ಆಟೋ ಎಕ್ಸ್‌ಪೋ 2020: ವಿಂಗರ್ ಮಿನಿ ವ್ಯಾನ್ ಅನಾವರಣಗೊಳಿಸಿದ ಟಾಟಾ ಮೋಟಾರ್ಸ್

ಈ ವಾಹನವನ್ನು ಮೊದಲ ಬಾರಿಗೆ 2007ರಲ್ಲಿ ಬಿಡುಗಡೆಗೊಳಿಸಲಾಗಿತ್ತು. ಈಗ ಅಪ್‍‍ಡೇಟ್ ಮಾಡಲಾದ ವಾಹನವನ್ನು ಅನಾವರಣಗೊಳಿಸಲಾಗಿದೆ. ವಿಂಗರ್ 15 + 1 ಸೀಟ್ ಹೊಂದಿರುವ ಮಿನಿ ವ್ಯಾನ್ ಆಗಿದೆ. ಟಾಟಾ ಮೋಟಾರ್ಸ್ ಈ ವ್ಯಾನ್‍‍ನಲ್ಲಿ ಕಾಸ್ಮೆಟಿಕ್ ಬದಲಾವಣೆಗಳನ್ನು ಮಾಡಿದ್ದು, ಬಿ‍ಎಸ್ 6 ಎಂಜಿನ್‍‍ನೊಂದಿಗೆ ಅಪ್‍‍ಗ್ರೇಡ್‍‍ಗೊಳಿಸಿದೆ. ಈ ಮಿನಿ ವ್ಯಾನ್‍‍ನ ಇಂಟಿರಿಯರ್ ಟಾಟಾದ ಜನಪ್ರಿಯ ವಾಹನವಾದ ಹ್ಯಾರಿಯರ್ ಎಸ್‍‍ಯುವಿಯಂತಿದೆ.

ವಿಂಗರ್ ವಾಹನವನ್ನು ಟಾಟಾ ಮೋಟಾರ್ಸ್‍‍ನ ಇಂಪ್ಯಾಕ್ಟ್ 2.0 ವಿನ್ಯಾಸದಲ್ಲಿ ಅಭಿವೃದ್ಧಿಪಡಿಸಲಾಗಿದೆ. ಟಾಟಾ ಹ್ಯಾರಿಯರ್ ಎಸ್‍‍ಯುವಿ ಈ ವಿನ್ಯಾಸದಲ್ಲಿ ಅಭಿವೃದ್ಧಿಪಡಿಸಲಾದ ಮೊದಲ ವಾಹನವಾಗಿದೆ. ವಿಂಗರ್ ಸಹ ಹ್ಯಾರಿಯರ್ ಎಸ್‍‍ಯುವಿಯಲ್ಲಿರುವಂತಹ ಎಲ್‍ಇ‍‍ಡಿ ಲೈಟಿಂಗ್‍‍ಗಳನ್ನು ಹೊಂದಿದೆ. ಟಾಟಾ ಕಂಪನಿಯ ಲೊಗೊ, ಹಾರಿಜಾಂಟಲ್ ಕ್ರೋಮ್ ಸ್ಟ್ರಿಪ್, ರಿವ್ಯಾಂಪ್ ಗ್ರಿಲ್ ಹಾಗೂ ಬಂಪರ್‍‍ಗಳು ವಿಂಗರ್ ವಾಹನವನ್ನು ಮತ್ತಷ್ಟು ಆಕರ್ಷಕವಾಗಿಸುತ್ತವೆ.

ಈ ಕಮರ್ಷಿಯಲ್ ವ್ಯಾನ್ ಅನ್ನು ಪ್ಯಾಸೆಂಜರ್ ಎಸ್‍‍ಯುವಿಯಾಗಿಸಿದೆ. ಈ ಬದಲಾವಣೆಗಳು ವ್ಯಾನ್‍‍ನ ಸುರಕ್ಷತೆಯನ್ನು ಹೆಚ್ಚಿಸಿವೆ. ಮುಂಭಾಗದ ಪ್ರಯಾಣಿಕರಿಗೆ ಹಾಗೂ ಚಾಲಕನಿಗೆ ಹೆಚ್ಚು ಸುರಕ್ಷತೆಯನ್ನು ನೀಡುತ್ತವೆ. ಈ ಬದಲಾವಣೆಗಳಿಂದಾಗಿ ಫ್ಯಾಮಿಲಿಗಳೂ ಸಹ ಈ ವ್ಯಾನ್ ಅನ್ನು ತಮ್ಮ ಸ್ವಂತ ಬಳಕೆಗಾಗಿ ಖರೀದಿಸಲಿ ಎಂಬುದು ಟಾಟಾ ಮೋಟಾರ್ಸ್ ಅಭಿಪ್ರಾಯ. ಟಾಟಾ ಮೋಟಾರ್ಸ್ ಫ್ಯಾಮಿಲಿಗಳಿಗಾಗಿಯೇ ವಿವಿಧ ಫೀಚರ್‍‍‍ಗಳನ್ನು ನೀಡಲಿದೆ.

5 ಸ್ಪೋಕ್‍‍ಗಳ ಅಲಾಯ್ ವ್ಹೀಲ್, ಅಪ್‍‍ಡೇಟ್ ಮಾಡಲಾಗಿರುವ ಹಿಂಭಾಗದ ಡೋರ್‍‍ಗಳು ವ್ಯಾನ್ ಅನ್ನು ಆಕರ್ಷಕವಾಗಿ ಕಾಣುವಂತೆ ಮಾಡುತ್ತವೆ. ಟಾಟಾ ಈ ವ್ಯಾನ್‍‍ನ ಇಂಟಿರಿಯರ್‍‍ನಲ್ಲಿ ಹಲವಾರು ಬದಲಾವಣೆಗಳನ್ನು ಮಾಡಿದೆ. ವ್ಯಾನ್‍‍ನ ಕಾಕ್‍‍ಪಿಟ್‍‍ನಿಂದ ರೂಫ್‍‍ವರೆಗೆ ಹಲವಾರು ಅಪ್‍‍ಡೇಟ್‍‍ಗಳನ್ನು ಮಾಡಲಾಗಿದೆ. ಈ ವ್ಯಾನ್‍‍ನೊಳಗೆ ಟಚ್ ಸ್ಕ್ರೀನ್ ಇನ್ಫೋಟೆನ್‍‍ಮೆಂಟ್ ಸಿಸ್ಟಂ, ಫ್ರಾಬ್ರಿಕ್ ಸೀಟ್, ಸಿಲ್ವರ್/ಪಿಯಾನೊ ಬ್ಲಾಕ್ ಎಸಿ ಕಂಟ್ರೋಲ್ ಕ್ನಾಪ್, ಪ್ರತಿ ಸೀಟುಗಳಲ್ಲಿ ವಿಭಿನ್ನವಾದ ಯು‍ಎಸ್‍‍ಬಿ ಚಾರ್ಜಿಂಗ್ ಪೋರ್ಟ್, ಪುಶ್ ಬ್ಯಾಕ್ ಸೀಟ್, ಆಂಪಲ್ ರೂಫ್‍‍ಗಳಿವೆ.

ವ್ಯಾನ್‍‍ನಲ್ಲಿರುವ ವೈಬ್ರೆಷನ್‍‍ಗಳನ್ನು ಕಡಿಮೆ ಮಾಡಲಾಗಿದ್ದು, ಆರಾಮದಾಯಕವಾದ ಸಂಚಾರವನ್ನು ನೀಡುವಂತೆ ಅಭಿವೃದ್ಧಿಪಡಿಸಲಾಗಿದೆ. ಈ ವ್ಯಾನ್ ಅನ್ನು ಬಿ‍ಎಸ್ 6 ಎಂಜಿನ್‍‍ನೊಂದಿಗೆ ಅಪ್‍‍ಗ್ರೇಡ್‍‍ಗೊಳಿಸಲಾಗಿದೆ. ಈ ವ್ಯಾನ್‍‍ನಲ್ಲಿರುವ 2.0 ಲೀಟರಿನ ಡೀಸೆಲ್ ಎಂಜಿನ್ 89 ಬಿ‍‍ಹೆಚ್‍‍ಪಿ ಪವರ್ ಹಾಗೂ 190 ಎನ್‍ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್‍‍ನಲ್ಲಿ 5 ಸ್ಪೀಡಿನ ಮ್ಯಾನುವಲ್ ಗೇರ್‍‍ಬಾಕ್ಸ್ ಅಳವಡಿಸಲಾಗಿದೆ. ಈ ವ್ಯಾನ್‍‍ನ ಬೆಲೆಯು ರೂ.12 ಲಕ್ಷದಿಂದ ರೂ.15 ಲಕ್ಷಗಳಾಗಿದೆ.