ಹೊಸ ಮಾರುತಿ ಜಿಮ್ನಿ 5 ಡೋರ್ ವರ್ಷನ್ ಫೋಟೋಗಳು ಸೋರಿಕೆ...TVC ಶೂಟ್‌ ವೇಳೆ ಕ್ಯಾಮರಾಗೆ ಸೆರೆ

ಭಾರತದಲ್ಲಿ ನೀಡಲಾಗಿರುವ ಕೆಲವು ಫ್ಯಾಮಿಲಿಗೆ ಯೋಗ್ಯವಲ್ಲದ ಹಾಗೂ ಆಫ್‌ ರೋಡ್ ಕಾರುಗಳೆಂದರೆ ಮಹೀಂದ್ರಾ ಸ್ಕಾರ್ಪಿಯೋ ಗೆಟ್ಅವೇ, ಟಾಟಾ ಸಿಯೆರಾ, ಮಾರುತಿ ಸುಜುಕಿ ಜಿಪ್ಸಿ, ಟಾಟಾ ಕ್ಸೆನಾನ್ XT ಮತ್ತು ಮಹೀಂದ್ರಾ ಥಾರ್ ಸೇರಿದಂತೆ ಇನ್ನೂ ಕೆಲವು ಕಾರುಗಳಿವೆ. ಮೊದಲು ಇವನ್ನು ಜೀವನಶೈಲಿ ಕಾರುಗಳೆಂದು ಪರಿಗಣಿಸುತ್ತಿರಲಿಲ್ಲ, ಆದರೆ ಈಗ ಎಲ್ಲಾ ಕಂಪನಿಗಳು ಇವನ್ನು ಪರಿಷ್ಕರಿಸುತ್ತಿವೆ.

ಇದರಲ್ಲಿ ಮೊದಲಿಗೆ ಹೊಸ ತಲೆಮಾರಿನ ಥಾರ್ ಬಿಡುಗಡೆಯೊಂದಿಗೆ ಮಹೀಂದ್ರಾ ತನ್ನ ಕೊಡುಗೆಯನ್ನು ಪರಿಷ್ಕರಿಸಿದೆ. ಫೋರ್ಸ್ ಮೋಟಾರ್ಸ್ ತನ್ನ ಗೂರ್ಖಾ ಎಸ್‌ಯುವಿಯೊಂದಿಗೆ ಮಾರುಕಟ್ಟೆ ಪ್ರವೇಶಿಸಿದರೆ ಇದೀಗ ಮಾರುತಿ ಕೂಡ ಹೊಸ ಜಿಮ್ನಿಯನ್ನು ಪರಿಚಯಿಸಲು ಸಜ್ಜಾಗಿದೆ. ಇದರ ನೋಟವು Mercedes-Benz G-ಕ್ಲಾಸ್ ನಂತೆ ಕಾಣುತ್ತಿದೆ. ಈಗಾಗಲೇ ವಿದೇಶದಲ್ಲಿ ಹಿಟ್ ಆಗಿರುವ ಜಿಮ್ನಿ, 4X4 ಜೊತೆಗಿನ ಉತ್ಸಾಹಭರಿತ ಎಂಜಿನ್‌ನೊಂದಿಗೆ ಬರುತ್ತದೆ. ಆದರೆ ಅದು 3 ಡೋರ್ ವರ್ಷನ್ ರೂಪಾಂತರವಾಗಿತ್ತು.

ಸದ್ಯ ಭಾರತೀಯ ಮಾರುಕಟ್ಟೆಗೆ ಎಂಟ್ರಿಕೊಡಲಿರುವ ಹೊಸ ಜಿಮ್ನಿ 5 ಡೋರ್ ರೂಪಾಂತರವಾಗಿದೆ. ಇಷ್ಟು ದಿನ ಮಾರುತಿ ಟೆಸ್ಟಿಂಗ್ ವೇಳೆ ತನ್ನ ಕಾರನ್ನು ಜೀಬ್ರಾ ಮೇಲ್ಮೈನೊಂದಿಗೆ ಹಲವು ಬಾರಿ ಕಾಣಿಸಿಕೊಂಡಿತ್ತು. ಆದರೆ ಮೊದಲ ಬಾರಿಗೆ 5 ಡೋರ್ ವರ್ಷನ್ ಮಾರುತಿ ಜಿಮ್ನಿ ಈಗ ಯಾವುದೇ ಮರೆಮಾಚುವಿಕೆ ಇಲ್ಲದೆ ಕಾಣಿಸಿಕೊಂಡಿದೆ. ಇದು ಮುಂಬರಲಿರುವ ಥಾರ್ 5 ಡೋರ್ ವರ್ಷನ್‌ಗೆ ಪ್ರತಿಸ್ಪರ್ಧಿಯಾಗಲಿದ್ದು, ಮುಂಬರುವ ದಿನಗಳಲ್ಲಿ ಕಾರು ಮಾರುಕಟ್ಟೆಯಲ್ಲಿ ತೀವ್ರ್ ಪೈಪೋಟಿ ಎದುರಾಗಿದೆ ಎಂಬ ಲೆಕ್ಕಾಚಾರಗಳು ನಡಿಯುತ್ತಿವೆ.

2023 ಮಾರುತಿ ಜಿಮ್ನಿ 5 ಡೋರ್ ಟಿವಿಸಿ ಶೂಟ್

ಮುಂದಿನ ತಿಂಗಳ ಆರಂಭದಲ್ಲಿ 2023 ಆಟೋ ಎಕ್ಸ್‌ಪೋದಲ್ಲಿ ತನ್ನ ಜಾಗತಿಕ ಚೊಚ್ಚಲ ಪ್ರವೇಶಕ್ಕೆ ತಯಾರಾಗುತ್ತಿರುವ ಹೊಸ ಮಾರುತಿ ಸುಜುಕಿ ಜಿಮ್ನಿ 5 ಡೋರ್ ಅನ್ನು ಲಡಾಖ್ ಪ್ರದೇಶದ ಲೇಹ್‌ನಲ್ಲಿ ಗುರುತಿಸಲಾಗಿದೆ. ಹೊಸ SUV ಗಾಗಿ ನಡೆಯುತ್ತಿರುವ ಟಿವಿಸಿ ಚಿತ್ರೀಕರಣದ ಸಮಯದಲ್ಲಿ, ವೇಷವಿಲ್ಲದ ಪತ್ತೇದಾರಿ ಶಾಟ್‌ಗಳನ್ನು ಕ್ಲಿಕ್ ಮಾಡಲಾಗಿದೆ. ಇದು ಜಿಮ್ನಿ ಬ್ರ್ಯಾಂಡಿಂಗ್ ಅನ್ನು ಪಡೆದಿದ್ದು, ಜಿಪ್ಸಿ ಬ್ರ್ಯಾಂಡಿಂಗ್ ಅನ್ನು ಕೈಬಿಡಲಾಗಿದೆ. ಆಸನದ ವಿನ್ಯಾಸ ತಿಳಿದಿಲ್ಲವಾದರೂ, ಮೂರನೇ ಸಾಲಿನ ಆಸನಗಳು ಇರುತ್ತವೆ.

ನಮಗೆ ತಿಳಿದಿರುವಂತೆ 5 ಆಸನಗಳು ಮತ್ತು 7 ಆಸನಗಳ ಎರಡು ಆಸನ ಆಯ್ಕೆಗಳು ಪ್ರಸ್ತಾಪದಲ್ಲಿರಬಹುದು. ಅಗಲವಾದ ಫೆಂಡರ್‌ಗಳು, ಎತ್ತರದ ಬಾನೆಟ್ ಲೈನ್, ಬುಚ್ ಬಾಕ್ಸಿ ಸಿಲೂಯೆಟ್, ಎತ್ತರದ ದೇಹ ಮತ್ತು ದೊಡ್ಡ ಗಾಜಿನ ಪ್ರದೇಶವು ಜಿಮ್ನಿಯ ಪ್ರಮುಖ ಹೈಲೈಟ್‌ಗಳಾಗಿವೆ. ಇದು ಏಕೆ ಬಹಳ ಜನಪ್ರಿಯವಾಗಿದೆ ಎಂಬುದರಲ್ಲಿ ಯಾವುದೇ ಆಶ್ಚರ್ಯವೇನಿಲ್ಲ. ಒಳಭಾಗದಲ್ಲಿ, ಜಿಮ್ನಿ ವಿಶ್ವ ದರ್ಜೆಯ ಸೌಕರ್ಯಗಳನ್ನು ಪಡೆಯುವುದಿಲ್ಲ, ಆದರೆ ಪ್ರತಿಸ್ಪರ್ಧಿಗಳ ಹೋಲಿಸಿಕೊಂಡರೆ ಉತ್ತಮ ವಿನ್ಯಾಸ, ವೈಶಿಷ್ಟ್ಯಗಳೊಂದಿಗೆ ಬರಲಿದೆ.

ಇದು ಎಲ್‌ಇಡಿ ಹೆಡ್‌ಲೈಟ್‌ಗಳನ್ನು ಪಡೆಯುತ್ತದೆ, ವಿದೇಶದಲ್ಲಿ ಮಾರಾಟವಾಗುವ 3-ಬಾಗಿಲಿನ ಆವೃತ್ತಿಯಂತಲ್ಲದೆ, ಹ್ಯಾಲೊಜೆನ್ ಲೈಟ್‌ಗಳನ್ನು ಪಡೆಯಲಿದೆ. 2023 ಮಾರುತಿ ಜಿಮ್ನಿ 5-ಡೋರ್ SUV ಫ್ರೀ-ಸ್ಟಾಂಡಿಂಗ್ 9" ಹೆಡ್ ಯೂನಿಟ್ ಅನ್ನು ಪಡೆಯುತ್ತದೆ. ಬಲೆನೊ, ಬ್ರೆಝಾದಂತಹಾ ಹೆಚ್ಚಿನವುಗಳ ಬಹುತೇಕ ಪ್ರೀಮಿಯಂ ಎಲಿಂಮೆಂಟ್‌ಗಳನ್ನು ಪಡೆಯಲಿದೆ. ಇದನ್ನು ಹಾರ್ಡ್ ಟಾಪ್‌ನೊಂದಿಗೆ ಮಾತ್ರ ನೀಡಲಾಗುವುದು. ಥಾರ್ ಭಿನ್ನವಾಗಿ ಇದು ಕನ್ವರ್ಟಿಬಲ್ ಆಯ್ಕೆಯನ್ನು ಪಡೆಯುತ್ತದೆ. ಜಿಮ್ನಿಯ ಹಾರ್ಡ್-ಟಾಪ್ ಅನ್ನು ಓಪನ್-ಟಾಪ್ ರೂಫ್ ಆಗಿ ಪರಿವರ್ತಿಸಲು ಮಾಡರ್‌ಗಳನ್ನು ನಿಲ್ಲಿಸಿಲ್ಲ.

ನಮಗಿರುವ ಮಾಹಿತಿಯಂತೆ ಮುಂಬರಲಿರುವ ಮಾರುತಿ ಸುಜುಕಿ ಜಿಮ್ನಿ 1.5L 4-ಸಿಲಿಂಡರ್, NA ಎಂಜಿನ್ ಹೊಂದಿರುವ K15B ಎಂಜಿನ್ ಅನ್ನು ಹೊಂದಿರಲಿದೆ. ಇದು 104 bhp ಪವರ್ ಮತ್ತು 138 Nm ಟಾರ್ಕ್ ಅನ್ನು ಹೊರಹಾಕುತ್ತದೆ. ಜಾಗತಿಕವಾಗಿ, 4X4 ವರ್ಗಾವಣೆ ಜೊತೆಗೆ 5-ಸ್ಪೀಡ್ ಮ್ಯಾನುವಲ್ ಮಾತ್ರ ನೀಡಲಾಗುತ್ತದೆ. ಬಿಡುಗಡೆ ಕುರಿತು ಮಾತನಾಡುವುದಾದರೆ, ಇದು ಮುಂದಿನ ವರ್ಷದ ದ್ವಿತೀಯಾರ್ಧದಲ್ಲಿ ಬಿಡುಗಡೆಯಾಗಬಹುದು. ಬಿಡುಗಡೆ ಬಳಿಕ ಇದು ಗೂರ್ಖಾದ 5-ಬಾಗಿಲಿನ ಆವೃತ್ತಿ ಮತ್ತು ಥಾರ್‌ನ 5-ಬಾಗಿಲಿನ ಆವೃತ್ತಿಗೆ ಪ್ರತಿಸ್ಪರ್ಧಿಯಾಗಲಿದೆ.

ಸದ್ಯ ಗೂರ್ಖಾದ 5-ಬಾಗಿಲಿನ ಆವೃತ್ತಿ ಮತ್ತು ಥಾರ್‌ನ 5-ಬಾಗಿಲಿನ ಆವೃತ್ತಿ ಎರಡೂ ಕೂಡ ಪರೀಕ್ಷೆಯ ಹಂತದಲ್ಲಿವೆ. ಇವು ಕೂಡ ಆಯಾ ಬ್ರಾಂಡ್‌ಗಳಲ್ಲಿ ಗ್ರಾಹಕರಿಂದ ಹೆಚ್ಚು ನಿರೀಕ್ಷೆಗಳಿಗೆ ಒಳಪಟ್ಟಿವೆ. ಗೂರ್ಖಾ 5 ಡೋರ್ ಆವೃತ್ತಿಯು ಇತ್ತೀಚೆಗೆ ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕ್ಷತ್ರಿಯಾಗಿ ಪಾದಾರ್ಪಣೆ ಮಾಡಿತ್ತು. ಮುಂದಿನ ತಿಂಗಳು ಥಾರ್ 5 ಡೋರ್ ಅನ್ನು ಅನಾವರಣಗೊಳಿಸಲು ಮಹೀಂದ್ರಾ ತಯಾರಿ ನಡೆಸುತ್ತಿದೆ. ಮುಂಬರುವ ದಿನಗಳಲ್ಲಿ ಇವಗಳ ನಡುವೆ ತೀವ್ರ ಪೈಪೋಟಿ ಇರಲಿದೆ.