ಐಸಿಐಸಿಐ ಬ್ಯಾಂಕಿನೊಂದಿಗೆ ಕೈಜೋಡಿಸಿದ ಮಾರುತಿ ಸುಜುಕಿ ಕಂಪನಿ

ಇದರಿಂದಾಗಿ ಐಸಿಐಸಿಐ ಬ್ಯಾಂಕ್ ಪ್ರಸ್ತುತ ಆರ್ಥಿಕ ಸಂಕಷ್ಟದ ಸಮಯದಲ್ಲಿ ಮಾರುತಿ ಸುಜುಕಿಯ ಗ್ರಾಹಕರಿಗೆ ಅನುಕೂಲವಾಗುವಂತಹ ಹಣಕಾಸು ಯೋಜನೆಯನ್ನು ಒದಗಿಸಲಿದೆ. ಮೂಲಗಳ ಪ್ರಕಾರ, ಈ ಯೋಜನೆಗಳನ್ನು ಮೂರು ಭಾಗಗಳಾಗಿ ವಿಂಗಡಿಸಲಾಗಿದೆ.

1. ಫ್ಲೆಕ್ಸಿ ಇಎಂಐ ಯೋಜನೆ:

ಈ ಯೋಜನೆಯಡಿಯಲ್ಲಿ ಗ್ರಾಹಕರಿಗೆ ಕಡಿಮೆ ಇಎಂಐ ಪಾವತಿಸಲು ಅವಕಾಶ ನೀಡಲಾಗುತ್ತದೆ. ಇದರಿಂದಾಗಿ ಗ್ರಾಹಕರ ಮೇಲೆ ಹೆಚ್ಚಿನ ಹೊರೆ ಬೀರುವುದಿಲ್ಲ. ರೂ.1 ಲಕ್ಷ ಸಾಲಕ್ಕೆ ಮೊದಲ 3 ತಿಂಗಳವರೆಗೆ ರೂ.899 ಇಎಂಐ ಪಾವತಿಸಬೇಕಾಗುತ್ತದೆ. ಇದಾದ ನಂತರ ಇಎಂಐ ಹೆಚ್ಚಾಗಲಿದೆ.

MOSTREAD: ಕರೋನಾ ವೈರಸ್ ಎಫೆಕ್ಟ್: ಭಾರೀ ಪ್ರಮಾಣದಲ್ಲಿ ಕುಸಿದ ಇಂಧನ ಮಾರಾಟ

2. ಬಲೂನ್ ಇಎಂಐ ಯೋಜನೆ:

ಈ ಯೋಜನೆಯಡಿಯಲ್ಲಿ ಸಾಲದ ಅವಧಿ ಮುಗಿಯುವವರೆಗೆ ಗ್ರಾಹಕರು ಪ್ರತಿ ಲಕ್ಷಕ್ಕೆ ರೂ.1,797 ಇಎಂಐ ಪಾವತಿಸಬೇಕಾಗುತ್ತದೆ. ಕಡಿಮೆ ಇಎಂಐ ಪಾವತಿಸಲು ಬಯಸುವವರಿಗೆ ಈ ಯೋಜನೆಯಿಂದ ಉಪಯೋಗವಾಗಲಿದೆ.

3. ಸೆಟ್ ಅಪ್ ಇಎಂಐ ಯೋಜನೆ:

ಈ ಯೋಜನೆಯಲ್ಲಿ ಗ್ರಾಹಕನು ತನ್ನ ಆದಾಯ ಹೆಚ್ಚಿದಂತೆ ಪ್ರತಿ ವರ್ಷ ತನ್ನ ಇಎಂಐ ಪಾವತಿಯನ್ನು 10%ನಷ್ಟು ಹೆಚ್ಚಿಸಿಕೊಳ್ಳ ಬಹುದು. ಈ ಯೋಜನೆಯಲ್ಲಿ ಪ್ರತಿ ಲಕ್ಷಕ್ಕೆ ರೂ.1,752 ಇಎಂಐ ಪಾವತಿಸಬೇಕಾಗುತ್ತದೆ. ಮೊದಲ ವರ್ಷದ ನಂತರ ಪ್ರತಿ ವರ್ಷದ ಅವಧಿಯು 10%ನಷ್ಟು ಹೆಚ್ಚಾಗುತ್ತದೆ.

MOSTREAD: ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣದಲ್ಲಿ ಹೊಸ ದಾಖಲೆ ಬರೆದ ಕೇಂದ್ರ ಸರ್ಕಾರ

ಇದರ ಜೊತೆಗೆ ಐಸಿಐಸಿಐ ಬ್ಯಾಂಕ್ ಮಾರುತಿ ಸುಜುಕಿ ಕಾರುಗಳ ಮೇಲೆ 100%ನಷ್ಟು ಆನ್-ರೋಡ್ ಹಣವನ್ನು ಒದಗಿಸಲಿದೆ. ಪ್ರಗತಿ-ಅಂದಾಜು ಆದಾಯ ಯೋಜನೆಯಡಿಯಲ್ಲಿ ಮಾರುತಿ ಸುಜುಕಿ ಗ್ರಾಹಕರಿಗೆ ಹಣಕಾಸು ಸೌಲಭ್ಯಗಳನ್ನು ಸಹ ಐಸಿಐಸಿಐ ಬ್ಯಾಂಕ್ ನೀಡಲಿದೆ.

ಕರೋನಾ ವೈರಸ್‌ನಿಂದ ಉಂಟಾಗಿರುವ ಬಿಕ್ಕಟ್ಟಿನ ವಿರುದ್ಧ ಹೋರಾಡುವಾಗ ಗ್ರಾಹಕರಿಗೆ ಆಕರ್ಷಕ ಹಣಕಾಸು ಸೌಲಭ್ಯವನ್ನು ನೀಡಬೇಕಾಗಿದೆ. ಇದಕ್ಕಾಗಿ ನಾವು ಈ ಎಲ್ಲಾ ಯೋಜನೆಗಳನ್ನು ಪರಿಚಯಿಸುತ್ತಿದ್ದೇವೆ ಎಂದು ಮಾರುತಿ ಸುಜುಕಿ ಕಂಪನಿಯ ಎಕ್ಸಿಕ್ಯೂಟಿವ್ ಡೈರೆಕ್ಟರ್ ಶಾನ್ಶಿಕ್ ಶ್ರೀವಾಸ್ತವ ಹೇಳಿದರು.