ಗಣನೀಯವಾಗಿ ಕುಸಿದ ಮಹೀಂದ್ರಾ ಕಂಪನಿಯ ಕಾರು ಮಾರಾಟ

2019ರ ಜುಲೈ ತಿಂಗಳಿನಲ್ಲಿ ಮಹೀಂದ್ರಾ ಕಂಪನಿಯು 16,024 ವಾಹನಗಳನ್ನು ಮಾರಾಟ ಮಾಡಿತ್ತು. ಕಳೆದ ವರ್ಷದ ಜುಲೈ ತಿಂಗಳಿಗೆ ಹೋಲಿಸಿದರೆ ಈ ವರ್ಷದ ಜುಲೈ ತಿಂಗಳಿನಲ್ಲಿ ಕಂಪನಿಯ ಮಾರಾಟವು 32%ನಷ್ಟು ಕುಸಿದಿದೆ. ಮಹೀಂದ್ರಾ ಕಂಪನಿಯು ವಿಭಿನ್ನ ಬಗೆಯ ಕಾರುಗಳನ್ನು ಬಿಡುಗಡೆಗೊಳಿಸುತ್ತದೆಯಾದರೂ ಕಂಪನಿಯ ಬೊಲೆರೊ ಎಂಯುವಿ ಹೆಚ್ಚು ಜನಪ್ರಿಯತೆಯನ್ನು ಪಡೆದಿದೆ.

ಜುಲೈ 2020ರಲ್ಲಿ ಬೊಲೆರೊದ 4,360 ಯುನಿಟ್‌ಗಳು ಮಾರಾಟವಾಗಿವೆ. ಮಹೀಂದ್ರಾ ಕಂಪನಿಯ ದೇಶಿಯ ಮಾರುಕಟ್ಟೆಯಲ್ಲಿನ ಮಾರಾಟದಲ್ಲಿ ಬೊಲೆರೊ ಎಂಯುವಿಯು ಹೆಚ್ಚಿನ ಸಂಖೆಯಲ್ಲಿ ಮಾರಾಟವಾಗಿದೆ. ಆದರೂ ಸಹ 2019ರ ಜುಲೈ ತಿಂಗಳಿಗೆ ಹೋಲಿಸಿದರೆ ಬೊಲೆರೊ ಮಾರಾಟವು 2%ನಷ್ಟು ಕಡಿಮೆಯಾಗಿದೆ.

MOSTREAD: ಬೀದಿ ನಾಯಿಯೇ ಈ ಶೋರೂಂನ ರಿಸೆಪ್ಶನಿಸ್ಟ್

2019ರ ಜುಲೈ ತಿಂಗಳಿನಲ್ಲಿ ಬೊಲೆರೊದ 4,446 ಯುನಿಟ್‌ಗಳು ಮಾರಾಟವಾಗಿದ್ದವು. ಮಹೀಂದ್ರಾ ಸರಣಿಯಲ್ಲಿ ಅತಿ ಹೆಚ್ಚು ಮಾರಾಟವಾದ ಎರಡನೇ ಕಾರು ಸ್ಕಾರ್ಪಿಯೋ ಆಗಿದ್ದು, ಜುಲೈ ತಿಂಗಳಿನಲ್ಲಿ 3,135 ಯುನಿಟ್ ಗಳು ಮಾರಾಟವಾಗಿವೆ. 2019ರ ಜುಲೈ ತಿಂಗಳಿನಲ್ಲಿ 2,864 ಯುನಿಟ್ ಗಳು ಮಾರಾಟವಾಗಿದ್ದವು.

ಈ ವರ್ಷ ಸ್ಕಾರ್ಪಿಯೋ ಮಾರಾಟವು ಸುಮಾರು 9%ನಷ್ಟು ಹೆಚ್ಚಾಗಿದೆ. 2019ರ ಫೆಬ್ರವರಿಯಲ್ಲಿ ದೇಶೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಂಡ ಮಹೀಂದ್ರಾ ಎಕ್ಸ್‌ಯುವಿ 300 ಸಹ ಜನಪ್ರಿಯವಾಗಿದೆ.

MOST READ:ಒಂದು ಸಾವಿರ ರೂಪಾಯಿ ಪಾವತಿಸಿ ಈ ಸ್ಕೂಟರ್ ಬುಕ್ ಮಾಡಿ

2020ರ ಜುಲೈ ತಿಂಗಳಿನಲ್ಲಿ ಎಕ್ಸ್‌ಯುವಿ 300ನ 2,519 ಯುನಿಟ್‌ಗಳು ಮಾರಾಟವಾಗಿವೆ. 2019ರ ಜುಲೈ ತಿಂಗಳಿನಲ್ಲಿ 4,464 ಯುನಿಟ್‌ಗಳು ಮಾರಾಟವಾಗಿದ್ದವು. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷ ಎಕ್ಸ್‌ಯುವಿ 300ನ ಮಾರಾಟವು 44%ನಷ್ಟು ಕುಸಿದಿದೆ.

2020ರ ಜುಲೈ ತಿಂಗಳಿನಲ್ಲಿ ಮಹೀಂದ್ರಾ ಎಕ್ಸ್‌ಯುವಿ 500 ಕಾರಿನ ಒಟ್ಟು 813 ಯುನಿಟ್‌ಗಳು ಮಾರಾಟವಾಗಿವೆ. ಕಳೆದ ವರ್ಷದ ಜುಲೈ ತಿಂಗಳಿನಲ್ಲಿ ಈ ಕಾರಿನ 1,116 ಯುನಿಟ್‌ಗಳು ಮಾರಾಟವಾಗಿದ್ದವು. ಮಹೀಂದ್ರಾ ಎಕ್ಸ್‌ಯುವಿ 500 ಮಾರಾಟವು ಕಳೆದ ವರ್ಷದ ಜುಲೈ ತಿಂಗಳಿಗಿಂತ ಈ ವರ್ಷದ ಜುಲೈ ತಿಂಗಳಿನಲ್ಲಿ 27%ನಷ್ಟು ಕುಸಿದಿದೆ.