲಿಗೆ ₹5,000..! 20 ಕತ್ತೆಗಳ ಮೂಲಕ ₹2.5 ಕೋಟಿ ವ್ಯವಹಾರ..!
- News Snake Video: ವಿಮಾನದಲ್ಲಿ ಹಾವು ಬಿಟ್ಟ ವ್ಯಕ್ತಿ: ಬೆಂಗಳೂರಿನಲ್ಲಿ ಬಂಧನ- ಶಿವಪುರಿಯಲ್ಲಿ ಅಪರೂಪದ ಹಾವು ಪತ್ತೆ!
- Sports T20 World Cup 2024: ಟಿ20 ವಿಶ್ವಕಪ್ನಲ್ಲಿ ಟೀಮ್ ಇಂಡಿಯಾ ಆರಂಭಿಕರನ್ನು ಸೂಚಿಸಿದ ಸೌರವ್ ಗಂಗೂಲಿ
- Technology Airtel: ಏರ್ಟೆಲ್ನಿಂದ ಹೊಸ ಅಂತಾರಾಷ್ಟ್ರೀಯ ರೋಮಿಂಗ್ ಪ್ಲ್ಯಾನ್ಗಳು! ಇವು ಹೇಗೆಲ್ಲಾ ಅನುಕೂಲ?
- Finance Bengaluru Karaga: ಇಂದು ಈ ರಸ್ತೆಗಳಲ್ಲಿ ಸಂಚಾರ ಬಂದ್, ಬದಲಿ ಮಾರ್ಗ ವಿವರ
- Movies "ರಾಘವೇಂದ್ರ ಸ್ವಾಮಿಗಳು ನನ್ನ ತಾತ"; ರಾಯರ ನೆನೆದು ಭಾವುಕರಾಗಿದ್ದೇಕೆ ಬೇಬಿ ಇಂದಿರಾ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಾರುತಿ ಡಿಜೈರ್ ಜನಪ್ರಿಯತೆಗೆ ಕಾರಣಗಳಿವು
ಮಾರುತಿ ಡಿಜೈರ್ ಕಾರ್ ಅನ್ನು ಮೊದಲ ಬಾರಿಗೆ 2008ರಲ್ಲಿ ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಾಯಿತು. ಈ ಕಾರ್ ಅನ್ನು ಆಗ ಹೆಚ್ಚು ಜನಪ್ರಿಯವಾಗಿದ್ದ ಎಸ್ಟೀಮ್ ಕಾರಿನ ಬದಲಿಗೆ ಬಿಡುಗಡೆಗೊಳಿಸಲಾಗಿತ್ತು. ಈ ಕಾರು ಸಿ 1 ಸೆಗ್ಮೆಂಟ್ನಲ್ಲಿ ಹ್ಯುಂಡೈ ಅಸೆಂಟ್, ಫೋರ್ಡ್ ಇಕಾನ್, ಒಪೆಲ್ ಕೊರ್ಸಾ ಹಾಗೂ ಟಾಟಾ ಇಂಡಿಗೋ ಕಾರುಗಳಿಗೆ ಪೈಪೋಟಿ ನೀಡುತ್ತಿತ್ತು.
ಬಿಡುಗಡೆಯ ನಂತರ ಎಲ್ಲಾ ನಿರೀಕ್ಷೆಗಳನ್ನು ಮೀರಿ, ಎಸ್ಟೀಮ್ ಕಾರಿಗಿಂತ ಹೆಚ್ಚಿನ ಜನಪ್ರಿಯತೆಯನ್ನು ಪಡೆಯಿತು. ಈಗ ಮೂರನೇ ತಲೆಮಾರಿನ ಕಾರ್ ಅನ್ನು ಹೊಂದಿರುವ ಸ್ವಿಫ್ಟ್ ಕಾರಿನ ಮೇಲೆ ಆಧಾರಿತವಾಗಿರುವ ಈ ಸೆಡಾನ್ ಕಾರು, ಆಲ್ಟೊ ಕಾರ್ ಅನ್ನು ಹಿಂದಿಕ್ಕಿ ದೇಶಿಯ ಮಾರುಕಟ್ಟೆಯಲ್ಲಿ ಹೆಚ್ಚು ಮಾರಾಟವಾಗುವ ಕಾರು ಎಂಬ ಹೆಗ್ಗಳಿಕೆಯನ್ನು ಹೊಂದಿದೆ. ಈ ಕಾರು ಇಷ್ಟು ಜನಪ್ರಿಯವಾಗಲು ಕಾರಣವಾದ 9 ಅಂಶಗಳನ್ನು ನೋಡೋಣ.
1. ವಿಶ್ವಾಸಾರ್ಹ ಎಂಜಿನ್
ಪೆಟ್ರೋಲ್ ಹಾಗೂ ಡೀಸೆಲ್ ಎಂಜಿನ್ ಆಯ್ಕೆಗಳೊಂದಿಗೆ ಮಾರುತಿ ಡಿಜೈರ್ ಕಾರನ್ನು ಮಾರಾಟ ಮಾಡಲಾಗುತ್ತಿದ್ದು, ಉತ್ತಮ ಪರ್ಫಾಮೆನ್ಸ್ ಹಾಗೂ ಫ್ಯೂಯಲ್ ಎಫಿಶಿಯನ್ಸಿ ನೀಡುತ್ತದೆ. ಈ ಎಂಜಿನ್ಗಳು ಹೆಚ್ಚು ವಿಶ್ವಾಸಾರ್ಹವಾಗಿದ್ದು, ರಿ-ವರ್ಕ್ ಅಗತ್ಯವಿಲ್ಲದೇ ಲಕ್ಷಾಂತರ ಕಿಲೋಮೀಟರ್ಗಳಷ್ಟು ದೂರ ಚಲಿಸುತ್ತವೆ. ಇದರ ಜೊತೆಗೆ ಈ ಎಂಜಿನ್ಗಳು ವಿಶ್ವಾಸಾರ್ಹತೆಗೆ ಹೆಸರುವಾಸಿಯಾಗಿದ್ದು ಡಿಜೈರ್ ಅನ್ನು ಉದ್ಯಮದ ಅತ್ಯಂತ ವಿಶ್ವಾಸಾರ್ಹ ಕಾರು ಬ್ರಾಂಡ್ಗಳಲ್ಲಿ ಒಂದನ್ನಾಗಿ ಮಾಡಿವೆ.
ಮಾರುತಿ ಡಿಜೈರ್ನ ಪೆಟ್ರೋಲ್ ಎಂಜಿನ್ ಗರಿಷ್ಠ 81.80 ಬಿಹೆಚ್ಪಿ ಪವರ್ ಹಾಗೂ 113 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಡೀಸೆಲ್ ಎಂಜಿನ್ 73.75 ಬಿಹೆಚ್ಪಿ ಪವರ್ ಹಾಗೂ 190 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎರಡೂ ಎಂಜಿನ್ಗಳು 5 ಸ್ಪೀಡ್ ಮ್ಯಾನುವಲ್ ಹಾಗೂ ಎಎಂಟಿ ಗೇರ್ ಬಾಕ್ಸ್ ಗಳನ್ನು ಹೊಂದಿವೆ.
2. ಕೈಗೆಟುಕುವ ಬೆಲೆ
ಡಿಜೈರ್ ಕಾರು ರೂ.5.83-9.58 ಲಕ್ಷ ಬೆಲೆಯಲ್ಲಿ ಮಾರಾಟವಾದರೆ, ಹೋಂಡಾ ಅಮೇಜ್ ರೂ.5.93-9.79 ಬೆಲೆಯನ್ನು ಹೊಂದಿದೆ. ಈ ಸೆಗ್ಮೆಂಟಿನಲ್ಲಿ ಮಾರಾಟವಾಗುವ ಏಕೈಕ ಫೋಕ್ಸ್ ವ್ಯಾಗನ್ ಕಾರ್ ಆದ ಆಮಿಯೊ ರೂ.10 ಲಕ್ಷ ಬೆಲೆಯನ್ನು ಹೊಂದಿದೆ.
ಡಿಜೈರ್ ಜನಪ್ರಿಯವಾಗಲು ಕಾರಣವಾದ ಮತ್ತೊಂದು ಅಂಶವೆಂದರೆ, ಈ ಕಾರು ಬಹುತೇಕ ಮಾರುತಿ ಬಲೆನೊ ಕಾರಿನ ಬೆಲೆಯನ್ನೇ ಹೊಂದಿದೆ. ಬಲೆನೊ ಕಾರಿನ ಬೆಲೆ ರೂ.5.68 - 9 ಲಕ್ಷಗಳಾಗಿದೆ. ಆದ ಕಾರಣ, ಅನೇಕ ಬಿ 2 ಹ್ಯಾಚ್ಬ್ಯಾಕ್ ಖರೀದಿದಾರರು ಬಲೆನೊ ಬದಲಿಗೆ ಡಿಜೈರ್ ಕಾರನ್ನು ಖರೀದಿಸುತ್ತಾರೆ. ಹ್ಯಾಚ್ಬ್ಯಾಕ್ ಕಾರಿನ ಬೆಲೆಯಲ್ಲಿ ಸೆಡಾನ್ ಕಾರು ಖರೀದಿಸಬಹುದು.
3. ಹೆಚ್ಚಿನ ಸ್ಥಳ
ಬೇರೆ ಸೆಡಾನ್ ಕಾರುಗಳಿಗೆ ಹೋಲಿಸಿದರೆ, ಡಿಜೈರ್ ಕಾರು ದೊಡ್ಡ ಗಾತ್ರವನ್ನು ಹೊಂದಿದೆ. ಡಿಜೈರ್ 1,735 ಎಂಎಂ ಅಗಲವನ್ನು ಹೊಂದಿದ್ದರೆ, ಸಿಯಾಜ್ 1,730 ಎಂಎಂ ಅಗಲವನ್ನು ಹೊಂದಿದೆ. ಸಬ್ 4ಮೀಟರ್ ಆಗಿದ್ದರೂ, ಈ ಕಾಂಪ್ಯಾಕ್ಟ್ ಸೆಡಾನ್ ಕಾರಿನಲ್ಲಿ ಮೂರು ಮಂದಿ ಹಿಂದಿನ ಸೀಟಿನಲ್ಲಿ ಸುಲಭವಾಗಿ ಕುಳಿತು ಕೊಳ್ಳಬಹುದು. ಇದರ ಜೊತೆಗೆ ಎರಡೂ ಸಾಲುಗಳ ಪ್ರಯಾಣಿಕರಿಗೆ ಸಾಕಷ್ಟು ಲೆಗ್ ರೂಂ ಇದೆ. ಸಬ್ 4ಮೀಟರ್ ಮಾದರಿಯ ಕಾರುಗಳಲ್ಲಿ ಸಾಕಷ್ಟು ದೊಡ್ಡದಾದ 378 ಲೀಟರ್ ಬೂಟ್ ಸ್ಪೇಸ್ ಹೊಂದಿದೆ.
4. ಸುಲಭ ನಿರ್ವಹಣೆ
ಹೆಚ್ಚಿನ ಮಾರುತಿ ಸುಜುಕಿ ಕಾರುಗಳ ದೊಡ್ಡ ಅನುಕೂಲವೆಂದರೆ ಅವುಗಳನ್ನು ಸುಲಭವಾಗಿ ನಿರ್ವಹಿಸಬಹುದು. ಡಿಜೈರ್ ಸಹ ಈ ಅಂಶದಿಂದ ಹೊರತಾಗಿಲ್ಲ. ಸ್ವಿಫ್ಟ್ ಕಾರಿನ ಮೇಲೆ ಮಾಡುವ ಖರ್ಚಿನಲ್ಲಿ ಈ ಕಾಂಪ್ಯಾಕ್ಟ್ ಸೆಡಾನ್ ಅನ್ನು ನಿರ್ವಹಿಸಬಹುದು. ಸ್ವಿಫ್ಟ್ ಹ್ಯಾಚ್ಬ್ಯಾಕ್ ಕಾರಿನಲ್ಲಿರುವ ಹೆಚ್ಚಿನ ಬಿಡಿಭಾಗಗಳು, ಡಿಜೈರ್ ಬಿಡಿಭಾಗಗಳು ಬಹುತೇಕ ಒಂದೇ ಆಗಿವೆ.
5. ಮೈಲೇಜ್
ಡೀಸೆಲ್ ಚಾಲಿತ ಮಾರುತಿ ಡಿಜೈರ್ ಕಾರು, ಎಆರ್ಎಐ ಪರೀಕ್ಷೆಯ ಪ್ರಕಾರ ಪ್ರತಿ ಲೀಟರಿಗೆ 28.4 ಕಿ.ಮೀ ಮೈಲೇಜ್ ನೀಡುತ್ತದೆ. ಇದು ದೇಶದಲ್ಲಿ ಮಾರಾಟವಾಗುವ ಯಾವುದೇ ಐಸಿಇ ಚಾಲಿತ ಕಾರುಗಳಿಗಿಂತ ಹೆಚ್ಚಾಗಿದೆ. ಪೆಟ್ರೋಲ್ ಮಾದರಿಯ ಕಾರು ಪ್ರತಿ ಲೀಟರಿಗೆ 22 ಕಿ.ಮೀ ಮೈಲೇಜ್ ನೀಡುತ್ತದೆ. ನಗರದ ಟ್ರಾಫಿಕ್ಗಳಲ್ಲಿಯೂ ಸಹ, ನೀವು ಡೀಸೆಲ್ ಮಾದರಿಯಿಂದ 24 ಕಿ.ಮೀ ಹಾಗೂ ಪೆಟ್ರೋಲ್ ಮಾದರಿಯಿಂದ 21 ಕಿ.ಮೀ ಮೈಲೇಜ್ ಪಡೆಯಬಹುದು. ಈ ರೀತಿಯ ಮೈಲೇಜ್ನಿಂದಾಗಿ ಭಾರತದ ಕಾರು ಪ್ರಿಯರ ಮನ ಗೆದ್ದಿದೆ.
6. ರಿ-ಸೇಲ್ ವ್ಯಾಲ್ಯೂ
ಮಾರುತಿ ಡಿಜೈರ್ ಹೊಸ ಹಾಗೂ ಬಳಸಿದ ಕಾರು ಮಾರುಕಟ್ಟೆಯಲ್ಲಿ ಉತ್ತಮ ಜನಪ್ರಿಯತೆಯನ್ನು ಹೊಂದಿದೆ. ಇದರ ಅರ್ಥವೇನೆಂದರೆ, ಡಿಜೈರ್ ಕಾರಿನ ಮಾಲೀಕರು ಬಳಸಿದ ಕಾರಿನ ಮೇಲೆ ಹೆಚ್ಚಿನ ಪ್ರಮಾಣದ ಹಣವನ್ನು ಮರಳಿ ಪಡೆಯಬಹುದು.
7. ವೈಡೆಸ್ಟ್ ಸರ್ವಿಸ್ ನೆಟ್ವರ್ಕ್
ಮಾರುತಿ ಡಿಜೈರ್ಗೆ ಹೆಚ್ಚಿನ ಬೇಡಿಕೆಯಿರುವ ಮತ್ತೊಂದು ಕಾರಣವೆಂದರೆ, ಮಾರುತಿ ಕಂಪನಿಯು ಉದ್ಯಮದಲ್ಲಿ ಹೊಂದಿರುವ ಅತ್ಯುತ್ತಮ ಸೇವಾ ಜಾಲ. ಮಾರುತಿ ಸುಜುಕಿ ಇಂಡಿಯಾ ಲಿಮಿಟೆಡ್ ಸಾವಿರಾರು ಟಚ್ ಪಾಯಿಂಟ್ಗಳೊಂದಿಗೆ ವಿಶಾಲ ಸೇವಾ ಜಾಲವನ್ನು ಹೊಂದಿದೆ. ನಾವು ಎಲ್ಲಿಗೇ ಹೋದರೂ ಮಾರುತಿ ಸುಜುಕಿಯ ಅಧಿಕೃತ ಸೇವಾ ಕೇಂದ್ರವನ್ನು ಕಾಣಬಹುದು. ಈ ಕೇಂದ್ರಗಳು ತುರ್ತು ಸಮಸ್ಯೆ ಎದುರಾದಲ್ಲಿ ಸಹಾಯಕ್ಕೆ ಬರುತ್ತವೆ.
8. ವಿನ್ಯಾಸ
ಹಿಂದಿನ ಎರಡು ತಲೆಮಾರುಗಳಲ್ಲಿ ಇದ್ದ ವಿನ್ಯಾಸವೇ ಬೇರೆ, ಈಗಿನ ತಲೆಮಾರಿನ ವಿನ್ಯಾಸವೇ ಬೇರೆ ಎಂದು ಹೇಳಬಹುದು. ಹಿಂದಿನ ಎರಡು ತಲೆಮಾರಿನ ಕಾರುಗಳ ವಿನ್ಯಾಸದಂತೆಯೇ ಮೂರನೇ ತಲೆಮಾರಿನ ವಿನ್ಯಾಸವನ್ನು ಸಹ ಸ್ವಿಫ್ಟ್ ಕಾರಿನಿಂದ ಪಡೆಯಲಾಗಿದೆ.
ಸ್ವಿಫ್ಟ್ನೊಂದಿಗೆ ಸಾಕಷ್ಟು ಸಾಮ್ಯತೆಯನ್ನು ಹೊಂದಿದ್ದರೂ ತನ್ನದೇ ಆದ ವಿಶಿಷ್ಟ ಗುರುತನ್ನು ಹೊಂದಿದೆ. ವಿಶಾಲವಾದ ಟ್ರ್ಯಾಕ್, ಕ್ರೋಮ್ ಇನ್ಫ್ಯೂಸ್ಡ್ ಗ್ರಿಲ್ ಹಾಗೂ ಕಿಜಾಶಿ ತರಹದ ಹಿಂಭಾಗವು ಡಿಜೈರ್ ಅನ್ನು ಅತ್ಯಂತ ಆಕರ್ಷಕವಾದ ಸಬ್4 ಮೀಟರ್ ಕಾಂಪ್ಯಾಕ್ಟ್ ಸೆಡಾನ್ಗಳಲ್ಲಿ ಒಂದನ್ನಾಗಿ ಮಾಡುತ್ತದೆ.
9. ಟೂರ್ ಆವೃತ್ತಿ
ಟ್ಯಾಕ್ಸಿ ಟೂರ್ ಮಾದರಿಯನ್ನು ಹೊಂದಿರುವುದು ಸಹ ಡಿಜೈರ್ ಕಾರಿನ ಜನಪ್ರಿಯತೆಗೆ ಕಾರಣವಾಗಿದೆ. ಡಿಜೈರ್ ಟೂರ್ ಎನ್ನುವುದು ಸಾಮಾನ್ಯ ವಾಹನಗಳಿಂದ ಹೊರತೆಗೆಯಲಾದ ಆವೃತ್ತಿಯಾಗಿದ್ದು ಅದು ವಾಣಿಜ್ಯ ವಾಹನಗಳನ್ನು ಪೂರೈಸುತ್ತದೆ.
ವಿಶಾಲವಾದ ಕ್ಯಾಬಿನ್ ಹಾಗೂ ಕಡಿಮೆ ಎನ್ವಿಹೆಚ್ ಲೆವೆಲ್ ಸಹ ಡಿಜೈರ್ನ ಜನಪ್ರಿಯತೆಗೆ ಕಾರಣವಾಗಿದೆ. ಕಮರ್ಷಿಯಲ್ ಸೆಗ್ಮೆಂಟಿನಲ್ಲಿ ಜನಪ್ರಿಯತೆಯು ಮೈಲೇಜ್ ಹಾಗೂ ವಿಶ್ವಾಸಾರ್ಹ ಎಂಜಿನ್ನ ಕಾರಣಗಳಿಂದ ಬರುತ್ತದೆ.