ಮಾರುತಿ ವಿಟಾರಾ ಬ್ರೆಝಾದಲ್ಲಿ ಹೈಬ್ರಿಡ್ ಪವರ್‌ಟ್ರೈನ್ ವ್ಯವಸ್ಥೆ ಕಲ್ಪಿಸಲು ಕಂಪನಿಯ ಸಿದ್ದತೆ

ಈ ಹೈಬ್ರಿಡ್ ಪವರ್ ಟ್ರೈನ್ ಅನ್ನು ಯುಕೆ-ಸ್ಪೆಕ್ ಸುಜುಕಿ ವಿಟಾರಾದಲ್ಲಿ ಬಳಸಲಾಗುತ್ತಿದೆ ಎಂದು ಮೂಲಗಳು ತಿಳಿಸಿವೆ. ಈ ನಿಟ್ಟಿನಲ್ಲಿ ಮಾರುತಿ ಸುಜುಕಿಯ ಮುಂಬರುವ ಪ್ರತಿಸ್ಪರ್ಧಿ ಹುಂಡೈ ಕ್ರೆಟಾವನ್ನು ಭಾರತದಲ್ಲಿ ಬಿಡುಗಡೆ ಮಾಡುವ ಸಾಧ್ಯತೆಗಳಿವೆ. ಹಾಗಾಗಗಿ ಮಾರುತಿ ಸುಜುಕಿಯ ಪ್ರಸ್ತುತ ಸೌಮ್ಯ-ಹೈಬ್ರಿಡ್ ವ್ಯವಸ್ಥೆಯಾದ ಹೊಸ ಹೈಬ್ರಿಡ್ ಪವರ್ ಟ್ರೈನ್‌ನ ಅಭಿವೃದ್ಧಿ ಮಾಡಲಿಗಿದೆ ಎಂದು ಹೇಳಲಾಗುತ್ತಿದೆ.

ಕಂಪನಿಯು ಪ್ರಸ್ತುತ ಪವರ್ ಟ್ರೈನ್ ಅನ್ನು 1.5 ಲೀಟರ್ ನ್ಯಾಚುರಲ್-ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್‌ನೊಂದಿಗೆ ಸಂಯೋಜಿಸಿ ಬಳಸಲಾಗಿದೆ. ಈ ಎಂಜಿನ್ ಅನ್ನು ಕೆ15ಸಿ ಎಂಜಿನ್ ಎಂದೂ ಕರೆಯಲಾಗುತ್ತದೆ, ಇದು 140ವಿ ಲಿಥಿಯಂ-ಅಯಾನ್ ಬ್ಯಾಟರಿ ಪ್ಯಾಕ್‌ನೊಂದಿಗೆ ಎಲೆಕ್ಟ್ರಿಕ್ ಮೋಟರ್ ಅನ್ನು ಸಹ ನಿರ್ವಹಿಸುತ್ತದೆ. ಪ್ರಕಾಶ ಮತ್ತು ಹವಾಮಾನ ನಿಯಂತ್ರಣ ವ್ಯವಸ್ಥೆಗಳಂತಹ ಘಟಕಗಳಿಗೆ ಪವರ್ ನೀಡಲು 12ವಿ ಲಿಥಿಯಂ-ಅಯಾನ್ ಬ್ಯಾಟರಿ ಮತ್ತು 12ವಿ ಲೆಡ್-ಆಸಿಡ್ ಬ್ಯಾಟರಿಯನ್ನು ಬಳಸಲಾಗಿದೆ.

ಭಾರತೀಯ ಮಾರುಕಟ್ಟೆಯಲ್ಲಿ, ಮಾರುತಿ ಸುಜುಕಿ ಎಸ್-ಕ್ರಾಸ್, ಸಿಯಾಜ್, ಎಕ್ಸ್‌ಎಲ್ 6 ಮತ್ತು ಮಾರುತಿ ಎರ್ಟಿಗಾ 1.5 ಲೀಟರ್ ಕೆ15ಬಿ ಪೆಟ್ರೋಲ್ ಎಂಜಿನ್ ಅನ್ನು ಬಳಸುತ್ತವೆ, ಅದರೊಂದಿಗೆ ಸೌಮ್ಯ-ಹೈಬ್ರಿಡ್ ತಂತ್ರಜ್ಞಾನವನ್ನು ನೀಡಲಾಗಿದೆ. ಹೊಸ ಎಂಜಿನ್ 115 ಬಿಎಚ್‌ಪಿ ಮತ್ತು 138 ಎನ್‌ಎಂ ಟಾರ್ಕ್ ಅನ್ನು ನೀಡುತ್ತದೆ.

ಇನ್ನು ಈ ವ್ಯವಸ್ಥೆಯಲ್ಲಿ ಕಂಡುಬರುವ ಎಲೆಕ್ಟ್ರಿಕ್ ಮೋಟರ್‌ನ ಔಟ್‌ಪುಟ್ 33 ಬಿಎಚ್‌ಪಿ ಮತ್ತು 60 ಎನ್‌ಎಂ ಟಾರ್ಕ್ ಅನ್ನು ಒದಗಿಸುತ್ತದೆ. ಮಾಹಿತಿಯ ಪ್ರಕಾರ, ಈ ಹೈಬ್ರಿಡ್ ವ್ಯವಸ್ಥೆಯನ್ನು ಇಲ್ಲಿಯವರೆಗೆ ಯುಕೆ-ಸ್ಪೆಕ್ ಸುಜುಕಿ ವಿಟಾರಾದಲ್ಲಿ ಮಾತ್ರ ನೀಡಲಾಗಿದೆ, ಇದು ಕೇವಲ 6-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌‌ಬಾಕ್ಸ್‌ನೊಂದಿಗೆ ಬರುತ್ತದೆ.

ಮಾರುತಿ ಸುಜುಕಿಯ ಈ ಹೈಬ್ರಿಡ್ ಪವರ್‌ಟ್ರೈನ್‌ನ ಎಲೆಕ್ಟ್ರಿಕ್ ಅಂಶಗಳು ಎಂಜಿನ್‌ನ ಐಡಲ್ ಸ್ಟಾರ್ಟ್-ಸ್ಟಾಪ್ ಅನ್ನು ಸೇರಿಸುವ ಮತ್ತು ಹೆಚ್ಚುವರಿ ಟಾರ್ಕ್‌ನೊಂದಿಗೆ ವೇಗವರ್ಧನೆಗೆ ಸಹಾಯ ಮಾಡುವ ಸಾಮಾನ್ಯ ಕಾರ್ಯಕ್ಷಮತೆಯನ್ನು ಒದಗಿಸುತ್ತವೆ. ಯುಕೆ-ಸ್ಪೆಕ್ ವಿಟಾರಾ ಎಸ್‌ಯುವಿ ಫ್ರಂಟ್ ವೀಲ್ ಡ್ರೈವ್‌ನೊಂದಿಗೆ ಹೈಬ್ರಿಡ್ ಪವರ್‌ಟ್ರೈನ್‌ನಲ್ಲಿ 22.5 ಕಿ.ಮೀ ಮೈಲೇಜ್ ನೀಡುತ್ತದೆ.

ಮಾರುತಿ ತನ್ನ ಮುಂಬರುವ ಕಾಂಪ್ಯಾಕ್ಟ್‌ ಎಸ್‌ಯುವಿಯೊಂದಿಗೆ ಈ ಪವರ್‌ಟ್ರೈನ್ ಅನ್ನು ಪರಿಚಯಿಸಲಿದೆ ಎಂದು ನಿರೀಕ್ಷಿಸಲಾಗಿದೆ. ಮಾರುತಿ ಸುಜುಕಿ ಈ ವರ್ಷ ಈ ಕಾರನ್ನು ಬಿಡುಗಡೆ ಮಾಡಬಹುದು, ಹೊಸ ಮಾರುತಿ ಸುಜುಕಿ ವಿಟಾರಾ ಬ್ರೆಜಾದ ಹೊಸ ಮಾದರಿಯನ್ನು ಈ ಹಿಂದೆ ಪರೀಕ್ಷಾ ಸಮಯದಲ್ಲಿ ನೋಡಲಾಗಿತ್ತು.

ಕಂಪನಿಯ ಎಸ್ ಯುವಿಯನ್ನು ಮಾರುತಿ ಸುಜುಕಿಯ ಪ್ರಸ್ತುತ ಎಸ್ ಯುವಿ ಮಾರುತಿ ಎಸ್-ಕ್ರಾಸ್ ಮೇಲೆ ಬಿಡುಗಡೆ ಮಾಡಲಾಗುವುದು ಮತ್ತು ಈ ಎಸ್ ಯುವಿ ಭಾರತೀಯ ಮಾರುಕಟ್ಟೆಯಲ್ಲಿ ಹುಂಡೈ ಕ್ರೆಟಾ, ಕಿಯಾ ಸೆಲ್ಟೋಸ್, ಸ್ಕೋಡಾ ಕುಶಾಕ್, ವೋಕ್ಸ್ ವ್ಯಾಗನ್ ತೈಗುನ್ ಮತ್ತು ನಿಸ್ಸಾನ್ ಕಿಕ್ಸ್ ನಂತಹ ಕಾರುಗಳೊಂದಿಗೆ ಸ್ಪರ್ಧಿಸಲಿದೆ.