ಮೊಟ್ಟ ಮೊದಲ ಎಲೆಕ್ಟ್ರಿಕ್ ಮಿನಿ ಬಸ್ ಬಿಡುಗಡೆಗೊಳಿಸಿದ ಹ್ಯುಂಡೈ

ಹ್ಯುಂಡೈ ಕಂಟ್ರಿ ಎಲೆಕ್ಟ್ರಿಕ್ ಬಸ್ 15ರಿಂದ 33 ಸೀಟುಗಳನ್ನು ಹೊಂದಿದೆ. ಈ ಮಿನಿ ಬಸ್ 7,710 ಎಂಎಂ ಉದ್ದವನ್ನು ಹೊಂದಿದೆ. ಈ ಮಿನಿ ಎಲೆಕ್ಟ್ರಿಕ್ ಬಸ್ಸಿನಲ್ಲಿ 128 ಕಿ.ವ್ಯಾನಲಿಥಿಯಂ ಐಯಾನ್ ಬ್ಯಾಟರಿಯನ್ನು ಅಳವಡಿಸಲಾಗಿದೆ. ಈ ಬ್ಯಾಟರಿಯು ಈ ಮಿನಿ ಎಲೆಕ್ಟ್ರಿಕ್ ಬಸ್ಸಿಗೆ ಪವರ್ ನೀಡುತ್ತದೆ.

ಈ ಬ್ಯಾಟರಿಯನ್ನು ಪೂರ್ತಿಯಾಗಿ ಚಾರ್ಜ್ ಮಾಡಿದರೆ ಕಂಟ್ರಿ ಎಲೆಕ್ಟ್ರಿಕ್ ಮಿನಿ ಬಸ್ 250 ಕಿ.ಮೀಗಳವರೆಗೆ ಚಲಿಸುತ್ತದೆ ಎಂದು ಕಂಪನಿ ಹೇಳಿದೆ. ಈ ಬ್ಯಾಟರಿಯನ್ನು ಸ್ಟ್ಯಾಂಡರ್ಡ್ ಕಾಂಬೊ 1 ಡಿಸಿ ಸಿಸ್ಟಂನಿಂದ ಕೇವಲ 72 ನಿಮಿಷಗಳಲ್ಲಿ ಪೂರ್ತಿಯಾಗಿ ಚಾರ್ಜ್ ಮಾಡಬಹುದು.

MOSTREAD: ನಟ ವಿಕ್ರಮ್‌ಗಾಗಿ ತಯಾರಾಯ್ತು ವಿಶೇಷ ಕಾರವ್ಯಾನ್

ಹ್ಯುಂಡೈ ಕಂಟ್ರಿ ಎಲೆಕ್ಟ್ರಿಕ್ ಬಸ್ಸಿನಲ್ಲಿರುವ ಬ್ಯಾಟರಿಯನ್ನು ಮನೆಗಳ ಔಟ್ ಲೆಟ್ ಗಳಲ್ಲಿರುವ 220-ವೋಲ್ಟ್ ನಿಂದಲೂ ಚಾರ್ಜ್ ಮಾಡಬಹುದು. ಆದರೆ ಈ ರೀತಿಯಾಗಿ ಚಾರ್ಜ್ ಮಾಡಲುಸುಮಾರು 17 ಗಂಟೆ ಬೇಕಾಗುತ್ತದೆ. ಹ್ಯುಂಡೈ ಈ ಬಸ್ಸಿನ ಜೊತೆಗೆ 220 ವೋಲ್ಟ್ ನ ಹೋಮ್ ಚಾರ್ಜರ್ ಅನ್ನು ಪರ್ಯಾಯವಾಗಿ ನೀಡುತ್ತದೆ.

ಹ್ಯುಂಡೈ ಕಂಪನಿಯು ಸದ್ಯಕ್ಕೆ ಈ ಬಸ್ ಅನ್ನು ದಕ್ಷಿಣ ಕೊರಿಯಾ ಮಾರುಕಟ್ಟೆಯಲ್ಲಿ ಮಾತ್ರ ಬಿಡುಗಡೆಗೊಳಿಸಿದೆ. ಹೊಸ ಎಲೆಕ್ಟ್ರಿಕ್ ಮಿನಿ ಬಸ್ ಡೀಸೆಲ್ ಬಸ್‌ಗಳಿಗಿಂತ 30%ನಷ್ಟು ಹೆಚ್ಚಿನ ವೇಗವನ್ನು ಹೊಂದಿದೆ ಎಂದು ಹ್ಯುಂಡೈ ಕಂಪನಿ ಹೇಳಿಕೊಂಡಿದೆ.

MOSTREAD: ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣದಲ್ಲಿ ಹೊಸ ದಾಖಲೆ ಬರೆದ ಕೇಂದ್ರ ಸರ್ಕಾರ

ಈ ಬಸ್ಸಿನಲ್ಲಿ ಎಸಿ, ಏರ್-ಓವರ್-ಹೈಡ್ರಾಲಿಕ್ಸ್ ಬ್ರೇಕ್ ಸಿಸ್ಟಂಗಳನ್ನು ಅಳವಡಿಸಲಾಗಿದೆ. ಹ್ಯುಂಡೈ ಕಂಪನಿಯು ಈ ಬಸ್ ಅನ್ನು ಅತ್ಯಾಧುನಿಕ ರೀತಿಯಲ್ಲಿ ನಿರ್ಮಿಸಿದೆ. ಇವುಗಳ ಜೊತೆಗೆ ಕಂಪನಿಯು ಈ ಬಸ್ಸಿನ ಡೋರ್ ಗಳ ಬಳಿ ಹಲವು ರೀತಿಯ ಸೆನ್ಸಾರ್ ಗಳನ್ನು ಅಳವಡಿಸಿದೆ.

ಪ್ರಯಾಣಿಕರು ಈ ಬಸ್‌ನಿಂದ ಇಳಿಯುವಾಗ ಅಥವಾ ಹತ್ತುವಾಗ, ಈ ಸೆನ್ಸಾರ್ ಗಳು ಡೋರ್ ಗಳನ್ನು ಮುಚ್ಚವುದಿಲ್ಲ. ಬದಲಿಗೆ ಪ್ರಯಾಣಿಕರು ಸುಲಭವಾಗಿ ಹತ್ತಲು ಹಾಗೂ ಇಳಿಯಲು ಅವಕಾಶ ನೀಡುತ್ತವೆ. ಒಂದು ವೇಳೆ ಪ್ರಯಾಣಿಕರು ಡೋರ್ ಗಳ ನಡುವೆ ಸಿಲುಕಿದರೆ, ಸೆನ್ಸಾರ್ ಗಳು ತಕ್ಷಣವೇ ಅಲಾರಂ ಮಾಡಿ ಡೋರ್ ಗಳನ್ನು ತೆರೆಯುತ್ತವೆ.