ಫಸ್ಟ್ ಲುಕ್ ರಿವ್ಯೂ: ಸ್ಪೆಷಲ್ ಎಡಿಷನ್‌ನಲ್ಲಿ ಮಿಂಚಿದ ಪೋರ್ಷೆ ಪನಾಮೆರಾ 4

ಪೋರ್ಷೆ ಇಂಡಿಯಾ ತನ್ನ ಐಷಾರಾಮಿ ಸ್ಪೋರ್ಟ್ಸ್ ಮಾದರಿಯಾದ 10 ಇಯರ್ ಎಡಿಶನ್ ಪನಾಮೆರಾ 4 ಅನ್ನು 2020ರ ಜೂನ್‌ ತಿಂಗಳಿನಲ್ಲಿ ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿತು. ಹೊಸ ಪೋರ್ಷೆ ಪನಾಮೆರಾ 4 10 ಇಯರ್ ಎಡಿಶನ್ ಬೆಲೆ ಭಾರತದ ಎಕ್ಸ್ ಶೋರೂಂ ದರದಂತೆ ರೂ.1.60 ಕೋಟಿಗಳಾಗಿದೆ. ಈ ಸ್ಪೋರ್ಟ್ಸ್ ಮಾದರಿಯಲ್ಲಿ ಹಲವಾರು ಕಾಸ್ಮೆಟಿಕ್ ಹಾಗೂ ಎಕ್ವಿಪ್ ಮೆಂಟ್ ಗಳನ್ನು ಅಪ್ ಡೇಟ್ ಮಾಡಲಾಗಿದೆ.

ಈ ಐಷಾರಾಮಿ ಸ್ಪೋರ್ಟ್ಸ್ ಮಾದರಿಯ 10ನೇ ವರ್ಷದ ಉತ್ಪಾದನೆಯನ್ನು ಆಚರಿಸಲು ಈ ವರ್ಷದ ಆರಂಭದಲ್ಲಿ ಪೋರ್ಷೆ ಪನಾಮೆರಾ 4 10 ಇಯರ್ ಎಡಿಶನ್ ಅನ್ನು ಬಿಡುಗಡೆಗೊಳಿಸಲಾಯಿತು.

2009ರಲ್ಲಿ ಮೊದಲ ಬಾರಿಗೆ ಜಾಗತಿಕ ಮಾರುಕಟ್ಟೆಯಲ್ಲಿ ಬಿಡುಗಡೆಯಾದ ಪನಾಮೆರಾ ಕಾರು ಇದುವರೆಗೂ 2.50 ಲಕ್ಷ ಯೂನಿಟ್‌ಗಳ ಮಾರಾಟವನ್ನು ಕಂಡಿದೆ.

ನಾಲ್ಕು ಡೋರುಗಳ, ನಾಲ್ಕು ಸೀಟುಗಳ ಈ ಐಷಾರಾಮಿ ಸ್ಪೋರ್ಟ್ಸ್ ಕಾರು ಎರಡು-ಡೋರುಗಳ ಸ್ಪೋರ್ಟ್ಸ್ ಕಾರಿನಂತೆಯೇ ಹೆಚ್ಚಿನ ಪರ್ಫಾಮೆನ್ಸ್ ನೀಡುತ್ತದೆ. ಈ ಕಾರಣಕ್ಕೆ ವಿಶ್ವಾದ್ಯಂತ ಜನಪ್ರಿಯವಾಗಿದೆ. ಈ 10 ಇಯರ್ ಎಡಿಶನ್ ಕಾರಿನಲ್ಲಿರುವ ವಿಶೇಷತೆಗಳನ್ನು ಈ ಲೇಖನದಲ್ಲಿ ನೋಡೋಣ.

ಡಿಸೈನ್ ಹಾಗೂ ಸ್ಟೈಲಿಂಗ್

ಪೋರ್ಷೆ ಪನಾಮೆರಾ 4 10 ಇಯರ್ ಎಡಿಶನ್ ಸ್ಟ್ಯಾಂಡರ್ಡ್ ಆವೃತ್ತಿಯಲ್ಲಿರುವಂತಹ ವಿನ್ಯಾಸ ಹಾಗೂ ಸಿಲೂಯೆಟ್ ಅನ್ನು ಹೊಂದಿದೆ. ಅದರ ಒಟ್ಟಾರೆ ಸ್ಟೈಲಿಂಗ್‌ನಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡಿಲ್ಲ. ಆದರೂ 10 ಇಯರ್ ಎಡಿಶನ್ ಕೆಲವು ವಿಶೇಷ ವಿನ್ಯಾಸ ಅಂಶಗಳನ್ನು ಹೊಂದಿದೆ.

ಈ ಕಾರಿನ ಮುಂಭಾಗದಲ್ಲಿ ಕಂಪನಿಯ ಮ್ಯಾಟ್ರಿಕ್ಸ್ ಎಲ್ಇಡಿ ಹೆಡ್‌ಲ್ಯಾಂಪ್‌ಗಳನ್ನು ಪಿಡಿಎಲ್ಎಸ್ ಪ್ಲಸ್ (ಪೋರ್ಷೆ ಡೈನಾಮಿಕ್ ಲೈಟಿಂಗ್ ಸಿಸ್ಟಂ) ಅನ್ನು ಸ್ಟ್ಯಾಂಡರ್ಡ್ ಆಗಿ ನೀಡಲಾಗಿದೆ. ಈ ಕಾರು 21 ಇಂಚಿನ ಅಲಾಯ್ ವ್ಹೀಲ್ ಗಳನ್ನು ಹೊಂದಿದೆ. 10 ಇಯರ್ ಎಡಿಶನ್ ವಿಶೇಷ ಸ್ಯಾಟಿನ್-ಗ್ಲೋಸ್ ವೈಟ್ ಗೋಲ್ಡ್ ಮೆಟಾಲಿಕ್ ಬಣ್ಣದ ಫಿನಿಷಿಂಗ್ ಹೊಂದಿದೆ.

ಈ ಕಾರಿನ ಮುಂಭಾಗದ ಡೋರುಗಳಲ್ಲಿ 10 ವರ್ಷಗಳ ಉತ್ಪಾದನೆಯನ್ನು ಸೂಚಿಸುವ ಸಲುವಾಗಿ 'ಪನಾಮೆರಾ 10' ಲೋಗೋ ನೀಡಲಾಗಿದೆ. ಈ ಬ್ಯಾಡ್ಜಿಂಗ್ ಸಹ ವೈಟ್ ಗೋಲ್ಡ್ ಮೆಟಾಲಿಕ್ ಬಣ್ಣವನ್ನು ಹೊಂದಿದೆ. 10 ಇಯರ್ ಎಡಿಶನ್ ಕಪ್ಪು-ರೂಫ್ ಹಾಗೂ ಪನೋರಾಮಿಕ್ ಸನ್ ರೂಫ್ ಅನ್ನು ಹೊಂದಿದೆ.

ಪನಾಮೆರಾ 4 ವಿಶೇಷ ಮಾದರಿಯ ಹಿಂಭಾಗದಲ್ಲಿ ಎಲ್ಇಡಿ ಸ್ಟೈಲ್ ಮೂಲಕ ಕನೆಕ್ಟ್ ಆಗಿರುವ ಎಲ್ಇಡಿ ಟೇಲ್ ಲೈಟ್ ಗಳಿವೆ. ಮಧ್ಯದಲ್ಲಿ 3 ಡಿ 'ಪೋರ್ಷೆ' ಬ್ಯಾಡ್ಜಿಂಗ್, ಅದರ ಕೆಳಗೆ ಪನಾಮೆರಾ 4 'ಲೋಗೊಗಳಿವೆ. ಹಿಂಭಾಗವು ಡ್ಯುಯಲ್ ಎಕ್ಸಾಸ್ಟ್ ಟಿಪ್ಸ್ ಹಾಗೂ ಸ್ಪಾಯ್ಲರ್ ಅನ್ನು ಸಹ ಹೊಂದಿದೆ. ಇವುಗಳು ಕಾರಿನ ಸ್ಪೋರ್ಟಿ ಲುಕ್ ಅನ್ನು ಮತ್ತಷ್ಟು ಹೆಚ್ಚಿಸುತ್ತವೆ.

ಇಂಟಿರಿಯರ್ ಹಾಗೂ ಫೀಚರ್

ಈ ವಿಶೇಷ ಆವೃತ್ತಿಯ ಕಾರಿನಲ್ಲಿ 'ಪನಾಮೆರಾ 10' ಲೋಗೋ ಹೊಂದಿರುವ ಮೆಟಲ್ ಡೋರ್ ಸಿಲ್ ಗಳಿವೆ. ಈ ಲೋಗೊಗಳನ್ನು ಮುಂಭಾಗದ ಪ್ರಯಾಣಿಕರ ಟ್ರಿಮ್ ಪ್ಯಾನೆಲ್‌ನಲ್ಲಿಯೂ ಸಹ ಕಾಣಬಹುದು. ಇದೂ ಸಹ ವೈಟ್ ಗೋಲ್ಡ್ ಮೆಟಾಲಿಕ್ ಬಣ್ಣವನ್ನು ಹೊಂದಿದೆ. ಡೋರ್ ಪ್ಯಾನೆಲ್ ಗಳು ವಿಶೇಷ ಬಣ್ಣದ ಪಿನ್-ಸ್ಟ್ರೈಪ್ ಗಳನ್ನು ಹೊಂದಿವೆ.

ಈ ಕಾರಿನ ಕ್ಯಾಬಿನ್ ನಲ್ಲಿ ಸ್ಟ್ಯಾಂಡರ್ಡ್ ಆಗಿ ಪ್ರೀಮಿಯಂ ಲೆದರ್ ಅಪ್ ಹೊಲೆಸ್ಟರಿಯನ್ನು ನೀಡಲಾಗಿದೆ. ಕಾರಿನ ಆಕರ್ಷಣೆಯನ್ನು ಹೆಚ್ಚಿಸಲು ಇದನ್ನು 'ವೈಟ್ ಗೋಲ್ಡ್' ಸ್ಟಿಚಿಂಗ್ ನಲ್ಲಿ ನೀಡಲಾಗಿದೆ.

ಪೋರ್ಷೆ ಪನಾಮೆರಾ 4 10 ಇಯರ್ ಎಡಿಶನ್ ಕಾರಿನಲ್ಲಿ 14-ವೇ ಎಲೆಕ್ಟ್ರಾನಿಕ್ ಅಡ್ಜಸ್ಟಬಲ್ ಸೀಟ್, ಡಿಜಿಟಲ್ ರೇಡಿಯೋ, ಬೋಸ್ ಸರೌಂಡ್ ಸೌಂಡ್ ಸಿಸ್ಟಂ, ಸಾಫ್ಟ್-ಕ್ಲೋಸ್ ಡೋರ್ಸ್, ಪೋರ್ಷೆ ಕ್ರೆಸ್ಟ್ ಆನ್ ಹೆಡ್ ರಿಸ್ಟ್ರೆನ್ ಗಳನ್ನು ನೀಡಲಾಗಿದೆ.

ಈ ವಿಶೇಷ ಆವೃತ್ತಿಯ ಕಾರಿನಲ್ಲಿ ಅನಲಾಗ್ ರೆವ್ ಕೌಂಟರ್ ಹೊಂದಿರುವ ಇನ್ಸ್ ಟ್ರೂಮೆಂಟ್ ಕ್ಲಸ್ಟರ್, ಎರಡೂ ಬದಿಯಲ್ಲಿ ಎರಡು ಡಿಜಿಟಲ್ ಡಿಸ್ ಪ್ಲೇ, 12 ಇಂಚಿನ ದೊಡ್ಡ ರೆಸಲ್ಯೂಶನ್ ಟಚ್‌ಸ್ಕ್ರೀನ್ ಇನ್ಫೋಟೇನ್‌ಮೆಂಟ್ ಸಿಸ್ಟಂ, ಮಲ್ಟಿ-ಫಂಕ್ಷನ್ ಸ್ಟೀಯರಿಂಗ್ ವ್ಹೀಲ್, ಟಚ್‌ಸ್ಕ್ರೀನ್ ಡಿಸ್ ಪ್ಲೇ, 4 ಜೋನ್ ಕ್ಲೈಮೇಟ್ ಕಂಟ್ರೋಲ್ ಸೇರಿದಂತೆ ಹಲವಾರು ಫೀಚರ್ ಗಳನ್ನು ನೀಡಲಾಗಿದೆ.

ಪೋರ್ಷೆ ಕಂಪನಿಯು ಈ ಕಾರಿನಲ್ಲಿ ಸುರಕ್ಷತೆಗಾಗಿ ಪಿಎಎಸ್ಎಮ್ (ಪೋರ್ಷೆ ಆಕ್ಟಿವ್ ಸಸ್ಪೆನ್ಷನ್ ಮ್ಯಾನೇಜ್ಮೆಂಟ್), ಲೇನ್ ಚೇಂಜ್ ಅಸಿಸ್ಟ್, ಪಾರ್ಕ್ ಅಸಿಸ್ಟ್, ರಿವರ್ಸಿಂಗ್ ಕ್ಯಾಮೆರಾ ಮತ್ತು ಪವರ್ ಸ್ಟೀಯರಿಂಗ್ ಪ್ಲಸ್ ಗಳನ್ನು ಸ್ಟ್ಯಾಂಡರ್ಡ್ ಆಗಿ ನೀಡಿದೆ.

ಎಂಜಿನ್ ಹಾಗೂ ಪರ್ಫಾಮೆನ್ಸ್

ಪೋರ್ಷೆ ಪನಾಮೆರಾ 4 10 ಇಯರ್ ಎಡಿಶನ್ ಕಾರಿನಲ್ಲಿ 2.9 ಲೀಟರಿನ ಬೈ-ಟರ್ಬೊ ವಿ 6 ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 5200 ಆರ್‌ಪಿಎಂನಲ್ಲಿ 326 ಬಿಹೆಚ್‌ಪಿ ಪವರ್ ಹಾಗೂ 1750 ಆರ್‌ಪಿಎಂನಲ್ಲಿ 450 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.

ಈ ಕಾರಿನಲ್ಲಿರುವ ಕಂಪನಿಯ ಪಿಡಿಕೆ ಟ್ರಾನ್ಸ್ ಮಿಷನ್ ಯೂನಿಟ್ ಎಲ್ಲಾ ನಾಲ್ಕು ವ್ಹೀಲ್ ಗಳಿಗೆ ಪವರ್ ಕಳುಹಿಸುತ್ತದೆ. ಪೋರ್ಷೆ ಪನಾಮೆರಾ 4 10 ಇಯರ್ ಎಡಿಶನ್ ಕಾರು ಕೇವಲ 5.5 ಸೆಕೆಂಡುಗಳಲ್ಲಿ 0 - 100 ಕಿ.ಮೀ ವೇಗವನ್ನು ಆಕ್ಸಲರೇಟ್ ಮಾಡುತ್ತದೆ. ಈ ಕಾರಿನ ಟಾಪ್ ಸ್ಪೀಡ್ ಪ್ರತಿ ಗಂಟೆಗೆ 262 ಕಿ.ಮೀಗಳಾಗಿದೆ.

ಡ್ರೈವ್‌ಸ್ಪಾರ್ಕ್‌ ಅಭಿಪ್ರಾಯ

ಪನಾಮೆರಾ 4ರ ವಿಶೇಷ ಕಾರನ್ನು 10 ವಾರ್ಷಿಕೋತ್ಸವದ ಹಿನ್ನೆಲೆಯಲ್ಲಿ ಉತ್ಪಾದಿಸಲಾಗಿದೆ. ಪೋರ್ಷೆ ಪನಾಮೆರಾ 4 10 ಇಯರ್ ಎಡಿಶನ್ ಬಿಎಂಡಬ್ಲ್ಯು 8 ಸೀರೀಸ್ ಕೂಪೆ, ಮರ್ಸಿಡಿಸ್-ಎಎಂಜಿ ಜಿಟಿ 63 ಎಸ್ 4-ಡೋರ್ ಕೂಪೆ ಹಾಗೂ ಆಡಿ ಆರ್ ಎಸ್ 7 ಸ್ಪೋರ್ಟ್‌ಬ್ಯಾಕ್ ಕಾರುಗಳಿಗೆ ಪೈಪೋಟಿ ನೀಡುತ್ತದೆ.