ಹೊಸ ಫೀಚರ್ಸ್‌ಗಳೊಂದಿಗೆ ಅನಾವರಣಗೊಂಡ ಡೇಸಿಯಾ ಡಸ್ಟರ್ ಫೇಸ್‌ಲಿಫ್ಟ್ ಎಸ್‍ಯುವಿ

ಡೇಸಿಯಾ ಡಸ್ಟರ್ ಮಿಡ್-ಸೈಕಲ್ ಫೇಸ್‌ಲಿಫ್ಟ್ ಅನ್ನು ಪಡೆದುಕೊಂಡಿದೆ, ಆಧುನಿಕ ದಿನಗಳಲ್ಲಿ ಬೇಡಿಕೆಗಳಿಗೆ ಅನುಗುಣವಾಗಿ ಕ್ಯಾಬಿನ್ ಒಳಗೆ ಹೊಸ ವೈಶಿಷ್ಟ್ಯಗಳನ್ನು ಪಡೆದುಕೊಂಡಿದೆ. ಅದೇ ರೀತಿ ಹೊರಭಾಗದ ವಿನ್ಯಾಸದಲ್ಲಿಯು ಕೂಡ ಬದಲಾವಣೆಗಳನ್ನು ಪಡೆದುಕೊಂಡಿದೆ. ಈ ಹೊಸ ನವೀಕರಣದಿಂದ ಯುರೋಪಿನ ಮಾರುಕಟ್ಟೆಗಳಲ್ಲಿ ಸ್ಕೋಡಾ ಕರೋಕ್ ಮತ್ತು ಸೀಟ್ ಅಟೆಕಾ ಎಸ್‌ಯುವಿಗಳಿಗೆ ಪೈಪೋಟಿ ನೀಡಲು ಸಹಾಯ ಮಾಡುತ್ತದೆ.

2021ರ ಡೇಸಿಯಾ ಡಸ್ಟರ್ ಎಲ್ಇಡಿ ಟರ್ನ್ ಸಿಗ್ನಲ್‌ಗಳು, ವೈವಿಧ್ಯಮಯ ಅಲಾಯ್ ವ್ಹೀಲ್ ಆಯ್ಕೆಗಳು, ಬೋಲ್ಡರ್ ಫ್ರಂಟ್ ಮತ್ತು ಹಿಂಭಾಗದ ಬಂಪರ್‌ಗಳೊಂದಿಗೆ ಹರಿತವಾದ ಹೆಡ್‌ಲ್ಯಾಂಪ್‌ಗಳನ್ನು ಪಡೆಯುತ್ತದೆ. ಒಳಭಾಗದಲ್ಲಿ, ಇದು ಹೊಸ ಎಂಟು ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಂ ಅನ್ನು ಹೊಂದಿದೆ.

ಹೊಸ ಆಪರೇಟಿಂಗ್ ಸಿಸ್ಟಂ ಮತ್ತು ಗ್ರಾಫಿಕ್ಸ್ ಹೊಂದಿರುವ ಏಳು ಇಂಚಿನ ಯುನಿಟ್, ಮೀಡಿಯಾ ಡಿಸ್ ಪ್ಲೇ ಸಿಸ್ಟಂ, ರೇಡಿಯೋ, ಬ್ಲೂಟೂತ್, ಎರಡು ಯುಎಸ್‌ಬಿ ಪೋರ್ಟ್‌ಗಳು, ಆಪಲ್ ಕಾರ್ ಪ್ಲೇ ಮತ್ತು ಆಂಡ್ರಾಯ್ಡ್ ಆಟೋ ಮತ್ತು ವಾಯ್ಸ್ ಕಾಮೆಂಟ್ ನಂತಹ ಫೀಚರ್ಸ್ ಗಳನ್ನು ಹೊಂದಿವೆ.

ಹೆಚ್ಚು ಸುಧಾರಿತ ಮೀಡಿಯಾ ನ್ಯಾವ್ ಸಿಸ್ಟಂ ವೈರ್‌ಲೆಸ್ ಸ್ಮಾರ್ಟ್‌ಫೋನ್ ಮಿರರಿಂಗ್ ಮತ್ತು ಸ್ಯಾಟಲೈಟ್ ನ್ಯಾವಿಗೇಷನ್‌ನೊಂದಿಗೆ ಬರುತ್ತದೆ. ಎರಡು ಸಿಸ್ಟಂಗಳು ಇನ್‌ಕ್ಲಿನೋಮೀಟರ್ ಮತ್ತು ಅಲ್ಟಿಮೀಟರ್ ಮತ್ತು ಫ್ಯೂಯಲ್ ಎಕನಾಮಿ ಇಂಡಿಕೇಟರ್ ಗಳೊಂದಿಗೆ ಫ್ಹೋರ್ ವ್ಹೀಲ್ ಡ್ರೈವ್ ಮಾನಿಟರ್ ಅನ್ನು ಪಡೆಯುತ್ತವೆ.

ಈ ಎಸ್‍ಯುವಿಯಲ್ಲಿ ಹೊಸ ಸೀಟ್ ಗಳನ್ನು ಅಳವಡಿಸಲಾಗಿದ್ದು, ಸೆಂಟರ್ ಕನ್ಸೋಲ್ ಅನ್ನು ವಿಶಾಲ ಆರ್ಮ್ ರೆಸ್ಟ್ ಜೊತೆಗೆ ಮರುವಿನ್ಯಾಸಗೊಳಿಸಲಾಗಿದೆ. ಡಸ್ಟರ್ ಫೇಸ್‌ಲಿಫ್ಟ್ ಎಸ್‍ಯುವಿಯ ಹೈ-ಎಂಡ್ ರೂಪಾಂತರಗಳಲ್ಲಿ, ಹೆಚ್ಚುವರಿ ಯುಎಸ್ಬಿ ಸಾಕೆಟ್ಗಟ್ ಗಳು, ಆರ್ಮ್ ರೆಸ್ಟ್ ಅಡಿಯಲ್ಲಿ ಜೊತೆಗೆ ಹೀಟೆಡ್ ಸೀಟುಗಳು ಮತ್ತು ಆಟೋಮ್ಯಾಟಿಕ್ ಕ್ಲೈಮೇಂಟ್ ಫೀಚರ್ಸ್ ಗಳನ್ನು ನೀಡಲಾಗಿದೆ.

ಡೇಸಿಯಾ ಡಸ್ಟರ್ ಫೇಸ್‌ಲಿಫ್ಟ್ ಎಸ್‍ಯುವಿಯಲ್ಲಿ ಹಲವು ಬಗೆಯ ಎಂಜಿನ್ ಆಯ್ಕೆಗಳನ್ನು ಹೊಂದಿವೆ. ಇದರಲ್ಲಿ 1.0-ಲೀಟರ್ ಟರ್ಬೋಚಾರ್ಜ್ಡ್ ಟಿಸಿ 90 ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿದೆ. ಈ ಎಂಜಿನ್ 89 ಬಿಹೆಚ್‌ಪಿ ಪವರ್ ಅನ್ನು ಉತ್ಪಾದಿಸುತ್ತದೆ.

ಇನ್ನು ಈ ಎಸ್‍ಯುವಿಯಲ್ಲಿ 1.3-ಲೀಟರ್ ಟಿಸಿ 130 ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿದೆ. ಈ ಎಂಜಿನ್ 128 ಬಿಹೆಚ್‍ಪಿ ಪವರ್ ಅನ್ನು ಉತ್ಪಾದಿಸುತ್ತದೆ. ಇನ್ನು 1.3-ಲೀಟರ್ ಟಿಸಿ 150, ಎಂಜಿನ್ ಅನ್ನು ಹೊಂದಿದ್ದು, ಈ ಎಂಜಿನ್ 148 ಬಿಹೆ‍ಪಿ ಪವರ್ ಅನ್ನು ಉತ್ಪಾದಿಸುತ್ತದೆ.

ಇನ್ನು ಈ ಎಸ್‍ಯುವಿಯಲ್ಲಿ 1.5 ಲೀಟರ್ ಡೀಸೆಲ್ ಎಂಜಿನ್ ಆಯ್ಕೆಯನ್ನು ನೀಡಲಾಗಿದೆ. ಈ ಎಂಜಿನ್ 113 ಬಿಹೆಚ್‌ಪಿ ಪವರ್ ಅನ್ನು ಉತ್ಪಾದಿಸುತ್ತದೆ. ಈ ಹೊಸ ಡೇಸಿಯಾ ಡಸ್ಟರ್ ಫೇಸ್‌ಲಿಫ್ಟ್ ಎಸ್‍ಯುವಿಯು ಶೀಘ್ರದಲ್ಲೇ ಯುರೋಪ್ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಲಿದೆ.