Click it and Unblock the Notifications
ಹೊಸ ಸುರಕ್ಷತಾ ಫೀಚರ್ಸ್ಗಳೊಂದಿಗೆ ಬಿಡುಗಡೆಯಾಗಲಿದೆ 2022ರ ಮಾರುತಿ ಬಲೆನೊ
ಹೊಸ ಮಾರುತಿ ಸುಜುಕಿ ಬಲೆನೊ 2022ರ ವರ್ಷದಲ್ಲಿ ಬಿಡುಗಡೆಯಾಗಲಿರುವ ಅತ್ಯಂತ ಬಹುನಿರೀಕ್ಷಿತ ಕಾರುಗಳಲ್ಲಿ ಒಂದಾಗಿದೆ. ದೇಶದ ಅತಿ ದೊಡ್ಡ ಕಾರು ತಯಾರಕ ಕಂಪನಿಯಾದ ಮಾರುತಿ ಸುಜುಕಿಯ ಕಾರುಗಳ ಸರಣಿಯಲ್ಲಿ ಬಲೆನೊ ಹ್ಯಾಚ್ಬ್ಯಾಕ್ ಅತ್ಯಂತ ಯಶಸ್ವಿ ಮಾದರಿಗಳಲ್ಲಿ ಒಂದಾಗಿದೆ.
ಈ ಬಹುಬೇಡಿಕೆಯ ಪ್ರೀಮಿಯಂ ಹ್ಯಾಚ್ಬ್ಯಾಕ್ ಮಾರುತಿ ಸುಜುಕಿ ಬಲೆನೊ (Maruti Suzuki Baleno) ಹೊಸ ನವೀಕರಣಗಳೊಂದಿಗೆ ಭಾರತೀಯ ಮಾರುಕಟ್ಟೆಯನ್ನು ಪ್ರವೇಶಿಸಲಿದೆ. 2022ರ ಮಾರುತಿ ಬಲೆನೊ ಆರು ಏರ್ಬ್ಯಾಗ್ಗಳು, ಇಎಸ್ಪಿ (ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್) ಮತ್ತು ಹಿಲ್ ಹೋಲ್ಡ್ ಅಸಿಸ್ಟ್ ಅನ್ನು ಪಡೆಯುತ್ತದೆ. ಇದರೊಂದಿಗೆ, ಬಲೆನೊ ಆರು ಏರ್ಬ್ಯಾಗ್ಗಳನ್ನು ಒಳಗೊಂಡಿರುವ ಮೊದಲ ಮಾರುತಿ ಕಾರು (ಪ್ರಸ್ತುತ) ಮತ್ತು ಹ್ಯುಂಡೈ ಐ20 ನಂತರ ಅದರ ವಿಭಾಗದಲ್ಲಿ ಎರಡನೇ ಕಾರು. ಇದು ISOFIX ಮೌಂಟ್ಗಳು, ಇಬಿಡಿ ಜೊತೆಗೆ ಎಬಿಎಸ್ ಮತ್ತು ಮೊದಲಿನಂತೆ ಸ್ಪೀಡ್ ಅಲರ್ಟ್ ಸಿಸ್ಟಂ ಅನ್ನು ಸಹ ಪಡೆಯುತ್ತದೆ.
ಈ ಮಾರುತಿ ಬಲೆನೊ ಫೇಸ್ಲಿಫ್ಟೆಡ್ ಕಾರು ಕ್ರೂಸ್ ಕಂಟ್ರೋಲ್, ಹಿಂಭಾಗದ ಎಸಿ ವೆಂಟ್ಗಳು, ಹಿಂಬದಿಯ ವೇಗದ ಚಾರ್ಜಿಂಗ್ ಯುಎಸ್ಬಿ ಪೋರ್ಟ್ಗಳು (ಸಾಮಾನ್ಯ ಮತ್ತು ಸಿ-ಟೈಪ್) ಮತ್ತು ಎಲ್ಇಡಿ ಫಾಗ್ ಲ್ಯಾಂಪ್ಗಳನ್ನು ಸಹ ಪಡೆಯುತ್ತದೆ. ಈ ಹೊಸ ಕಾರು ಸಿಗ್ಮಾ, ಡೆಲ್ಟಾ, ಝೀಟಾ, ಝೀಟಾ (O), ಆಲ್ಫಾ ಮತ್ತು ಆಲ್ಫಾ (O). ಬೇಸ್-ಸ್ಪೆಕ್ ಸಿಗ್ಮಾ ಎಂಬ ರೂಪಾಂತರಗಳಲ್ಲಿ ಲಭ್ಯವಿರುತ್ತದೆ,
ಮಾರುತಿ ಮುಂಬರುವ ಬಲೆನೊ ಫೇಸ್ಲಿಫ್ಟ್ನ 360-ಡಿಗ್ರಿ ಕ್ಯಾಮೆರಾವನ್ನು ತೋರಿಸುವ ಟೀಸರ್ ವೀಡಿಯೊವನ್ನು ಇತ್ತೀಚೆಗೆ ಬಿಡುಗಡೆ ಮಾಡಿದೆ. 2022ರ ಬಲೆನೊ ದೊಡ್ಡ 9-ಇಂಚಿನ ಸ್ಮಾರ್ಟ್ಪ್ಲೇ ಪ್ರೊ ಪ್ಲಸ್ ಟಚ್ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್ನೊಂದಿಗೆ ಬರುತ್ತದೆ. ಈ ಸಿಸ್ಟಂ ಅನ್ನು ಟೊಯೋಟಾದೊಂದಿಗೆ ಜಂಟಿಯಾಗಿ ಅಭಿವೃದ್ಧಿಪಡಿಸಲಾಗಿದೆ ಎಂದು ಹೇಳಲಾಗುತ್ತದೆ ಮತ್ತು ವೈರ್ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ಪ್ಲೇ ಪಡೆಯುತ್ತದೆ.
ಇನ್ನು ಟೀಸರ್ ನಲ್ಲಿ ಪ್ರೀಮಿಯಂ ಹ್ಯಾಚ್ಬ್ಯಾಕ್ ಬರುವ ಹೊಚ್ಚ ಹೊಸ ಟಚ್ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್ ಅನ್ನು ತೋರಿಸುತ್ತದೆ. ವಾಸ್ತವವಾಗಿ, ಈ ಬಾರಿಯ ಪ್ರಮುಖ ಗಮನವು ಬಲೆನೊದ ಕನೆಕ್ಟಿವಿಟಿ ಮತ್ತು ಇನ್-ಕಾರ್ ಇನ್ಫೋಟೈನ್ಮೆಂಟ್ ಅನುಭವವನ್ನು ಅಪ್ಗ್ರೇಡ್ ಮಾಡಲಾಗುತ್ತದೆ.
2022ರ ಮಾರುತಿ ಸುಜುಕಿ ಬಲೆನೊ ಹೊಸ 9-ಇಂಚಿನ ಸ್ಮಾರ್ಟ್ಪ್ಲೇ ಪ್ರೊ ಪ್ಲಸ್ ಇನ್ಫೋಟೈನ್ಮೆಂಟ್ ಸಿಸ್ಟಮ್ ಅನ್ನು ಹೊಂದಿರಲಿದೆ. ಇದು ಹಿಂದಿನ 7-ಇಂಚಿನ ಸ್ಮಾರ್ಟ್ಪ್ಲೇ ಸ್ಟುಡಿಯೋ ಇನ್ಫೋಟೈನ್ಮೆಂಟ್ ಸಿಸ್ಟಮ್ಗೆ ಹೋಲಿಸಿದರೆ ಇನ್ನೂ ಕೆಲವು ಫೀಚರ್ಸ್ ಗಳನ್ನು ನೀಡುವ ನಿರೀಕ್ಷೆಯಿದೆ.
ಮಾರುತಿ ಸುಜುಕಿ ಕಂಪನಿಯು ಹೊಸ ಬಲೆನೊಗಾಗಿ ಸ್ಮಾರ್ಟ್ಪ್ಲೇ ಪ್ರೊ ಟಚ್ಸ್ಕ್ರೀನ್ ಯುನಿಟ್ ಅನ್ನು ವಿನ್ಯಾಸಗೊಳಿಸಿದೆ. ಟೀಸರ್ ವೀಡಿಯೊದಲ್ಲಿ ನಾವು ನೋಡಿದಂತೆಯೇ, ಹೊಸ ಟಚ್ಸ್ಕ್ರೀನ್ ಹೆಚ್ಚು ತೀಕ್ಷ್ಣವಾದ ಮತ್ತು ಗರಿಗರಿಯಾದ ಗ್ರಾಫಿಕ್ಸ್ ಅನ್ನು ಒಳಗೊಂಡಿರುವ ಎಲ್ಲಾ-ಹೊಸ ಇಂಟರ್ಫೇಸ್ ಅನ್ನು ಪಡೆಯುತ್ತದೆ. ಇದು Apple CarPlay ಮತ್ತು Android Auto ಜೊತೆಗೆ ಕನೆಕ್ಟಿವಿಟಿ ಕಾರ್ ಫೀಚರ್ಸ್ ಗಳನ್ನು ಪಡೆಯುವ ನಿರೀಕ್ಷೆಯಿದೆ.
ಹೊಸ SmartPlay Pro Plus ನಲ್ಲಿ ಮಾರುತಿ ಇನ್ ಬಿಲ್ಟ್ ನ್ಯಾವಿಗೇಷನ್ ಸಿಸ್ಟಂ ಸಹ ನೀಡುತ್ತದೆ ಎಂದು ನಾವು ನಿರೀಕ್ಷಿಸುತ್ತೇವೆ. ಇದಲ್ಲದೆ, ಹೊಸ ಬಲೆನೊ ಹೊಸ ಟೀಸರ್ನಲ್ಲಿ ತೋರಿಸಿರುವಂತೆ ವಾಯ್ಸ್ ಅನುಭವಕ್ಕಾಗಿ ಪ್ರೀಮಿಯಂ ವಾಯ್ಸ್ ಅನ್ನು ಕೂದ ಪಡೆಯಬಹುದು.
ಇನ್ನು ಮಾರುತಿ ಸುಜುಕಿ ಕಂಪನಿಯು 2022ರ ಬಲೆನೊ ಫೇಸ್ಲಿಫ್ಟ್ ಕಾರಿನ ಖರೀದಿಗಾಗಿ ಅಧಿಕೃತವಾಗಿ ದೇಶದಲ್ಲಿ ಬುಕ್ಕಿಂಗ್ ಅನ್ನು ಪ್ರಾರಂಭಿಸಿದೆ. ಮಾರುತಿ ಸುಜುಕಿ ಕಂಪನಿಯು 2015ರಲ್ಲಿ ಮೊದಲ ಬಾರಿಗೆ ಬಲೆನೊ ಕಾರನ್ನು ಬಿಡುಗಡೆಗೊಳಿಸಿತ್ತು. ಇದು ಪ್ರೀಮಿಯಂ ಹ್ಯಾಚ್ಬ್ಯಾಕ್ ವಿಭಾಗದಲ್ಲಿ ಹೆಚ್ಚು ಮಾರಾಟವಾದ ಕಾರುಗಳಲ್ಲಿ ಒಂದಾಗಿದೆ.
ಮಾರುತಿ ಸುಜುಕಿ ಕಂಪನಿಯು ಜನಪ್ರಿಯ ಬಲೆನೊ ಫೇಸ್ಲಿಫ್ಟ್ ಕಾರನ್ನು ಹೊಸ ನವೀಕರಣಗಳೊಂದಿಗೆ ಬಿಡುಗಡೆಗೊಳಿಸಲು ಸಜ್ಜಾಗಿದೆ. ಮಾರುತಿ ಸುಜುಕಿ ಕಂಪನಿಯು ತನ್ನ ಗುಜರಾತ್ ಮೂಲದ ಸ್ಥಾವರದಲ್ಲಿ ಹೊಸ 2022ರ ಮಾರುತಿ ಬಲೆನೊ ಕಾರಿನ ಉತ್ಪಾದನೆಯನ್ನು ಈಗಾಗಲೇ ಪ್ರಾರಂಭಿಸಿದೆ. ಈ ಪ್ರೀಮಿಯಂ ಹ್ಯಾಚ್ಬ್ಯಾಕ್ನ ಮೊದಲ ಯುನಿಟ್ ಅನ್ನು ಕಳೆದ ತಿಂಗಳ 24 ರಂದು ಹೊರತರಲಾಯಿತು.
ಮಾರುತಿಯ ನೆಕ್ಸಾ ಡೀಲರ್ಶಿಪ್ ಶ್ರೇಣಿಯ ಮೂಲಕ ಮಾರಾಟ ಮಾಡುವ ಈ ಹೊಸ ಬಲೆನೊ ಗಮನಾರ್ಹವಾಗಿ ಪರಿಷ್ಕೃತ ಮುಂಭಾಗದ ವಿನ್ಯಾಸದೊಂದಿಗೆ ಬರಲಿದೆ. ಹ್ಯಾಚ್ಬ್ಯಾಕ್ನ ಬಾಡಿ ಪ್ಯಾನೆಲ್ಗಳನ್ನು ಮರು-ವಿನ್ಯಾಸಗೊಳಿಸಲಾಗಿದೆ ಮತ್ತು ಹೊಸ ಮಾದರಿಯು ಪ್ರಸ್ತುತ ಕಾರ್ಗಿಂತ ಅಗಲವಾಗಿ ಮತ್ತು ದಪ್ಪವಾಗಿ ಕಾಣುತ್ತದೆ. ಈ ಹೊಸ ಬಲೆನೊ ಕಾರು ಹೊಸ ದೊಡ್ಡ ಗ್ರಿಲ್ ಅನ್ನು ಪಡೆದುಕೊಂಡಿದೆ,
ಇನ್ನು ಈ ಕಾರಿನಲ್ಲಿ ಎಲ್-ಆಕಾರದ ಸುತ್ತುವ ಹೆಡ್ಲ್ಯಾಂಪ್ಗಳಿಂದ ಸುತ್ತುವರೆದಿದೆ. ಹೆಡ್ಲ್ಯಾಂಪ್ ಯುನಿಟ್ ಡಿಆರ್ಎಲ್ಗಳು (ಡೇಟೈಮ್ ರನ್ನಿಂಗ್ ಲೈಟ್ಗಳು) ಮತ್ತು ಪ್ರೊಜೆಕ್ಟರ್ ಸೆಟಪ್ ಅನ್ನು ಹೊಂದಿರುತ್ತದೆ. ಬಾನೆಟ್ ವಿನ್ಯಾಸವನ್ನು ಸಹ ಬದಲಾಯಿಸಲಾಗಿದೆ.
ಇನ್ನು ಈ ಕಾರಿನಲ್ಲಿ ಎಲ್-ಆಕಾರದ ಸುತ್ತುವ ಹೆಡ್ಲ್ಯಾಂಪ್ಗಳಿಂದ ಸುತ್ತುವರೆದಿದೆ. ಹೆಡ್ಲ್ಯಾಂಪ್ ಯುನಿಟ್ ಡಿಆರ್ಎಲ್ಗಳು (ಡೇಟೈಮ್ ರನ್ನಿಂಗ್ ಲೈಟ್ಗಳು) ಮತ್ತು ಪ್ರೊಜೆಕ್ಟರ್ ಸೆಟಪ್ ಅನ್ನು ಹೊಂದಿರುತ್ತದೆ. ಬಾನೆಟ್ ವಿನ್ಯಾಸವನ್ನು ಸಹ ಬದಲಾಯಿಸಲಾಗಿದೆ.
ಬಹಿರಂಗವಾದ ಸ್ಪೈ ಚಿತ್ರಗಳು 2022ರ ಮಾರುತಿ ಬಲೆನೊ ಫೇಸ್ಲಿಫ್ಟ್ ಕಾರು ಸಂಪೂರ್ಣವಾಗಿ ಮರು-ವಿನ್ಯಾಸಗೊಳಿಸಲಾದ ಡ್ಯಾಶ್ಬೋರ್ಡ್ ಮತ್ತು ಬಣ್ಣದ ಸ್ಕೀಮ್ನೊಂದಿಗೆ ಎಲ್ಲಾ-ಹೊಸ ಒಳಾಂಗಣವನ್ನು ಒಳಗೊಂಡಿರುತ್ತದೆ ಎಂದು ಬಹಿರಂಗಪಡಿಸುತ್ತದೆ. ಒಳಾಂಗಣ ವಿನ್ಯಾಸವು ಜಾಗತಿಕ ಹೊಸ ಎಸ್-ಕ್ರಾಸ್ ಕ್ರಾಸ್ಒವರ್ನಿಂದ ಪ್ರೇರಿತವಾಗಿದೆ.
2022ರ ಬಲೆನೊ ಹ್ಯಾಚ್ಬ್ಯಾಕ್ ಕಾರು ಹೊಸ ಬ್ರಷ್ಡ್ ಅಲ್ಯೂಮಿನಿಯಂನೊಂದಿಗೆ ಎಲ್ಲಾ-ಹೊಸ ಡ್ಯಾಶ್ಬೋರ್ಡ್ ಅನ್ನು ಕೂಡ ಒಳಗೊಂಡಿದೆ. ಈ ಮಾದರಿ ಉತ್ತಮ ಗುಣಮಟ್ಟದ ಪ್ಲಾಸ್ಟಿಕ್, ಹೊಸ ಸ್ಟೀರಿಂಗ್ ವೀಲ್ ಮತ್ತು ಹೊಸ ಕ್ಲೈಮೇಂಟ್ ಕಂಟ್ರೋಲ್ ಬಟನ್ ಅನ್ನು ಹೊಂದಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಹ್ಯಾಚ್ಬ್ಯಾಕ್ ಕ್ರೂಸ್ ಕಂಟ್ರೋಲ್, ಆಟೋಮ್ಯಾಟಿಕ್ ಹೆಡ್ಲ್ಯಾಂಪ್ಗಳು ಮತ್ತು ವೈಪರ್ಗಳನ್ನು ಸಹ ಹೊಂದಿರಲಿದೆ. 2022ರ ಮಾರುತಿ ಸುಜುಕಿ ಬಲೆನೊ ಕಾರಿನಲ್ಲಿ ಅದೇ 1.2 ಲೀಟರ್ ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿರಲಿದೆ. ಈ ಎಂಜಿನ್ 82 ಬಿಎಚ್ಪಿ ಪವರ್ ಮತ್ತು 113 ಎನ್ಎಂ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.
ಈ ಎಂಜಿನ್ ನೊಂದಿಗೆ ಮ್ಯಾನುವಲ್ ಮತ್ತು ಸಿವಿಟಿ ಗೇರ್ ಬಾಕ್ಸ್ ಆಯ್ಕೆಗಳನ್ನು ನೀಡಲಾಗಿದೆ. ಇನ್ನು ಬಿಎಸ್ 6 ಮಾಲಿನ್ಯ ನಿಯಮಕ್ಕೆ ಅನುಗುಣವಾಗಿ ನವೀಕರಣಗೊಂಡ ಮೊದಲ ಹ್ಯಾಚ್ಬ್ಯಾಕ್ ಇದಾಗಿದೆ. ಈ ಹೊಸ ಬಲೆನೊ ಮಾದರಿಯು ಕೆಲವು ಹೆಚ್ಚುವರಿ ಫೀಚರ್ಸ್ ಗಳನ್ನು ಕೂಡ ಒಳಗೊಂಡಿರುತ್ತದೆ. ಬಲೆನೊ ಪ್ರೀಮಿಯಂ ಮಾದರಿಯು ಭಾರತೀಯ ಮಾರುಕಟ್ಟೆಯಲ್ಲಿ ಹ್ಯುಂಡೈ ಐ20, ಟಾಟಾ ಆಲ್ಟ್ರೊಜ್, ಹೋಂಡಾ ಜಾಝ್, ಫೋಕ್ಸ್ವ್ಯಾಗನ್ ಪೊಲೊ ಕಾರುಗಳಿಗೆ ಪೈಪೋಟಿ ನೀಡುತ್ತದೆ.
Source: CarDekho
Continue with Google