Just In
- 6 hrs ago ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- 7 hrs ago ಟೊಯೊಟಾದ ಫಾರ್ಚ್ಯೂನರ್ನಲ್ಲೂ ಸಿಗಲಿದೆ ಹೈಬ್ರಿಡ್: ಇದರ ಮೈಲೇಜ್ ಕೇಳಿ ಸುಸ್ತಾದ ಗ್ರಾಹಕರು!
- 7 hrs ago ನಿಜವಾದ ಮಾನವತಾವಾದಿ: ನಟ ರಾಘವ ಲಾರೆನ್ಸ್ರಿಂದ ವಿಶೇಷ ಚೇತನ ಸಾಧಕರಿಗೆ 13 ಟಿವಿಎಸ್ ಸ್ಕೂಟರ್ ಗಿಫ್ಟ್
- 9 hrs ago ಜನ ಕ್ಯೂ ನಿಂತು ಖರೀದಿಸುತ್ತಿದ್ದ ಮಾರುತಿ ಸ್ವಿಫ್ಟ್ ಕಾರು ಮಾರಾಟದಲ್ಲಿ ಕುಸಿತ: ಕಾರಣವೇನು?
Don't Miss!
- Movies 'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ
- News 11 ಕೋಟಿ ಮಹಿಳೆಯರಿಗೆ ಅಡುಗೆ ಅನಿಲ: ಡಾ. ಕೆ. ಸುಧಾಕರ್
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Lifestyle ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶ್ರಮ ಕಡಿಮೆಗೊಳಿಸಲಿದೆ ಈ ಸೋಲಾರ್ ರಿಕ್ಷಾ
ಸುರೇಶ್ ಕುಮಾರ್ರವರು 2002ರಿಂದ ಐಐಟಿ ದೆಹಲಿಯಲ್ಲಿ ಜನರನ್ನು ಸಾಗಿಸಲು ಪೆಡಲ್ ರಿಕ್ಷಾ ತುಳಿಯುತ್ತಿದ್ದಾರೆ. ಆದರೆ ಈಗ ಸೋಲಾರ್ ಹೈಬ್ರಿಡ್ ರಿಕ್ಷಾ ಬಿಡುಗಡೆಗೊಳಿಸಲಾಗಿದ್ದು, ಇನ್ನೂ ಮುಂದೆ ದೆಹಲಿಯ ಐಐಟಿ ಕ್ಯಾಂಪನ್ನಲ್ಲಿ ಸುರೇಶ್ ಕುಮಾರ್ರವರ ರೀತಿಯಲ್ಲಿ ರಿಕ್ಷಾ ಎಳೆಯುವವರ ಕೆಲಸದ ಹೊರೆ ಕಡಿಮೆಯಾಗಲಿದೆ.
ಕಾರ್ಪೊರೇಟ್ ಸಾಮಾಜಿಕ ಜವಾಬ್ದಾರಿಯ ಯೋಜನೆಯಡಿಯಲ್ಲಿ ದೆಹಲಿಯ ಐಐಟಿ ಕ್ಯಾಂಪಸ್ನಲ್ಲಿ ರಿಕ್ಷಾಎಳೆಯುವವರಿಗೆ ಈ ವಾಹನಗಳನ್ನು ನೀಡಲು ನಿರ್ಧರಿಸಿದ ಕೇಂದ್ರ ಸರ್ಕಾರಿ ಉದ್ಯಮವಾದ ಸೆಂಟ್ರಲ್ ಎಲೆಕ್ಟ್ರಾನಿಕ್ಸ್ ಲಿಮಿಟೆಡ್ (ಸಿಇಎಲ್) 10 ರಿಕ್ಷಾಗಳನ್ನು ಹಸ್ತಾಂತರಿಸಿದೆ. ಈ ರಿಕ್ಷಾಗಳು ಐಐಟಿ ಕ್ಯಾಂಪಸ್ನಲ್ಲಿ ಚಲಿಸಲಿವೆ. ಸಿಇಎಲ್, ರಿಕ್ಷಾಗಳ ಮೇಲೆ ರೂಫ್ ಆಗಿ ಬಳಸಲು ವಿಶೇಷ 300 ವ್ಯಾಟ್ನ ಸೌರ ಫಲಕಗಳನ್ನು ವಿನ್ಯಾಸಗೊಳಿಸಿ, ಅಭಿವೃದ್ಧಿಪಡಿಸಿದೆ.
ಈ ಪ್ಯಾನೆಲ್ಗಳು, ದಿನವಿಡೀ ಚಾರ್ಜ್ ಆಗುವುದರಿಂದ, ರಿಕ್ಷಾಗಳು ಒಂದು ದಿನದಲ್ಲಿ ಚಲಿಸಬಹುದಾದ ದೂರವನ್ನು ಪರಿಣಾಮಕಾರಿಯಾಗಿ ದ್ವಿಗುಣಗೊಳಿಸಲಿವೆ. ಸೋಲಾರ್ ರಿಕ್ಷಾಗಳು, ರಿಕ್ಷಾ ಎಳೆಯುವವರ ದೈಹಿಕ ಶ್ರಮವನ್ನು ಕಡಿಮೆಗೊಳಿಸುವುದರ ಜೊತೆಗೆ ಹೆಚ್ಚು ಆದಾಯ ಗಳಿಸಲು ಸಹಾಯ ಮಾಡುತ್ತವೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಐಐಟಿ ನಿರ್ದೇಶಕ ರಾಮ್ ಗೋಪಾಲ್ ರಾವ್ ಇದನ್ನು ತಂತ್ರಜ್ಞಾನ, ಸಂಪ್ರದಾಯ ಹಾಗೂ ಅನುಭೂತಿ ಸಾಮಾಜಿಕ ಉದ್ದೇಶಕ್ಕಾಗಿ ಒಟ್ಟಿಗೆ ಸೇರುವ ಉದಾಹರಣೆ ಎಂದು ಕರೆದಿದ್ದಾರೆ.
ಈ ಆವಿಷ್ಕಾರವು ಸಾಂಪ್ರದಾಯಿಕ ಜ್ಞಾನ ಹಾಗೂ ಆಧುನಿಕ ತಂತ್ರಜ್ಞಾನವನ್ನು ಸಂಯೋಜಿಸಿ ಪರಿಸರ, ಉದ್ಯೋಗದ ಅಗತ್ಯ ಹಾಗೂ ಅನುಕೂಲತೆಯ ನಡುವೆ ಸಾಮರಸ್ಯವನ್ನು ಸೃಷ್ಟಿಸಲಿವೆ ಎಂದು ಹೇಳಿದರು. ರಿಕ್ಷಾ ಎಳೆಯುವವರ ಶ್ರಮದ ಬಗ್ಗೆ ಜನರು ಕೆಟ್ಟ ಅಭಿಪ್ರಾಯ ಹೊಂದಿದ್ದಾರೆ. ಈ ಕೆಲಸವನ್ನು ನಿಲ್ಲಿಸುವಂತೆ ರಿಕ್ಷಾ ಎಳೆಯುವವರನ್ನು ಕೇಳಿದರೆ ಅವರು ಜೀವನವನ್ನು ಹೇಗೆ ನಡೆಸುತ್ತಾರೆ ಎಂಬುದು ನಮ್ಮ ಯೋಚನೆಯಾಗಿತ್ತು ಎಂದು ಅವರು ಹೇಳಿದರು.
ಸೋಲಾರ್ ರಿಕ್ಷಾ ಯೋಜನೆಯನ್ನು ಉತ್ತಮವಾದ ಯೋಜನೆ ಎಂದು ಕರೆದ ಅವರು, ರಿಕ್ಷಾ ಎಳೆಯುವವರು 2002-03ರಿಂದ ಐಐಟಿ ಕ್ಯಾಂಪಸನಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ. ನಾವು ಈಗಾಗಲೇ 2 ಮೆಗಾವ್ಯಾಟ್ ವಿದ್ಯುತ್ ಉತ್ಪಾದಿಸುವುದರಿಂದ, ರೂಫ್ಟಾಪ್ ಸೋಲಾರ್ ಬಳಸುತ್ತಿದ್ದೇವೆ ಎಂದು ತಿಳಿಸಿದರು. ಸೋಲಾರ್ ಹೈಬ್ರಿಡ್ ವ್ಯವಸ್ಥೆಯಿಂದಾಗಿ ಅಕ್ಸೆಲರೇಷನ್ಗೆ ಅನುಕೂಲವಾಗಿ, ಕಠಿಣ ಸವಾರಿಗಳ ಸಮಯದಲ್ಲಿ ರಿಕ್ಷಾವನ್ನು ಯಾವುದೇ ಶ್ರಮವಿಲ್ಲದೇ ಎಳೆಯುತ್ತದೆ ಎಂದು ಸೋಲಾರ್ ರಿಕ್ಷಾಗಳನ್ನು ತಯಾರಿಸುತ್ತಿರುವ ಸುಕೂನ್ ಸೊಲ್ಯೂಷನ್ಸ್ನ ಡಾ.ಅಮೋದ್ ಕುಮಾರ್ ಹೇಳಿದರು.
ಈ ಮಾತನ್ನು ಒಪ್ಪುವ ರಿಕ್ಷಾ ಎಳೆಯುವ ಉತ್ತರ ಪ್ರದೇಶ ಮೂಲದ 45 ವರ್ಷ ವಯಸ್ಸಿನ ಕಮಲೇಶ್ ಕುಮಾರ್ ಈ ಸೋಲಾರ್ ರಿಕ್ಷಾಗಳಿಂದ ಸಹಾಯವಾಗಲಿದ್ದು, ದೈಹಿಕ ಶ್ರಮವು ಕಡಿಮೆಯಾಗಲಿದೆ ಎಂದು ಕಿರುನಗೆ ಬೀರುತ್ತಾನೆ. ಗಂಟೆಗೆ 10 ರಿಂದ 15 ಕಿ.ಮೀ ವೇಗದಲ್ಲಿ ಸಾಗುವ ಚೀನಾದಿಂದ ಆಮದು ಮಾಡಿಕೊಳ್ಳಲಾಗಿರುವ ಮೋಟರ್ಗಳು, ಈ ರಿಕ್ಷಾವನ್ನು 25 ಕಿ.ಮೀ ವೇಗದವರೆಗೆ ಚಲಿಸುವಂತೆ ಮಾಡಲಿವೆ ಎಂದು ಈ ರಿಕ್ಷಾಗಳನ್ನು ತಯಾರಿಸಿರುವವರು ಹೇಳಿದ್ದಾರೆ.
ಈ ಸೋಲಾರ್ ರಿಕ್ಷಾದ ಬೆಲೆ ಸುಮಾರು ರೂ.1.25 ಲಕ್ಷಗಳಾಗಿದೆ. ಹೈಬ್ರಿಡ್ ರಿಕ್ಷಾದ ಬೆಲೆ ರೂ.68,000ಗಳಾಗಿದೆ. ಆದರೆ, ಈ ವಾಹನಗಳನ್ನು ದೆಹಲಿಯ ಐಐಟಿ ಕ್ಯಾಂಪಸ್ನ ಒಳಗೆ ಮಾತ್ರ ಚಲಾಯಿಸಬೇಕು. ಈ ಸೋಲಾರ್ ರಿಕ್ಷಾಗಳನ್ನು ಮೋಟಾರು ವಾಹನಗಳ ಕಾಯ್ದೆಯಡಿ ನೋಂದಾಯಿಸಲು ಸಾಧ್ಯವಿಲ್ಲ.
ಈ ಮೊದಲು ನಾವು ಗಾಜಿಯಾಬಾದ್ನಲ್ಲಿರುವ ಸಾಹಿಬಾಬಾದ್ನಲ್ಲಿ 150 ರಿಕ್ಷಾಗಳನ್ನು ಓಡಿಸಲು ಪ್ರಯತ್ನ ಪಟ್ಟಿದ್ದೇವು. ಆದರೆ ಪೊಲೀಸರು ದಂಡ ವಿಧಿಸಿದ್ದರು. ಇನ್ನು ಮುಂದೆ ನಿಯಮಗಳಲ್ಲಿ ಬದಲಾವಣೆಗಳಾಗ ಬಹುದೆಂದು ನಾವು ಭಾವಿಸುತ್ತೇವೆ ಎಂದು ಡಾ.ಅಮೋದ್ ಕುಮಾರ್ ಹೇಳಿದರು.