Just In
- 10 hrs ago ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- 11 hrs ago ಟೊಯೊಟಾದ ಫಾರ್ಚ್ಯೂನರ್ನಲ್ಲೂ ಸಿಗಲಿದೆ ಹೈಬ್ರಿಡ್: ಇದರ ಮೈಲೇಜ್ ಕೇಳಿ ಸುಸ್ತಾದ ಗ್ರಾಹಕರು!
- 12 hrs ago ನಿಜವಾದ ಮಾನವತಾವಾದಿ: ನಟ ರಾಘವ ಲಾರೆನ್ಸ್ರಿಂದ ವಿಶೇಷ ಚೇತನ ಸಾಧಕರಿಗೆ 13 ಟಿವಿಎಸ್ ಸ್ಕೂಟರ್ ಗಿಫ್ಟ್
- 13 hrs ago ಜನ ಕ್ಯೂ ನಿಂತು ಖರೀದಿಸುತ್ತಿದ್ದ ಮಾರುತಿ ಸ್ವಿಫ್ಟ್ ಕಾರು ಮಾರಾಟದಲ್ಲಿ ಕುಸಿತ: ಕಾರಣವೇನು?
Don't Miss!
- News Lok Sabha Election 2024 Phase 1 Polling LIVE: ಲೋಕಸಭಾ ಚುನಾವಣೆ 2024ರ ಮೊದಲ ಹಂತದ ಮತದಾನ!
- Movies 'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Lifestyle ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆಟೋ ಎಕ್ಸ್ಪೋ 2020: ಪ್ರದರ್ಶನಕ್ಕೆ ಸಜ್ಜಾದ ಮಾರುತಿ ಸುಜುಕಿ ಫ್ಯೂಚರೊ ಕಾನ್ಸೆಪ್ಟ್
ಮಾರುತಿ ಸುಜುಕಿ ಕಂಪನಿಯು ಟೀಸರ್ವೊಂದನ್ನು ಬಿಡುಗಡೆಗೊಳಿಸಿದೆ. ಈ ಟೀಸರ್ನಲ್ಲಿ ಫ್ಯೂಚರೊ ಇ-ಕಾರಿನ ವಿನ್ಯಾಸವನ್ನು ತೋರಿಸಲಾಗಿದೆ. ಫ್ಯೂಚರೊ ಇ-ಕಾರು ಕಾಂಪ್ಯಾಕ್ಟ್ ಎಸ್ಯುವಿಯಾಗಿರಲಿದೆ. ಈ ಕಾರ್ ಅನ್ನು ಮಾರುತಿ ಸುಜುಕಿ ಕಂಪನಿಯ ಫ್ಯೂಚರ್ - ಎಸ್ ಕಾನ್ಸೆಪ್ಟ್ ಕಾರಿನ ಆಧಾರದ ಮೇಲೆ ತಯಾರಿಸಲಾಗುವುದು.
ಈ ಎಲೆಕ್ಟ್ರಿಕ್ ಕಾನ್ಸೆಪ್ಟ್ ಕಾರ್ ಅನ್ನು ಮುಂದಿನ ತಿಂಗಳು ದೆಹಲಿಯಲ್ಲಿ ನಡೆಯಲಿರುವ 2020ರ ಆಟೋ ಎಕ್ಸ್ಪೋದಲ್ಲಿ ಪ್ರದರ್ಶಿಸಲಾಗುವುದು. ಯುವಜನತೆಯನ್ನು ಗುರಿಯಾಗಿಸಿಕೊಂಡು ಈ ಕಾರ್ ಅನ್ನು ಅಭಿವೃದ್ಧಿಪಡಿಸುತ್ತಿರುವುದಾಗಿ ಮಾರುತಿ ಸುಜುಕಿ ಕಂಪನಿಯು ತಿಳಿಸಿದೆ.
ಈಗ ಬಿಡುಗಡೆಗೊಳಿಸಲಾಗಿರುವ ಟೀಸರ್ ಭವಿಷ್ಯದ ಕಾರು ಡಿಸೈನ್ ಬಗ್ಗೆ ಹೇಳುತ್ತದೆ. ಕಾನ್ಸೆಪ್ಟ್ ಫ್ಯೂಚರೋ- ಇ ಕಾರು ಮಾರುತಿ ಸುಜುಕಿ ಕಂಪನಿಯು ಭಾರತದ ಆಟೋಮೊಬೈಲ್ ಉದ್ಯಮದೆಡೆಗೆ ಹೊಂದಿರುವ ದೃಷ್ಟಿಕೋನವನ್ನು ತೋರಿಸುತ್ತದೆ.
ಈ ಕಾನ್ಸೆಪ್ಟ್ ಕಾರಿನ ಮೂಲಕ ಮಾರುತಿ ಸುಜುಕಿ ಕಂಪನಿಯು ಗ್ಲೋಬಲ್ ಡಿಸೈನ್ ಕಾನ್ಸೆಪ್ಟ್ ಕಾರುಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲು ಮುಂದಾಗಿದೆ. ಈ ಕಾರಿನಲ್ಲಿ ಬಳಸಲಾಗುವ ಕ್ರಾಂತಿಕಾರಿ ವಿನ್ಯಾಸವು ಕಾನ್ಸೆಪ್ಟ್ ಕಾರುಗಳ ಭವಿಷ್ಯವನ್ನು ಬದಲಿಸಲಿದೆ ಎಂದು ಕಂಪನಿಯು ಹೇಳಿದೆ.
ಈ ಕಾನ್ಸೆಪ್ಟ್ ಫ್ಯೂಚರ್ ಕಾರಿನಲ್ಲಿ ಎಸ್ಯುವಿ ಸೆಗ್ಮೆಂಟಿನಲ್ಲಿ ಜನಪ್ರಿಯವಾಗಿರುವ ಹೊಸ ಗ್ಲೋಬಲ್ ಡಿಸೈನ್ ಲ್ಯಾಂಗ್ವೇಜ್ ಅನ್ನು ಬಳಸಲಾಗುವುದೆಂದು ಮಾರುತಿ ಸುಜುಕಿ ಕಂಪನಿ ಹೇಳಿದೆ. ಮಾರುತಿ ಸುಜುಕಿ ಇಂಡಿಯಾ ಕಂಪನಿಯ ಎಂಜಿನಿಯರಿಂಗ್ ವಿಭಾಗದ ಹಿರಿಯ ಎಕ್ಸಿಕ್ಯೂಟಿವ್ ಡೈರೆಕ್ಟರ್ ಸಿವಿ ರಾಮನ್ರವರು ಈ ಬಗ್ಗೆ ಮಾತನಾಡಿದ್ದಾರೆ.
ಫ್ಯೂಚರೊ-ಇ ಕಾನ್ಸೆಪ್ಟ್ ಕಾರು ಮುಂದಿನ ಪೀಳಿಗೆಗೆ ಅತ್ಯಾಕರ್ಷಕ ವಿನ್ಯಾಸಗಳನ್ನು ರಚಿಸುವ ಮಾರುತಿ ಸುಜುಕಿಯ ಬದ್ಧತೆಯನ್ನು ತೋರಿಸುತ್ತದೆ. ಡಿಸೈನ್ನ ಭವಿಷ್ಯದ ಬಗ್ಗೆ ಒಂದು ಸೂಕ್ಷ್ಮ ನೋಟವನ್ನು ನೀಡುವ ಕಾನ್ಸೆಪ್ಟ್ ಫ್ಯೂಚುರೊ-ಇ ಭಾರತದ ಆಟೋಮೊಬೈಲ್ ಮಾರುಕಟ್ಟೆಯ ಮಾರುತಿ ಸುಜುಕಿಯ ದೃಷ್ಟಿಯನ್ನು ಪ್ರತಿನಿಧಿಸುತ್ತದೆ.
ಜಾಗತಿಕ ಸಂವೇದನೆಗಳನ್ನು ಹೊಂದಿರುವ ಭಾರತೀಯ ಕಾರಿನಂತೆ ಗುರುತಿಸಲ್ಪಟ್ಟ ಕಾನ್ಸೆಪ್ಟ್ ಫ್ಯೂಚುರೊ-ಇ ದೇಶದ ಮಹತ್ವಾಕಾಂಕ್ಷೆಯ ಯುವಕರ ಆಸೆಗಳನ್ನು ಗಣನೆಗೆ ತೆಗೆದುಕೊಳ್ಳುತ್ತದೆ. ಕಾನ್ಸೆಪ್ಟ್ ಫ್ಯೂಚರೊ-ಇ ಪ್ರಕೃತಿಯ ಜಿಯೊ - ಅರ್ಗ್ಯಾನಿಕ್ಗಳಿಂದ ಸ್ಫೂರ್ತಿ ಪಡೆಯುತ್ತದೆ ಎಂದು ಹೇಳಿದರು.
ಕಾನ್ಸೆಪ್ಟ್ ಫ್ಯೂಚರೊ - ಇ ಕಾರಿನ ವಿನ್ಯಾಸವನ್ನು ಕೂಪೆ ಹಾಗೂ ಎಸ್ಯುವಿಗಳ ಮಿಶ್ರಣದಿಂದ ತಯಾರಿಸಲಾಗಿದೆ. ಮಾರುತಿ ಸುಜುಕಿ ಕಂಪನಿಯು ಮೊದಲ ಬಾರಿಗೆ ಫ್ಯೂಚರ್ ಎಸ್ ಕಾನ್ಸೆಪ್ಟ್ ಕಾರ್ ಅನ್ನು 2018ರ ಆಟೋ ಎಕ್ಸ್ ಪೋದಲ್ಲಿ ಅನಾವರಣಗೊಳಿಸಿತ್ತು.
ಈ ಕಾನ್ಸೆಪ್ಟ್ ಕಾರಿನ ಆಧಾರದ ಮೇಲೆ ಕಳೆದ ವರ್ಷ ಬಿಡುಗಡೆಯಾದ ಮಿನಿ ಎಸ್ಯುವಿಯಾದ ಎಸ್ - ಪ್ರೆಸ್ಸೊವನ್ನು ತಯಾರಿಸಲಾಗಿದೆ. ಈ ಮಿನಿ ಎಸ್ಯುವಿ ವಿಟಾರ ಬ್ರಿಝಾದ ನಂತರ ಭಾರತದಲ್ಲಿ ತಯಾರಿಸಲಾದ ಮಾರುತಿ ಸುಜುಕಿ ಕಂಪನಿಯ ಎರಡನೇ ವಾಹನವಾಗಿದೆ. ಈ ಕಾರಿನಲ್ಲಿರುವ ಬಾಕ್ಸಿ ಲುಕ್ ಹಾಗೂ ಬಾನೆಟ್ ಇದನ್ನು ಮಿನಿ ಎಸ್ಯುವಿಯನ್ನಾಗಿಸುತ್ತವೆ.