ಸೆಪ್ಟೆಂಬರ್‌ನಲ್ಲಿ ರೂ. 49,000 ವರೆಗಿನ ಕೊಡುಗೆಗಳನ್ನು ಪ್ರಕಟಿಸಿದ ಮಾರುತಿ ಸುಜುಕಿ

ಮಾರುತಿ ಸುಜುಕಿ ಸೆಪ್ಟೆಂಬರ್ ತಿಂಗಳಿನಲ್ಲಿ 49,000 ರೂ.ವರೆಗಿನ ಪ್ರಯೋಜನಗಳನ್ನು ಸಿದ್ಧಪಡಿಸಿದೆ. ಈ ಬಾರಿ, ದೇಶದ ಅತಿದೊಡ್ಡ ವಾಹನ ತಯಾರಕರು ಕಾರ್ಪೊರೇಟ್ ರಿಯಾಯಿತಿಗಳು ಮತ್ತು ವಿನಿಮಯ ಬೋನಸ್‌ಗಳನ್ನು ಒಳಗೊಂಡಿರುವ ಕೊಡುಗೆಗಳನ್ನು ನೀಡುತ್ತಿದ್ದಾರೆ.

ವ್ಯಾಗನ್ಆರ್, ಎಸ್-ಪ್ರೆಸ್ಸೊ, ಸ್ವಿಫ್ಟ್, ಡಿಜೈರ್ ಮಾದರಿಗಳಿಗೆ ಕೊಡುಗೆಗಳು ಅನ್ವಯವಾಗಲಿದ್ದು, ಮಾರುತಿ ಸುಜುಕಿಯು ಅರೆನಾದ ಸಿಎನ್‌ಜಿ ಲೈನ್-ಅಪ್‌ನ ಎರ್ಟಿಗಾ, ಬ್ರೆಜ್ಜಾ ಹೊಸ ಆಲ್ಟೊ ಕೆ 10 ನಂತಹ ಕೆಲವು ಹೊಸ ಮಾದರಿಗಳಲ್ಲಿ ಯಾವುದೇ ಕೊಡುಗೆಗಳನ್ನು ನೀಡುತ್ತಿಲ್ಲ. ಸೆಪ್ಟೆಂಬರ್ 2022 ರಲ್ಲಿ ಮಾರುತಿ ಸುಜುಕಿ ಪ್ರಸ್ತುತಪಡಿಸಿದ ರಿಯಾಯಿತಿ ಕೊಡುಗೆಗಳ ಕುರಿತು ಹೆಚ್ಚಿನ ವಿವರಗಳನ್ನು ಇಲ್ಲಿ ನೋಡಬಹುದು.

ಮಾರುತಿ ಸುಜುಕಿ ಸೆಲೆರಿಯೊ

ಕಳೆದ ತಿಂಗಳಂತೆಯೇ ಮಾರುತಿ ಸುಜುಕಿ ಈ ತಿಂಗಳು ಸೆಲೆರಿಯೊದ ಮ್ಯಾನುವಲ್ ರೂಪಾಂತರಗಳ ಮೇಲೆ ರೂ. 49,000 ವರೆಗೆ ರಿಯಾಯಿತಿಯನ್ನು ನೀಡುತ್ತಿದೆ. ಹ್ಯಾಚ್‌ಬ್ಯಾಕ್‌ನ AMT ಮಾದರಿಗಳು 34,000 ರೂಪಾಯಿಗಳ ರಿಯಾಯಿತಿಯನ್ನು ಪಡೆಯುತ್ತವೆ.

ಹೊಸ ಸೆಲೆರಿಯೊ 5-ಸ್ಪೀಡ್ ಮ್ಯಾನುವಲ್ ಮತ್ತು AMT ಗೇರ್‌ಬಾಕ್ಸ್‌ಗೆ ಜೋಡಿಸಲಾದ 1.0-ಲೀಟರ್ ಪೆಟ್ರೋಲ್ ಎಂಜಿನ್‌ನೊಂದಿಗೆ ಲಭ್ಯವಿದೆ, ಗರಿಷ್ಠ 67 bhp ಶಕ್ತಿಯನ್ನು ಹೊರಹಾಕುತ್ತದೆ. ಅದರೊಂದಿಗೆ ಸೆಲೆರಿಯೊ ವಿಶಾಲವಾದ ಮತ್ತು ಸುಸಜ್ಜಿತ ಕ್ಯಾಬಿನ್‌ನೊಂದಿಗೆ ಮಾರುಕಟ್ಟೆಯಲ್ಲಿ ಉತ್ತಮ ಬೇಡಿಕೆ ಪಡೆದುಕೊಂಡಿದೆ.

ಮಾರುತಿ ಸುಜುಕಿ ಎಸ್-ಪ್ರೆಸ್ಸೊ

ಸೆಲೆರಿಯೊದಂತೆಯೇ, ಕಂಪನಿಯು ಎಸ್-ಪ್ರೆಸ್ಸೊದ ಮ್ಯಾನುವಲ್ ರೂಪಾಂತರಗಳ ಮೇಲೆ ರೂ. 49,000 ವರೆಗೆ ರಿಯಾಯಿತಿಯನ್ನು ನೀಡಿದೆ. ಮಿನಿ SUV ಎಂದು ಕರೆಯಲ್ಪಡುವ AMT ರೂಪಾಂತರಗಳನ್ನು ಈ ತಿಂಗಳು ರೂ. 34,000 ರಿಯಾಯಿತಿಯಲ್ಲಿ ಪಡೆಯಬಹುದು.

ಮಾರುತಿ ಸುಜುಕಿಯು ಇತ್ತೀಚೆಗೆ ಹೆಚ್ಚು ಇಂಧನ-ಸಮರ್ಥ K10C ಎಂಜಿನ್ ಮತ್ತು ESP ಸೇರಿದಂತೆ ಹೆಚ್ಚಿನ ಸುರಕ್ಷತಾ ವೈಶಿಷ್ಟ್ಯಗಳೊಂದಿಗೆ S-ಪ್ರೆಸ್ಸೊವನ್ನು ಟ್ವೀಕ್ ಮಾಡಿದೆ. ಹೆಚ್ಚಿನ ಜನರು S-ಪ್ರೆಸ್ಸೊವನ್ನು ಉತ್ತಮ ಪರಿಷ್ಕರಣೆಯಿಂದಾಗಿ ನಗರದ ಸವಾರಿಗಾಗಿ ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ.

ಮಾರುತಿ ಸುಜುಕಿ ಸ್ವಿಫ್ಟ್

ಈ ತಿಂಗಳು, ಮಾರುತಿ ಸುಜುಕಿಯು AMT ರೂಪಾಂತರಗಳಲ್ಲಿ ರೂ. 45,000 ಮತ್ತು ಸ್ವಿಫ್ಟ್ ಸ್ಪೋರ್ಟಿ ಹ್ಯಾಚ್‌ಬ್ಯಾಕ್‌ನ ಮ್ಯಾನುವಲ್ ರೂಪಾಂತರಗಳಲ್ಲಿ ರೂ. 25,000 ದಷ್ಟು ಪ್ರಯೋಜನಗಳನ್ನು ಸೆಪ್ಟೆಂಬರ್ ತಿಂಗಳಿಗೆ ನೀಡುತ್ತಿದೆ.

ಸ್ವಿಫ್ಟ್ 90 bhp, 1.2-ಲೀಟರ್ DualJet ಪೆಟ್ರೋಲ್ ಎಂಜಿನ್ ಅನ್ನು 5-ಸ್ಪೀಡ್ ಮ್ಯಾನುವಲ್ ಮತ್ತು AMT ಗೇರ್‌ಬಾಕ್ಸ್ ಆಯ್ಕೆಗಳೊಂದಿಗೆ ಜೋಡಿಸಲಾಗಿದೆ. ಹ್ಯುಂಡೈ ಗ್ರಾಂಡ್ i10 ನಿಯೋಸ್‌ಗೆ ಪ್ರತಿಸ್ಪರ್ಧಿಯಾಗಿ, ಸ್ವಿಫ್ಟ್ ದೇಶದಲ್ಲಿ ಹೆಚ್ಚು ಮಾರಾಟವಾಗುವ ಮಾದರಿಗಳಲ್ಲಿ ಒಂದಾಗಿದೆ.

ಚಾಲನೆಯಲ್ಲಿನ ಸ್ಪೋರ್ಟಿ ಭಾವನೆ ಮತ್ತು ಪರಿಷ್ಕರಣೆಯು ಸ್ವಿಫ್ಟ್ ಅನ್ನು ತುಂಬಾ ಜನಪ್ರಿಯಗೊಳಿಸಿದೆ. ಅತ್ಯುತ್ತಮ ಸವಾರಿ ಮತ್ತು ನಿರ್ವಹಣೆ ಕೂಡ ಗಮನಾರ್ಹವಾಗಿದೆ. ಆದರೆ ವೈಶಿಷ್ಟ್ಯಗಳ ವಿಷಯದಲ್ಲಿ ಸ್ವಿಫ್ಟ್ ನಿಯೋಸ್ ಹತ್ತಿರ ಬರಲು ಸಾಧ್ಯವಿಲ್ಲ ಎಂಬುದಂತೂ ನಿಜ.

ಮಾರುತಿ ಸುಜುಕಿ ಡಿಜೈರ್

ಸೆಪ್ಟೆಂಬರ್‌ನಲ್ಲಿ, ಡೀಲರ್‌ಗಳು ಎಎಮ್‌ಟಿ ರೂಪಾಂತರಗಳಲ್ಲಿ ರೂ. 40,000 ಮತ್ತು ಮ್ಯಾನುವಲ್ ರೂಪಾಂತರಗಳಲ್ಲಿ ರೂ. 20,000 ಪ್ರಯೋಜನಗಳನ್ನು ನೀಡುತ್ತಿದ್ದಾರೆ. ಮಾರುತಿ ಸುಜುಕಿ ಡಿಜೈರ್ ಸ್ವಿಫ್ಟ್‌ನ ಕಾಂಪ್ಯಾಕ್ಟ್ ಸೆಡಾನ್ ರೂಪಾಂತರವಾಗಿದೆ.

ಈ ವಾಹನವು 1.2-ಲೀಟರ್ ಡ್ಯುಯಲ್‌ಜೆಟ್ ಪೆಟ್ರೋಲ್ ಎಂಜಿನ್‌ನಿಂದ 90 bhp ಶಕ್ತಿಯನ್ನು ಉತ್ಪಾದಿಸುತ್ತದೆ. ಡಿಜೈರ್ ಅನ್ನು 5-ಸ್ಪೀಡ್ ಮ್ಯಾನುವಲ್ ಅಥವಾ AMT ಸ್ವಯಂಚಾಲಿತ ಗೇರ್‌ಬಾಕ್ಸ್‌ನೊಂದಿಗೆ ಹೊಂದಬಹುದು.

ಆರಾಮದಾಯಕ ಮತ್ತು ವಿಶಾಲವಾದ ಕ್ಯಾಬಿನ್, ನಯವಾದ ಮತ್ತು ದಕ್ಷ ಪೆಟ್ರೋಲ್ ಎಂಜಿನ್, ಉತ್ತಮ ಸವಾರಿ ಸೌಕರ್ಯ ಮತ್ತು ನಿರ್ವಹಣೆಯ ಶ್ರೇಷ್ಠತೆ ಮಾರುತಿ ಸುಜುಕಿ ಡಿಜೈರ್ ಅನ್ನು ಪ್ರತ್ಯೇಕಿಸುತ್ತದೆ. ಡಿಜೈರ್ ಮಾರುತಿ ಸುಜುಕಿಯ ಹೆಚ್ಚು ಮಾರಾಟವಾಗುವ ಮಾದರಿಗಳಲ್ಲಿ ಒಂದಾಗಿದೆ.

ಮಾರುತಿ ಸುಜುಕಿ ವ್ಯಾಗನ್ಆರ್

ಮಾರುತಿ ವ್ಯಾಗನ್‌ಆರ್‌ನ ಪ್ರಮುಖ ಅಂಶವೆಂದರೆ ಅದರ ಎತ್ತರ (ಟಾಲ್ ಬಾಯ್) ಮತ್ತು ವಿಶಾಲವಾದ ಕ್ಯಾಬಿನ್ ಆಗಿದೆ. ಈ ಹ್ಯಾಚ್‌ಬ್ಯಾಕ್ 1.0-ಲೀಟರ್ ಮತ್ತು 1.2-ಲೀಟರ್ ಎಂಬ ಎರಡು ಪೆಟ್ರೋಲ್ ಎಂಜಿನ್‌ಗಳೊಂದಿಗೆ ಬರುತ್ತದೆ. ಇದರ ಅನುಕೂಲಗಳು ಇಂಧನ ದಕ್ಷತೆ ಮತ್ತು ಹೆಚ್ಚಿನ ಪರಿಷ್ಕರಣೆಗಳಾಗಿವೆ.

ಗ್ರಾಹಕರು ಎರಡು ಎಂಜಿನ್ ಆಯ್ಕೆಗಳು ಮತ್ತು AMT ಸ್ವಯಂಚಾಲಿತ ನಡುವೆ ಆಯ್ಕೆ ಮಾಡಬಹುದು. ಅಲ್ಲದೆ, ವಿತರಕರು ಸೆಪ್ಟೆಂಬರ್ ತಿಂಗಳಲ್ಲಿ ಮಾರುತಿ ಸುಜುಕಿ ವ್ಯಾಗನ್‌ಆರ್‌ನಲ್ಲಿ ಮ್ಯಾನುವಲ್ ರೂಪಾಂತರಗಳ ಮೇಲೆ ರೂ. 39,000 ಮತ್ತು AMT ರೂಪಾಂತರಗಳ ಮೇಲೆ ರೂ. 34,000 ರಿಯಾಯಿತಿ ಕೊಡುಗೆಗಳನ್ನು ನೀಡುತ್ತಿದ್ದಾರೆ.

ಮಾರುತಿ ಸುಜುಕಿ ಆಲ್ಟೊ 800

ಮಾರುತಿ ಸುಜುಕಿ ಇತ್ತೀಚೆಗೆ ಆಗಸ್ಟ್ 18 ರಂದು ಹೊಸ ಆಲ್ಟೊ ಕೆ 10 ಅನ್ನು ಬಿಡುಗಡೆ ಮಾಡಿತು. ಆದರೆ ಕಂಪನಿಯು 800 ಮಾದರಿಯನ್ನು ನಿಲ್ಲಿಸಲು ಸಿದ್ಧವಾಗಿಲ್ಲ. ಈ ತಿಂಗಳು ಎಂಟ್ರಿ ಲೆವೆಲ್ ಎ-ಸೆಗ್ಮೆಂಟ್ ಹ್ಯಾಚ್‌ಬ್ಯಾಕ್ ಖರೀದಿದಾರರು 29,000 ರೂ.ವರೆಗಿನ ಪ್ರಯೋಜನಗಳನ್ನು ಪಡೆಯಬಹುದು.

ಬೇಸ್ ಸ್ಟ್ಯಾಂಡರ್ಡ್ ರೂಪಾಂತರವು ರೂ. 14,000 ವರೆಗಿನ ಪ್ರಯೋಜನಗಳನ್ನು ಪಡೆಯುತ್ತದೆ. ಕಂಪನಿಯು ಹೆಚ್ಚಿನ ರೂಪಾಂತರಗಳ ಮೇಲೆ 29,000 ರೂ.ವರೆಗೆ ರಿಯಾಯಿತಿ ಕೊಡುಗೆಗಳನ್ನು ನೀಡುತ್ತಿದೆ. ಹ್ಯಾಚ್‌ಬ್ಯಾಕ್ 796cc ಪೆಟ್ರೋಲ್ ಎಂಜಿನ್‌ನಿಂದ 5-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್‌ಗೆ ಮಾತ್ರ ಸಂಯೋಜಿತವಾಗಿದೆ. ಆಲ್ಟೊ 800 ನ ಪ್ರಮುಖ ಮುಖ್ಯಾಂಶಗಳೆಂದರೆ ಅದರ ಕೈಗೆಟಕುವ ಬೆಲೆ ಮತ್ತು ಇಂಧನ ದಕ್ಷತೆ.