ಡಿಸೆಂಬರ್ ತಿಂಗಳಿನಲ್ಲಿ ಏರಿಕೆ ಕಂಡ ಅಶೋಕ್ ಲೇಲ್ಯಾಂಡ್ ಕಮರ್ಷಿಯಲ್ ವಾಹನ ಮಾರಾಟ

ಹಿಂದಿನ ವರ್ಷಕ್ಕೆ ಹೋಲಿಸಿದರೆ ಈ ಪ್ರಮಾಣವು 14%ನಷ್ಟು ಹೆಚ್ಚಾಗಿದೆ. 2019ರ ಡಿಸೆಂಬರ್‌ ತಿಂಗಳಿನಲ್ಲಿ ಕಂಪನಿಯು 10,378 ಯುನಿಟ್ ವಾಹನಗಳನ್ನು ಮಾರಾಟ ಮಾಡಿತ್ತು. ಟ್ರಕ್ ಮಾರಾಟದಲ್ಲಿ ಕಂಪನಿಯು 56%ನಷ್ಟು ಲಾಭ ಗಳಿಸಿದರೆ, ಬಸ್ ಮಾರಾಟದಲ್ಲಿ 90%ನಷ್ಟು ಕುಸಿತವನ್ನು ದಾಖಲಿಸಿದೆ.

ಕಂಪನಿಯು ಕಳೆದ ತಿಂಗಳು 5,930 ಯುನಿಟ್‌ ಮಧ್ಯಮ ಗಾತ್ರದ ಹಾಗೂ ಭಾರೀ ಗಾತ್ರದ ಟ್ರಕ್‌ಗಳನ್ನು ಮಾರಾಟ ಮಾಡಿದೆ. 2019ರ ಡಿಸೆಂಬರ್‌ ತಿಂಗಳಿನಲ್ಲಿ ಕಂಪನಿಯು 3,809 ಮಧ್ಯಮ ಗಾತ್ರದ ಹಾಗೂ ಭಾರೀ ಗಾತ್ರದ ಟ್ರಕ್‌ಗಳನ್ನು ಮಾರಾಟ ಮಾಡಿತ್ತು.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಕಂಪನಿಯು ಕಳೆದ ತಿಂಗಳು ಕೇವಲ 245 ಯುನಿಟ್ ಬಸ್ಸುಗಳನ್ನು ಮಾರಾಟ ಮಾಡಿದೆ. 2019ರಲ್ಲಿ 2,560 ಯುನಿಟ್ ಬಸ್ಸುಗಳನ್ನು ಮಾರಾಟ ಮಾಡಲಾಗಿತ್ತು. ಈ ಎರಡು ಸೆಗ್'ಮೆಂಟ್‌ಗಳಲ್ಲಿ ಒಟ್ಟಾರೆಯಾಗಿ 6,175 ಯುನಿಟ್‌ಗಳು ಮಾರಾಟವಾಗಿವೆ.

ಕಳೆದ ವರ್ಷ ಇದೇ ತಿಂಗಳಲ್ಲಿ ಕಂಪನಿಯು 6,369 ಯುನಿಟ್‌ಗಳನ್ನು ಮಾರಾಟ ಮಾಡಿತ್ತು. ಈ ಸೆಗ್'ಮೆಂಟ್‌ನಲ್ಲಿ ಈ ಬಾರಿಯ ಮಾರಾಟದಲ್ಲಿ 3%ನಷ್ಟು ಕುಸಿತ ಉಂಟಾಗಿದೆ. 2020ರ ಏಪ್ರಿಲ್ - ಡಿಸೆಂಬರ್ ತಿಂಗಳ ನಡುವೆ ಕಂಪನಿಯು 22,191 ಯುನಿಟ್ ವಾಹನಗಳನ್ನು ಮಾರಾಟ ಮಾಡಿದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಕಳೆದ ವರ್ಷ ಇದೇ ಅವಧಿಯಲ್ಲಿ 56,229 ಯುನಿಟ್ ವಾಹನಗಳು ಮಾರಾಟವಾಗಿದ್ದವು. ಇನ್ನು ಲಘು ಕಮರ್ಷಿಯಲ್ ವಾಹನಗಳ ಮಾರಾಟದಲ್ಲಿ ಕಂಪನಿಯು 42%ನಷ್ಟು ಲಾಭ ಗಳಿಸಿದೆ.

2019ರ ಡಿಸೆಂಬರ್‌ನಲ್ಲಿ ಮಾರಾಟವಾದ 4,009 ಯುನಿಟ್‌ಗಳಿಗೆ ಹೋಲಿಸಿದರೆ ಕಂಪನಿಯು 2020ರ ಡಿಸೆಂಬರ್‌ನಲ್ಲಿ 5,682 ಯುನಿಟ್ ಲಘು ಕಮರ್ಷಿಯಲ್ ವಾಹನಗಳನ್ನು ಮಾರಾಟ ಮಾಡಿದೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

2020ರ ಏಪ್ರಿಲ್ - ಡಿಸೆಂಬರ್ ವರೆಗೆ ಕಂಪನಿಯ 29,629 ಯುನಿಟ್ ಲಘು ಕಮರ್ಷಿಯಲ್ ವಾಹನಗಳನ್ನು ಮಾರಾಟವಾಗಿದ್ದರೆ, ಕಳೆದ ವರ್ಷ ಇದೇ ಅವಧಿಯಲ್ಲಿ 36,855 ಯುನಿಟ್ ಲಘು ಕಮರ್ಷಿಯಲ್ ವಾಹನಗಳು ಮಾರಾಟವಾಗಿದ್ದವು.

ಈ ಸೆಗ್'ಮೆಂಟ್‌ನಲ್ಲಿ ಕಂಪನಿಯ ಮಾರಾಟವು 2020ರಲ್ಲಿ 20% ನಷ್ಟು ಕಡಿಮೆಯಾಗಿದೆ. ಇನ್ನು ಕಂಪನಿಯ ರಫ್ತು ಹಾಗೂ ದೇಶಿಯ ಮಾರಾಟದ ಬಗ್ಗೆ ಹೇಳುವುದಾದರೆ ಕಂಪನಿಯು ಮಧ್ಯಮ ಗಾತ್ರದ ಹಾಗೂ ಭಾರೀ ಗಾತ್ರದ ಕಮರ್ಷಿಯಲ್ ವಾಹನ ವಿಭಾಗದಲ್ಲಿ ಒಟ್ಟು 6,235 ಯುನಿಟ್‌ಗಳನ್ನು ಮಾರಾಟ ಮಾಡಿದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಕಳೆದ ವರ್ಷ ಇದೇ ತಿಂಗಳಲ್ಲಿ 3,958 ಯುನಿಟ್‌ಗಳನ್ನು ಮಾರಾಟ ಮಾಡಲಾಗಿತ್ತು. ಈ ಸೆಗ್'ಮೆಂಟ್‌ನಲ್ಲಿ 2020ರ ಡಿಸೆಂಬರ್ ತಿಂಗಳಿನಲ್ಲಿ ಕಂಪನಿಯ ಮಾರಾಟವು 20%ನಷ್ಟು ಹೆಚ್ಚಾಗಿದೆ.

ಕಂಪನಿಯು ಕಳೆದ ತಿಂಗಳು ದೇಶದಲ್ಲಿ ಹಾಗೂ ವಿದೇಶಗಳಲ್ಲಿ ಒಟ್ಟಾರೆಯಾಗಿ 5,878 ಯುನಿಟ್ ಲಘು ಕಮರ್ಷಿಯಲ್ ವಾಹನಗಳನ್ನು ಮಾರಾಟ ಮಾಡಿದೆ. ಕಂಪನಿಯು ಕಳೆದ ವರ್ಷ 4,143 ಯುನಿಟ್'ಗಳನ್ನು ಮಾರಾಟ ಮಾಡಿತ್ತು. ಕಂಪನಿಯ ಮಾರಾಟವು ಈ ಸೆಗ್'ಮೆಂಟ್‌ನಲ್ಲಿ 2020ರ ಡಿಸೆಂಬರ್‌ ತಿಂಗಳಿನಲ್ಲಿ 42%ನಷ್ಟು ಹೆಚ್ಚಾಗಿದೆ.