ಅನಾವರಣಗೊಂಡ ಹೊಸ ಹವಾಲ್ ಎಸ್‌ಯುವಿಯ ರೇಖಾಚಿತ್ರ

ಈ ರೇಖಾ ಚಿತ್ರಗಳಲ್ಲಿ ಹೊಸ ಹವಾಲ್ ಕಾಂಪ್ಯಾಕ್ಟ್ ಎಸ್‌ಯುವಿಯನ್ನು ರೌಂಡ್ ಎಡ್ಜ್ ಇರುವ ಬಾಕ್ಸ್‌ಗಳ ರೂಪದಲ್ಲಿ ತೋರಿಸಲಾಗಿದೆ. ಮುಂಭಾಗವು ಮಧ್ಯದಲ್ಲಿ ನೇರವಾಗಿರುವ, ಬಾಗಿರುವ, ದೊಡ್ಡ ಗ್ರಿಲ್ ಸಿಸ್ಟಂ ಅನ್ನು ಹೊಂದಿದೆ. ರೌಂಡ್ ಶೇಪಿನ ಹೆಡ್‌ಲ್ಯಾಂಪ್ ಈ ಎಸ್‌ಯುವಿಗೆ ರೆಟ್ರೊ ಲುಕ್ ನೀಡುತ್ತದೆ.

ಕಾರಿನ ಬದಿಯಲ್ಲಿ ನೀಡಲಾಗಿರುವ ವಿಶಾಲವಾದ ಫೆಂಡರ್‌ಗಳು ಕಾರ್ ಅನ್ನು ಕ್ಲಾಸಿಯಾಗಿ ಕಾಣುವಂತೆ ಮಾಡುತ್ತವೆ. ಎಸ್‌ಯುವಿಯ ಹಿಂಭಾಗವನ್ನು ಮುಂಭಾಗದಂತೆಯೇ ವಿನ್ಯಾಸಗೊಳಿಸಲಾಗಿದೆ. ಹಿಂಭಾಗದಲ್ಲಿ ಎಲ್-ಶೇಪಿನ ಟೇಲ್ ಲೈಟ್‌ಗಳು ಹಾಗೂ ಟೇಲ್‌ಗೇಟ್‌ನಲ್ಲಿ ಶಾರ್ಪ್ ಕ್ರೀಸ್‌ಗಳಿವೆ.

MOSTREAD: ಕರೋನಾ ವೈರಸ್ ಎಫೆಕ್ಟ್: ಭಾರೀ ಪ್ರಮಾಣದಲ್ಲಿ ಕುಸಿದ ಇಂಧನ ಮಾರಾಟ

ಇದರ ಜೊತೆಗೆ ಕಾರಿನ ಸುತ್ತಲೂ ಬಾಡಿ ಕ್ಲಾಡಿಂಗ್ ನೀಡಲಾಗಿದೆ. ಈ ರೇಖಾ ಚಿತ್ರಗಳಲ್ಲಿ ಎಸ್‌ಯುವಿಯ ಇಂಟಿರಿಯರ್ ಕ್ಯಾಬಿನ್, ಎಂಜಿನ್ ಹಾಗೂ ಟ್ರಾನ್ಸ್‌ಮಿಷನ್ ಸಿಸ್ಟಂ ಬಗ್ಗೆ ಯಾವುದೇ ಮಾಹಿತಿ ನೀಡಿಲ್ಲ. ಚೀನಾದಲ್ಲಿ ಟೆಸ್ಟ್ ರನ್‌ಗಳಿಗಾಗಿ ಗುರುತಿಸಲಾಗಿದ್ದ ಈ ಎಸ್‌ಯುವಿಯ ಇಂಟಿರಿಯರ್ ಅನ್ನು ಬಿಡುಗಡೆಗೊಳಿಸಲಾಗಿದೆ.

ಇಂಟಿರಿಯರ್‌, ಡ್ಯಾಶ್‌ಬೋರ್ಡ್ ಹಾಗೂ ದೊಡ್ಡ ಗಾತ್ರದ ಇನ್ಫೋಟೇನ್‌ಮೆಂಟ್ ಸಿಸ್ಟಂಗಳನ್ನು ಹೊಂದಿದೆ. ಈ ಗಾತ್ರದ ಇನ್ಫೋಟೈನ್‌ಮೆಂಟ್ ಸಿಸ್ಟಂಗಳನ್ನು ಮಾರಾಟ ಮಾದರಿಯಲ್ಲಿ ನೀಡಲಾಗುತ್ತದೆಯೇ ಇಲ್ಲವೇ ಎಂಬುದು ದೃಢಪಟ್ಟಿಲ್ಲ. ಕಂಪನಿಯು ಈ ಎಸ್‌ಯುವಿಯಲ್ಲಿ ಪೆಟ್ರೋಲ್ ಎಂಜಿನ್‌ ಅನ್ನು ಅಳವಡಿಸುವ ನಿರೀಕ್ಷೆಗಳಿವೆ.

MOSTREAD: ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣದಲ್ಲಿ ಹೊಸ ದಾಖಲೆ ಬರೆದ ಕೇಂದ್ರ ಸರ್ಕಾರ

ಈ ಹೊಸ ಎಸ್‌ಯುವಿಯನ್ನು ಹವಾಲ್‌ನ ಎಫ್-ಸೀರೀಸ್‌‌ಗೆ ಬದಲು ಪ್ರತ್ಯೇಕವಾದ ಎಸ್‌ಯುವಿ ಮಾದರಿಯಾಗಿ ಬಿಡುಗಡೆಗೊಳಿಸಲಾಗುವುದು. ಬಾಕ್ಸ್ ಶೇಪ್ ಲುಕ್‌ನಿಂದಾಗಿ ಈ ಎಸ್‌ಯುವಿ ಮಾದರಿ ಹಾಗೂ ಉತ್ಪಾದನಾ ಹಂತದಲ್ಲಿರುವ ಇತರ ಹವಾಲ್ ಹೆಚ್ 5 ಮಾದರಿಗಳು ಹೆಚ್ಚು ಜನಪ್ರಿಯವಾಗಿಲ್ಲ.

ಹವಾಲ್‌ನ ಹೊಸ ಎಸ್‌ಯುವಿ ಮಾದರಿಯನ್ನು ಈ ವರ್ಷದ ಕೊನೆಗೆ ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಾಗುವುದು. ಚೀನಾದ ಪ್ರಮುಖ ಕಾರು ತಯಾರಕ ಕಂಪನಿಯಾದ ಗ್ರೇಟ್ ವಾಲ್ ಮೋಟಾರ್ಸ್, ಹವಾಲ್ ಬ್ರಾಂಡ್ ಮೂಲಕ ದೇಶಿಯ ಮಾರುಕಟ್ಟೆಯನ್ನು ಪ್ರವೇಶಿಸಲು ಮುಂದಾಗಿದೆ.