Click it and Unblock the Notifications
ಸ್ಪಾಟ್ ಟೆಸ್ಟ್ ನಲ್ಲಿ ಕಂಡುಬಂದ ಬಿಎಸ್ 6 ಎಂಜಿನ್ನ ಹ್ಯುಂಡೈ ಟಕ್ಸನ್
ಬಿಎಸ್ 6 ಎಂಜಿನ್ ಹೊಂದಿರುವ 2020ರ ಹೊಸ ಹ್ಯುಂಡೈ ಟಕ್ಸನ್ ಕಾರ್ ಅನ್ನು ಶೀಘ್ರದಲ್ಲಿಯೇ ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಾಗುವುದು. ಬಿಡುಗಡೆಗೂ ಮುನ್ನ ಭಾರತದಲ್ಲಿ ಈ ಕಾರ್ ಅನ್ನು ಸ್ಪಾಟ್ ಟೆಸ್ಟ್ ಮಾಡಲಾಗಿದೆ.
ಮೋಟಾರ್ಬೀಮ್ ಅಪ್ಲೋಡ್ ಮಾಡಿರುವ ಫೋಟೊಗಳಲ್ಲಿ ಮರೆಮಾಡಿ ಸ್ಪಾಟ್ ಟೆಸ್ಟ್ ಮಾಡುತ್ತಿರುವ ಹೊಸ ಟಕ್ಸನ್ ಕಾರ್ ಅನ್ನು ಕಾಣಬಹುದು. ಹ್ಯುಂಡೈ ಟಕ್ಸನ್ ಹಲವಾರು ವರ್ಷಗಳಿಂದ ದೇಶಿಯ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ. ಹ್ಯುಂಡೈ ಕಂಪನಿಯು ಕಳೆದ ವರ್ಷ ಈ ಕಾರ್ ಅನ್ನು ಫೇಸ್ಲಿಫ್ಟ್ ಮಾಡಿತ್ತು.
ಕೆಲವೇ ದಿನಗಳಲ್ಲಿ ಬಿಡುಗಡೆಯಾಗಲಿರುವ ಹ್ಯುಂಡೈ ಟಕ್ಸನ್ ಕಾರ್ ಅನ್ನು ಸ್ಪಾಟ್ ಟೆಸ್ಟ್ ಮಾಡುವಾಗ ಕ್ಯಾಮರಾದಲ್ಲಿ ಸೆರೆಹಿಡಿಯಲಾಗಿದೆ. ಈ ಸ್ಪೈ ಚಿತ್ರಗಳಲ್ಲಿ ಹೊಸ ಟಕ್ಸನ್ ಕಾರಿನಲ್ಲಿ ಎಲ್ಇಡಿ ಪ್ರೊಜೆಕ್ಟರ್ ಹೆಡ್ಲ್ಯಾಂಪ್, ಬಂಪರ್ನಲ್ಲಿರುವ ಡಿಆರ್ಎಲ್ ಹಾಗೂ ಫಾಗ್ಲೈಟ್ಗಳನ್ನು ಕಾಣಬಹುದು.
ಬಂಪರ್ ಬಗ್ಗೆ ಹೇಳುವುದಾದರೆ, ಈ ಎಸ್ಯುವಿಯ ಮುಂಭಾಗ ಹಾಗೂ ಹಿಂಭಾಗದಲ್ಲಿ ರಿ ಡಿಸೈನ್ ಮಾಡಲಾದ ಬಂಪರ್ಗಳಿರಲಿವೆ. ಇದರ ಜೊತೆಗೆ ಈ ಎಸ್ಯುವಿ ಹೊಸದಾದ ಹಾಗೂ ಅಗಲವಾದ ಗ್ರಿಲ್ ಹೊಂದಿರಲಿದೆ. ಈ ಗ್ರಿಲ್ ಈ ಎಸ್ಯುವಿಗೆ ಹೆಚ್ಚು ಬೋಲ್ಡ್ ನೆಸ್ ನೀಡುತ್ತದೆ.
ಹೊಸ ಟಕ್ಸನ್ ಎಸ್ಯುವಿಯ ಸೈಡ್ನಲ್ಲಿ ಹೆಚ್ಚಿನ ಬದಲಾವಣೆಗಳನ್ನು ಮಾಡಿಲ್ಲ. ಈ ಎಸ್ಯುವಿಯಲ್ಲಿ ಈಗ ಹೊಸ ಮಷಿನ್ ಕಟ್ ಮಲ್ಟಿ ಸ್ಪೋಕ್ ಅಲಾಯ್ ವ್ಹೀಲ್ಗಳಿರಲಿದ್ದು, ಎಸ್ಯುವಿಯನ್ನು ಮತ್ತಷ್ಟು ಆಕರ್ಷಕವಾಗಿಸುತ್ತವೆ.
ಈ ಎಸ್ಯುವಿಯಲ್ಲಿರುವ ಫ್ಯೂಯಲ್ ಫಿಲ್ಲರ್ ಕ್ಯಾಪ್ ಹಾಗೂ ಟೇಲ್ಗೇಟ್ಗಳಲ್ಲೂ ಸಹ ಡಿಸೈನ್ ಅನ್ನು ಅಪ್ಡೇಟ್ ಮಾಡಲಾಗಿದೆ. ಟೇಲ್ಲೈಟ್ ಮೊದಲಿಗಿಂತ ಸ್ಲೀಕ್ ಆಗಿದ್ದು, ಎಲ್ಇಡಿ ಯುನಿಟ್ ಅನ್ನು ಹೊಂದಿದೆ. ಈ ಎಸ್ಯುವಿಯ ಸುತ್ತಲಿರುವ ಕ್ರೋಮ್ ಈ ಕಾರಿಗೆ ಪ್ರೀಮಿಯಂ ಲುಕ್ ನೀಡುತ್ತದೆ.
ಹೊಸ ಟಕ್ಸನ್ ಎಸ್ಯುವಿಯ ಇಂಟಿರಿಯರ್ನಲ್ಲಿ ಬ್ಲೂ ಲಿಂಕ್ ಕನೆಕ್ಟಿವಿಟಿ, ಆಂಡ್ರಾಯಿಡ್ ಆಟೋ, ಆಪಲ್ ಕಾರ್ ಪ್ಲೇ ಹೊಂದಿರುವ ಟಚ್ಸ್ಕ್ರೀನ್ ಇನ್ಫೋಟೆನ್ಮೆಂಟ್ ಸಿಸ್ಟಂ, 3 ಡಿ ಮ್ಯಾಪ್ ಹೊಂದಿರುವ ನ್ಯಾವಿಗೇಶನ್ಗಳಿರಲಿವೆ.
ಕ್ಯಾಬಿನ್ ಎಸಿ ವೆಂಟ್ ಸುತ್ತಲೂ ಕಾಂಟ್ರಾಸ್ಟಿಂಗ್ ಎಲಿಮೆಂಟ್ ಹೊಂದಿರುವ ಡ್ಯುಯಲ್ ಟೋನ್ ಡ್ಯಾಶ್ಬೋರ್ಡ್ ಹೊಂದಿರಲಿದೆ. ಈ ಎಸ್ಯುವಿಯಲ್ಲಿ 360 ಡಿಗ್ರಿ ಕ್ಯಾಮರಾ ಹಾಗೂ ಅಡಾಪ್ಟಿವ್ ಕ್ರೂಸ್ ಕಂಟ್ರೋಲ್ಗಳನ್ನು ಅಳವಡಿಸಲಾಗಿದೆ.
ಮಾರುಕಟ್ಟೆಯಲ್ಲಿರುವ ಹ್ಯುಂಡೈ ಟಕ್ಸನ್ ಸಿಕೆಡಿಯಾಗಿದ್ದರೆ, ಹೊಸ ಟಕ್ಸನ್ ಕಾರ್ ಅನ್ನು ಭಾರತದಲ್ಲಿಯೇ ತಯಾರಿಸಲಾಗುವುದು. ಈ ಕಾರಣಕ್ಕೆ ಹೊಸ ಟಕ್ಸನ್ ಕಾರಿನ ಬೆಲೆಯು ಹಳೆಯ ಕಾರಿಗಿಂತ ಕಡಿಮೆಯಾಗಿರಲಿದೆ.
ಮೆಕಾನಿಕಲ್ ಅಂಶಗಳ ಬಗ್ಗೆ ಹೇಳುವುದಾದರೆ, ಟಕ್ಸನ್ ಕಾರಿನಲ್ಲಿ 2.0 ಲೀಟರಿನ ಪೆಟ್ರೋಲ್ ಹಾಗೂ ಡೀಸೆಲ್ ಬಿಎಸ್ 6 ಎಂಜಿನ್ಗಳಿರಲಿವೆ. ಪೆಟ್ರೋಲ್ ಎಂಜಿನ್ 154 ಬಿಹೆಚ್ಪಿ ಪವರ್ ಹಾಗೂ 192 ಎನ್ಎಂ ಟಾರ್ಕ್ ಉತ್ಪಾದಿಸಿದರೆ, ಡೀಸೆಲ್ ಎಂಜಿನ್ 185 ಬಿಹೆಚ್ಪಿ ಪವರ್ ಹಾಗೂ 400 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.
ಎರಡೂ ಎಂಜಿನ್ಗಳಲ್ಲೂ 6 ಸ್ಪೀಡಿನ ಮ್ಯಾನುವಲ್ ಹಾಗೂ ಆಟೋಮ್ಯಾಟಿಕ್ ಗೇರ್ಬಾಕ್ಸ್ ಅಳವಡಿಸಲಾಗುವುದು. ಡೀಸೆಲ್ ಎಂಜಿನ್ ಮಾತ್ರ ಆಲ್ ಡ್ರೈವ್ ಸಿಸ್ಟಂ ಹೊಂದಿರಲಿದೆ. ಬಿಎಸ್ 6 ಎಂಜಿನ್ನಲ್ಲಿ ಬಿಡುಗಡೆಯಾಗಲಿರುವ ಹೊಸ ಟಕ್ಸನ್ ಮೂಲ ಮಾದರಿಯ ಬೆಲೆಯು ರೂ.20 ಲಕ್ಷಗಳಾದರೆ, ಟಾಪ್ ಎಂಡ್ ಮಾದರಿಯ ಬೆಲೆ ರೂ.30 ಲಕ್ಷಗಳಾಗಲಿದೆ. ಇವು ಎಕ್ಸ್ ಶೋರೂಂ ದರಗಳಾಗಿವೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಅಪ್ಡೇಟ್ ಮಾಡಲಾದ ಡಿಸೈನ್ ಹಾಗೂ ಹಲವಾರು ಫೀಚರ್ಗಳನ್ನು ಹೊಂದಿರುವ ಹೊಸ ಟಕ್ಸನ್ ಕಾರು ಖಂಡಿತವಾಗಿಯೂ ಭಾರತದಲ್ಲಿ ಗ್ರಾಹಕರನ್ನು ಹೆಚ್ಚಿನ ಸಂಖ್ಯೆಯ ಗ್ರಾಹಕರನ್ನು ತನ್ನತ್ತ ಸೆಳೆಯಲಿದೆ. ಈ ಕಾರು ಬಿಡುಗಡೆಯಾದ ನಂತರ ಸ್ಕೋಡಾ ಕೊಡಿಯಾಕ್ ಹಾಗೂ ಫೋಕ್ಸ್ ವ್ಯಾಗನ್ ಟಿಗ್ವಾನ್ ಕಾರುಗಳಿಗೆ ಪೈಪೋಟಿ ನೀಡಲಿದೆ.
Continue with Google