ವಿಯೆಟ್ನಾಂಗೆ ಭಾರತದಿಂದ ಕುಶಾಕ್, ಸ್ಲಾವಿಯಾವನ್ನು ರಫ್ತು ಮಾಡಲಿದೆ ಸ್ಕೋಡಾ

ಜನಪ್ರಿಯ ಕಾರು ತಯಾರಕ ಕಂಪನಿಯಾದ ಸ್ಕೋಡಾ ಆಟೋ ವಿಯೆಟ್ನಾಂ ಕಾರು ಮಾರುಕಟ್ಟೆಯನ್ನು ಪ್ರವೇಶಿಸಿದೆ. ರಷ್ಯಾ-ಉಕ್ರೇನ್ ಯುದ್ಧದ ಮಧ್ಯೆ, ಜರ್ಮನಿ ಮತ್ತು ಜೆಕ್ ಗಣರಾಜ್ಯದ ನಂತರ ಭಾರತವು ಜೆಕ್ ವಾಹನ ತಯಾರಕರಿಗೆ ಮೂರನೇ ಅತಿದೊಡ್ಡ ಮಾರುಕಟ್ಟೆಯಾಗಿ ಹೊರಹೊಮ್ಮಿದೆ. ಸ್ಕೋಡಾ ಕಾರುಗಳು ಭಾರತೀಯ ಮಾರುಕಟ್ಟೆಯಲ್ಲಿ ಜನಪ್ರಿಯತೆಯನ್ನು ಪಡೆದುಕೊಳ್ಳುತ್ತಿದೆ.

ಸ್ಕೋಡಾ ವಿಶ್ವದ ಉದಯೋನ್ಮುಖ ಮಾರುಕಟ್ಟೆಗಳಲ್ಲಿ ಕಾರು ಖರೀದಿದಾರರನ್ನು ಸೆಳೆಯಲು ಪ್ರಯತ್ನಿಸುತ್ತಿದೆ. ಅದಕ್ಕಾಗಿಯೇ ಅದರ ಅಂತರರಾಷ್ಟ್ರೀಕರಣ ಪ್ರಕ್ರಿಯೆಯ ಭಾಗವಾಗಿ ಆಗ್ನೇಯ ಏಷ್ಯಾಕ್ಕೆ ವಿಸ್ತರಿಸುವ ಗುರಿಯನ್ನು ಹೊಂದಿದೆ.ಸ್ಕೋಡಾ ಆಟೋ ಫೋಕ್ಸ್‌ವ್ಯಾಗನ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್‌ನ ಅಧಿಕೃತ ಪ್ರಕಟಣೆಯ ಪ್ರಕಾರ, ಮೇಡ್-ಇನ್-ಇಂಡಿಯಾ ಕುಶಾಕ್ 2024 ರಲ್ಲಿ ವಿಯೆಟ್ನಾಂನಲ್ಲಿ ಮಾರಾಟವನ್ನು ಪ್ರಾರಂಭಿಸುತ್ತದೆ, ವಿಯೆಟ್ನಾಂ ಮಾರುಕಟ್ಟೆಯಲ್ಲಿ ಸ್ಕೋಡಾ ಕಂಪನಿಯು ತ್ವರಿತವಾಗಿ ಪ್ರೀಮಿಯಂ ಮಧ್ಯಮ ಗಾತ್ರದ ಸೆಡಾನ್, ಸ್ಲಾವಿಯಾವನ್ನು ಮೊದಲಿಗೆ ಮಾರಾಟ ಮಾಡಲಿದೆ.

ಭಾರತದಿಂದ ಕುಶಾಕ್ ಮತ್ತು ಸ್ಲಾವಿಯಾವನ್ನು ಪುಣೆಯಲ್ಲಿರುವ ಚಕನ್ ಸೌಲಭ್ಯದಿಂದ ವಿಯೆಟ್ನಾಂಗೆ ರಫ್ತು ಮಾಡಲಾಗುತ್ತದೆ. ಸಿಕೆಡಿ ಮಾರ್ಗವನ್ನು ಅನುಸರಿಸಿ ವಿಯೆಟ್ನಾಂನಲ್ಲಿ ಅಸೆಂಬ್ಲಿ ನಡೆಯುತ್ತದೆ. ನಂತರದ ಹಂತದಲ್ಲಿ ಸ್ಥಳೀಯ ಉತ್ಪಾದನೆಗಾಗಿ ಥಾನ್ ಕಾಂಗ್ (ಟಿಸಿ ಮೋಟಾರ್) ಸಹಯೋಗದೊಂದಿಗೆ ಉತ್ಪಾದನಾ ಸೌಲಭ್ಯವನ್ನು ಸ್ಥಾಪಿಸಲಾಗುತ್ತದೆ. ಇನ್ನು ಇಂಡಿಯಾ 2.0 ವ್ಯಾಪಾರ ತಂತ್ರದ ಅಡಿಯಲ್ಲಿ ಬಿಡುಗಡೆಯಾದ ಕುಶಾಕ್ ಎಸ್‌ಯುವಿ ಮತ್ತು ಸ್ಲಾವಿಯಾ ಸೆಡಾನ್‌ನ ಯಶಸ್ಸಿನ ನಂತರ ಭಾರತವು ಸ್ಕೋಡಾ ಆಟೋಗೆ ಮೂರನೇ ಅತಿದೊಡ್ಡ ಮಾರುಕಟ್ಟೆಯಾಗಿದೆ.

ಈ ಹೊಸ ಯಶಸ್ಸನ್ನು ಸ್ಕೋಡಾ ಆಟೋ ಇಂಡಿಯಾ ಡೆಹ್ರಾಡೂನ್‌ನಲ್ಲಿ ಹಿಮಾಲಯದ ಸುಂದರವಾದ ಪ್ರದೇಶದಲ್ಲಿ ಜಾಗತಿಕ ಕಾರ್ಯಕ್ರಮನ್ನು ಇತ್ತೀಚೆಗೆ ನಡೆಸಿತು. ಈ 'ಪೀಕ್-ಟು-ಪೀಕ್ ಡ್ರೈವ್' ಸ್ಕೋಡಾ ಆಟೋ ಇಂಡಿಯಾ ಮತ್ತು ಅದರ ಭಾರತ-ನಿರ್ಮಿತ ಉತ್ಪನ್ನಗಳ ಸಾಧನೆಗಳನ್ನು ಭಾರತ ಮತ್ತು ಪ್ರಪಂಚದ ಎಲ್ಲಾ ಮೂಲೆಗಳ ಅನೇಕ ಆಟೋಮೋಟಿವ್ ತಜ್ಞರಿಗೆ ಪ್ರದರ್ಶಿಸಿತು. ಹೊಸ ಹೆಚ್ಚು ಕಟ್ಟುನಿಟ್ಟಾದ ಕ್ರ್ಯಾಶ್ ಟೆಸ್ಟಿಂಗ್ ಪ್ರೋಟೋಕಾಲ್‌ಗಳ ಅಡಿಯಲ್ಲಿ ಸ್ಕೋಡಾ ಕುಶಾಕ್ ಎಸ್‌ಯುವಿ ಸಾಧಿಸಿದ 5-ಸ್ಟಾರ್ ಸುರಕ್ಷತಾ ರೇಟಿಂಗ್‌ಗಳನ್ನು ಈ ಆಚರಣೆಯಲ್ಲಿ ನೆನಪಿಸಿಕೊಂಡರು

ಸ್ಕೋಡಾ ಆಟೋ ಇಂಡಿಯಾವು ಸ್ಕೋಡಾ ಕುಶಾಕ್ ಆನಿವರ್ಸರಿ ಆವೃತ್ತಿಯ ಪರಿಚಯವನ್ನು ಘೋಷಿಸಿತು ಜೊತೆಗೆ ಮಾದರಿ ವರ್ಷ 2023ರ ನವೀಕರಣಗಳನ್ನು ದೇಶದಲ್ಲಿ ಕುಶಾಕ್ ಎಸ್‌ಯುವಿ ಮತ್ತು ಸ್ಲಾವಿಯಾ ಸೆಡಾನ್ ಎರಡಕ್ಕೂ ಪ್ರಕಟಿಸಿದೆ. 2022ರ ವರ್ಷವನ್ನು ಪೂರ್ಣಗೊಳಿಸಲು ಈಗಾಗಲೇ ಒಂದು ತಿಂಗಳು ಮತ್ತು ಹೆಚ್ಚಿನ ಸಮಯದೊಂದಿಗೆ, ಸ್ಕೋಡಾ ಆಟೋ ಇಂಡಿಯಾ ಈ ವರ್ಷದ ಜನವರಿಯಿಂದ ಅಕ್ಟೋಬರ್‌ವರೆಗೆ 44,500 ಕಾರುಗಳನ್ನು ಮಾರಾಟ ಮಾಡುವ ಮೂಲಕ ಭಾರತದಲ್ಲಿ ತನ್ನ ಅತಿದೊಡ್ಡ ಮಾರಾಟದ ಅಂಕಿಅಂಶವನ್ನು ಈಗಾಗಲೇ ದಾಖಲಿಸಿದೆ.

ಇನ್ನು ಈ ತಿಂಗಳುಗಳಲ್ಲಿ, ಸ್ಕೋಡಾ ಆಟೋ ತನ್ನ ಇಂಡಿಯಾ 2.0 ವ್ಯಾಪಾರ ತಂತ್ರ ಮತ್ತು ಅದರ ಮೇಡ್-ಇನ್-ಇಂಡಿಯಾ MQB-A0 IN ಪ್ಲಾಟ್‌ಫಾರ್ಮ್‌ನ ಯಶಸ್ಸನ್ನು ಮತ್ತಷ್ಟು ಸಾಬೀತುಪಡಿಸಿದೆ. MQB-A0 IN ಪ್ಲಾಟ್‌ಫಾರ್ಮ್ ಸ್ಕೋಡಾ ಕುಶಾಕ್ ಎಸ್‌ಯುವಿ ಮತ್ತು ಸ್ಕೋಡಾ ಸ್ಲಾವಿಯಾ ಸೆಡಾನ್ ಎರಡನ್ನೂ ಈ ಪ್ಲಾಟ್‌ಫಾರ್ಮ್‌ನಲ್ಲಿ ನಿರ್ಮಿಸಲಾಗಿದೆ ಮತ್ತು ಭಾರತೀಯ ಮಾರುಕಟ್ಟೆಯಲ್ಲಿ ಜೆಕ್ ವಾಹನ ತಯಾರಕರ ಬೆಳವಣಿಗೆ ಮತ್ತು ಎತ್ತರವನ್ನು ಹೆಚ್ಚಿಸಿದೆ. ಈ ವರ್ಷ, ಸ್ಕೋಡಾ ಆಟೋ ಇಂಡಿಯಾ ತನ್ನ ಇಂಡಿಯಾ 2.0 ವ್ಯವಹಾರ ಕಾರ್ಯತಂತ್ರದ ಅಡಿಯಲ್ಲಿ ತನ್ನ ಉತ್ಪನ್ನಗಳ ಮೇಲೆ ಕೇಂದ್ರೀಕರಿಸಿದೆ.

ಆದರೆ ಡಿಸೆಂಬರ್ 2021 ರಲ್ಲಿ 175 ಟಚ್‌ಪಾಯಿಂಟ್‌ಗಳಿಂದ ವರ್ಷಾಂತ್ಯದ ವೇಳೆಗೆ 250 ಟಚ್‌ಪಾಯಿಂಟ್‌ಗಳಿಗೆ ಭಾರತದಾದ್ಯಂತ ತನ್ನ ವ್ಯಾಪ್ತಿಯನ್ನು ಮತ್ತು ನೆಟ್‌ವರ್ಕ್ ಅನ್ನು ವಿಸ್ತರಿಸುವ ಮೂಲಕ ತನ್ನ ವ್ಯಾಪಾರ ಪ್ರಕ್ರಿಯೆಗಳ ಮೇಲೆ ಕೇಂದ್ರೀಕರಿಸಿದೆ. ಅದರ ಮೇಲೆ, ಸ್ಕೋಡಾ ಆಟೋ ಇಂಡಿಯಾ ತನ್ನ ಕಾರುಗಳಿಗೆ ಕಡಿಮೆ ನಿರ್ವಹಣಾ ವೆಚ್ಚವನ್ನು ಸಕ್ರಿಯಗೊಳಿಸಿದೆ ಮತ್ತು ಅವುಗಳನ್ನು ಸಂಪೂರ್ಣವಾಗಿ ಡಿಜಿಟಲೀಕರಣಗೊಳಿಸುವ ಮೂಲಕ ತನ್ನ ಶೋರೂಮ್‌ಗಳನ್ನು ನವೀಕರಿಸಿದೆ. ಗ್ರಾಹಕರ ವಿಶ್ವಾಸ ಸುಧಾರಿಸಲು, ಸ್ಕೋಡಾ ಆಟೋ ಇಂಡಿಯಾವು 'ಫ್ಯಾನ್ಸ್ ಆಫ್ ಸ್ಕೋಡಾ' ಆಂದೋಲನವನ್ನು ಪರಿಚಯಿಸಿತು,

ಇದು ಬ್ರಾಂಡ್‌ನ ಅಭಿಮಾನಿಗಳು ಮತ್ತು ಗ್ರಾಹಕರಿಗೆ ಸ್ಕೋಡಾ ಆಟೋ ಇಂಡಿಯಾದ ನಾಯಕತ್ವ ತಂಡದೊಂದಿಗೆ ಪರಸ್ಪರ ಭೇಟಿಯಾಗಲು, ತೊಡಗಿಸಿಕೊಳ್ಳಲು ಮತ್ತು ಸಂವಹನ ನಡೆಸಲು ವೇದಿಕೆಯನ್ನು ಒದಗಿಸಿತು. MQB-A0 IN ಪ್ಲಾಟ್‌ಫಾರ್ಮ್ ಕಾರುಗಳು ಭಾರತದಲ್ಲಿ 95% ರಷ್ಟು ಸ್ಥಳೀಕರಿಸಲ್ಪಟ್ಟಿವೆ ಎಂದು ನಮೂದಿಸುವುದು ಯೋಗ್ಯವಾಗಿದೆ. ಇದಲ್ಲದೆ, ಈ ಮೇಡ್-ಇನ್-ಇಂಡಿಯಾ ಕಾರುಗಳನ್ನು ಈಗಾಗಲೇ ಗಲ್ಫ್‌ನ ಎಡಗೈ ಡ್ರೈವ್ ದೇಶಗಳಿಗೆ ರಫ್ತು ಮಾಡಲಾಗುತ್ತಿದೆ. ಅಲ್ಲದೆ, ಈ ಮೇಡ್-ಇನ್-ಇಂಡಿಯಾ ಕಾರುಗಳನ್ನು 2024 ರಿಂದ ವಿಯೆಟ್ನಾಂನಲ್ಲಿ ಜೋಡಿಸಲಾಗುತ್ತದೆ. ಈ ಯುನಿಟ್ ಗಳನ್ನು ಚಕನ್‌ನಲ್ಲಿರುವ ಸ್ಕೋಡಾ ಆಟೋ ಇಂಡಿಯಾದ ಸೌಲಭ್ಯದಿಂದ ರಫ್ತು ಮಾಡಲಾಗುತ್ತದೆ.